Aprobada la memoria del Parque Tecnolóxicu Avilés “Isla de la Innovación”

El Plenu municipal ordinariu del mes d’avientu aprobó la memoria del Parque Tecnolóxicu Avilés “Isla de la Innovación” que recueye los aspeutos sociales, financiaeros, xurídicos y técnicos d’esti serviciu.

Esti documentu va sometese a esposición pública demientres el próximu mes, nel que los ciudadanos particulares y les entidaes van poder realizar observaciones. La propuesta foi aprobada col votu favorable de PSOE, PP, SOMOS, IX y Ciudadanos; y el votu en contra de Ganemos.

La memoria recueye que’l Conceyu d’Avilés va cuntar con un serviciu específicu pal desenvolvimientu y xestión del Parque Científicu Tecnolóxicu Avilés “Isla de la Innovación” al traviés de la Sociedá de Desenvolvimientu La Curtidora, S.A

En palabres del conceyal de Promoción Económica’l  principal oxetivu del Parque Científicu Tecnolóxicu ye “establecer una área en redol al llugar onde desenvuelven la so actividá los grandes centros d’investigación d’Avilés y un conxuntu de PYMES industriales d’altu componente d’innovación granible y de internacionalización comercial, pa promover una industria venceyada a la conocencia y l’investigación”.