Alumnos de doctoráu critiquen el retrasu n’ayudes pa estancies nel estranxeru

L’Asamblea pol Futuru de la Investigación n’Asturies (AFIA) apura la convocatoria y resolvimientu de les ayudes para les estancies curties nel estranxeru y denuncia, los retrasos que se tán produciendo anguaño que “suponen una bultable torga pa cumplir esti requisitu”.

Éstes, recuerda, l’Asociación son «un derechu otorgáu cola beca Severu Ochoa que dexa a les persones beneficiaries realizar un pequenu trabayu d’investigación o aprender nueves técniques necesaries para’l so proyectu de tesis doctoral n’otru centru d’investigación o universidá de reconocíu prestíu nel estranxeru mientres un máximu de trés meses».

Amás, ponen de manifiestu, «el desenvolvimientu d’estes estancies curties forxa collaboraciones internacionales ente grupos d’investigación afincaos n’Asturies y grupos d’universidaes de prestíu internacional qu’ameyoren la calidá del trabayu desenvueltu y xenera nuevos nexos pa futuros proyectos». Por eso, denuncien, los retrasos que se tán produciendo anguaño «suponen una notable torga pa cumplir esti requisitu».