Alcuentros Atlánticos en Candás

El grupu de baille tradicional ‘San Felix’ de Candás organiza’l primer encuentru atlánticu que va empezar esta tarde de la mano de la banda de gaites bretona ‘Bagad Gwengamp’, con un desfile que saldrá del muelle a les diez de la nueche y percorrerá les cais candasines hasta’l teatru Prendes.

Mañana, a les ocho la tarde, el mesmu grupu bretón, acompañáu pola Banda de gaites de Candás y el grupu de baille ‘San Felix’, va volver salir dende’l muelle hasta’l parque Les Conserveres, onde les tres formaciones van actuar.

La Plaza la Baragaña va ser l’escenariu onde se faiga la fiesta la nueche del sábadu, onde, a partir de les siete, va producise la ‘Xuntanza atlántica’, na que van participar la Bagad Gwengamp, el grupu ‘San Felix, les pandereteres de Dulcamara y Tuenda.

Con motivu de la celebración d’estos alcuentros, el grupu ‘San Felix’ edita una revista llamada ‘El Cuirno’ na que se recueyen trabayos de diferentes y conocíos autores como Aurelio González Ovies, Pedro Busto, Dolfo Camilo Díaz, Alberto Álvarez Peña y Xulio Viejo.