Educación Amplíase’l plazu d’inscripción del Certame de Teatru Escolar by redacción asturnews 14 de febreru, 2017 written by redacción asturnews 14 de febreru, 2017 44 La Conseyería d’Educíación y Cultura vieno acabante d’ampliar el plazu d’inscripción del Certame de Teatru Escolar que se desenvuelve nos centros educativos por mor de la celebración de la Selmana de les Lletres Asturianes. Por cuenta de la celebración de la XXXVIII Selmana de les Lletres Asturianes, la Conseyería d’Educación y Cultura tien convocaos a tolos centros educativos de la rede asturiana qu’imparten Llingua Asturiana/Gallego-Asturianu a fomentar l’actividá teatral en llingua asturiana y gallego-asturianu como modelu d’espresión y normalizar el so usu nel ámbitu educativu. Ente toles representaciones recibíes va facese una selección de les que van participar nuna Gala Final nel Teatru la Llaboral de Xixón, nel mes de mayu de 2017, entamada pola Conseyería d’Educación y Cultura del Principáu d’Asturies dientro de la XXXVIII Selmana de les Lletres Asturianes. Esti concursu va dirixíu al alumnáu escolarizao nes etapes d’Educación Primaria y ESO/Bachilleratu de los centros educativos d’Asturies y van establecese estes categoríes: Educación Primaria y ESO/Bachilleratu. Requisitos Pa poder participar, los centros tienen que cumplir estos requisitos: Cada centru tien que formar un grupu teatral acordies col fin d’esta convocatoria. Cada centru ha tener un profesor/a de referencia d’esti grupu teatral que seya miembru del Claustru. Cada representación ha grabase nun formatu de videu domésticu y ha unviase a la Coordinación d’Enseñances de Llingua Asturiana de la Conseyería d’Educación y Cultura. La representación ha tener una duración máxima de 30 minutos. La llingua vehicular de la representación ha ser l’asturianu o’l gallego-asturianu. Nel casu de ser escoyíos pa la Gala Final Van poder usase efectos audiovisuales en soportes apurríos pol grupu. El montaxe de la escenografía/material audiovisual nun pue superar los 10 minutos. La Conseyería d’Educación y Cultura va organizar y financiar los desplazamientos a los centros escoyíos. NOVEDÁ. Modalidá monólogu Nesta IV edición del Certame de Teatru Escolar en Llingua Asturiana/Gallego-Asturianu créase la categoría de Monólogos. Los monólogos han tener una duración máxima de cinco minutos. Cada centru va poder presentar tantos candidatos/es como considere. Pa caún de los monólogos ha presentase un anexu, marcando l’apartáu monólogu. Procedimientu y plazos Pa participar, el centru tien que rellenar y unviar a la Conseyería d’Educación y Cultura del Principáu d’Asturies l’Anexu I. El plazu de presentación d’esta solicitú acaba’l llunes 30 de marzu del 2017. El centru participante va recibir notificación de la llegada de la so solicitú. El CD col videu grabáu pue llevase a la Coordinación d’Enseñances de Llingua Asturiana de la Conseyería d’Educación y Cultura del Principáu d’Asturies hasta’l xueves 30 de marzu de 2017. Bases IV Certame de Teatru Escolar (AST) (pdf) Anexu I. Formulario de solicitud (AST) (doc) ConcursuSelmana de les Lletresteatruteatru escolar 0 FacebookTwitterPinterestEmail Anterior Asturies va celebrar en Mieres y La Pola el Día de la Llingua Materna siguiente Planificación Llingüística estrena boletín Tamién te podria gustar Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes L’ALLA abre’l plazu pa los cursos de la... “Misteriu nel Soterrañu” algama’l premiu Alfonso Iglesias de... Tapia acueye la presentación del II Premiu «Quiastolita»... El Principáu y la UOC firmen un conveniu... Asturies destaca en comprensión llectora L’IES Real Institutu Xovellanos entama sos primeres Xornaes... Xornada Evaluación de programes educativos Entamen los talleres ‘Enfoca la to vida’ n’Avilés...