Portada Comunicación Ana Vanesa Gutiérrez va presentar la nueva etapa de “Pieces” na TPA

Ana Vanesa Gutiérrez va presentar la nueva etapa de “Pieces” na TPA

by asturnet

El programa “Pieces” producíu por Ediciones Ámbitu y emitíu na TPA los sábados pela mañana va convertise nun magacine nes próximes selmanes y va facelo, según pudo saber la redacción d’Asturnews, de mano de la escritora Ana Vanessa Gutiérrez y con una estética renovada.

El programa ta formáu poles seiciones: -‘Voces’: Retratu d’un intérprete de la canción asturiana o tonada nel que se repasa la so trayectoria musical mentes s’escucha una de les canciones más representatives del so repertoriu. -‘Muséu’. Sección na que personalidaes del mundu cultural asturianu seleccionen el so cuadru preferíu de la colección del Muséu de Belles Artes d’Asturies. -‘Al son’: Un grupu o músicu asturianu interpreta en directo y en versión acústica una canción del so últimu trabayu discográficu. Nesta sección represéntense tolos estilos que se practiquen anguaño nel país: folk, tonada, rock, pop, gaita o jazz, ente otros. -‘En tables’: El programa va emitir nesti apartáu la grabación d’una pequeña escena de los montaxes que tán preparando les compañíes teatrales del país. -‘Periferia’: Figures de la escena cultural asturiana recomienden una obra musical d’actualidá que s’alcuentra na ‘periferia’ de la industria del espectáculu.

Otra de les novedaes d’esta nueva etapa ye que parte de los espacios van ser grabaos en dellos cafés repartíos per Asturies y nuna llocalización de la Casa Cultura Teodoro Cuesta de Mieres.

Tamién te podria gustar