Portada Música Alcuentros cola Tradición oral de l’asociación La Quintana

Alcuentros cola Tradición oral de l’asociación La Quintana

by asturnet

Xixón va acoyer la próxima fin de selmana los Alcuentros cola tradición oral de la Escuela de Música Tradicional La Quintana, que se fain col sofitu del taller de músicos de la Fundación Municipal de Cultura de Xixón y el Xardín Botánicu.
Los Alcuentros céntrense na tradición oral como puntu de referencia del folclor y la necesidá de caltener viva la tresmisión oral de la cultura. Per estos alcuentos vanm participar espertos como Jesús López Suárez, investigador y responsable del Archivu de la Tradición Oral, que va presentar parte del so trabayu. Xosé “Ambás”, Dani García de la Cuesta y l’investigador aragonés Ángel Vergara Miravete. Asina mesmo los alumnos de la Escuela de Música tradicional La Quintana van presentar el vídeu “Xente de la Quintana”.

El domingu 18 de marzu va cellebrase un conciertu nel Xardín Botánicu tituláu “Cuando suena la maera”, l’actividá tendrá como puntu final la participación, a partir de les 13.30, de los escolinos de la Escuela de Música Tradicional La Quintana que van presentar el discu “Xente de la Quintana” que ye un material de difusión del llabor didáuticu de l’actividá d’esta escuela.

Tamién te podria gustar