Portada Música Ana Torroja, Luz Casal y una Noite de Fados pal San Agustín d’Avilés

Ana Torroja, Luz Casal y una Noite de Fados pal San Agustín d’Avilés

by asturnet

La Selmana grande avilesina, con motivu de la celebración de les fiestes de San Agustín, va llevar mañana al Parque de Ferrera de la villa, a partir de les nueve de la nueche, una Noite de Fados colos fadistes Laurinda Fernández, Joao Soeiro y Cesáreo Rocha. Nel conciertu tamien van intervinir Edgar Alfredo a la viola y el guitarrista de fado Julio Madaleno. Per otra parte, los conciertos de les fiestes de San Agustín d’Aviles van traer tamien a conocíes cantantes de como Ana Torroja y Luz Casal.

La nueche del sábadu, la que fuere vocalista de Mecano va presentar n’Aviles el so últimu discu en solitario, nel que fai diferentes versiones de los temes más populares del conxuntu que formó na decada de los ochenta colos hermanos Cano. Mentes que’l llunes, una de les grandes roqueres españoles, Luz Casal va repasar los grandes esitos de la so carrera xunto a los temes más nuevos del discu ‘Sencilla alegría’.

Estos dos conciertos van ser a partir de les once la nueche nel Complexu Deportivu avilesín.

Tamién te podria gustar