Aitana, C. Tangana y Bad Bunny rellumen nos Premios Odeón

Bad Bunny, Aitana, C. Tangana, David Bisbal, Dua Lipa, Pablo Alborán, Leiva, María Jiménez, o Vetusta Morla rellumen nel palmarés de la segunda edición de los Odeón, qu’otorgaron a Raphael el so Premiu d’Honor.

AGEDI, la entidá que xestiona los derechos de la propiedá intelectual de el productores discográficos ya impulsora de los premios, nun pudo repitir la so gala nel Teatru Real como l’añu pasáu, que foi bien criticada.  Actores, influencers, modelos, tiktokers y youtubers, «que sumen más de 30 millones de siguidores» según los organizadores, desvelaron a lo llargo de dos hores unos premios repartidisímos que fueron pa Ana Mena al pie de Rocco Hunt, David Bisbal, Bunbury, Kidd Keo, Israel Fernández & Diego del Morao, Txarango, Dua Lipa, RVFV, Marlon, María José Llergo, La La Love You, Nil Moliner, Stay Homas, Chema Rivas, Aitana con Cali y el Dandee, Bad Bunny, María Jiménez, Vetusta Morla, Leiva, Pablo Alborán y C. Tangana. Nengún d’ellos fixo doblete repitiendo n’otra categoría.

Los Odeón son un espeyu de lo que más s’escucha y mércase nel mercáu español, de cuenta que los acoparon de nuevu les estrelles de la temporada, sofitaos poles multinacionales. El puertorriqueñu Bad Bunny ye asina l’artista Odeón Llatinu, en liderando’l Top 100 d’álbumes español en 2020 colos sos millones d’escuches en ‘streaming’. Aitana, al pie de Cali y el Dandee llévase’l galardón al meyor cantar pop pola tema ‘+’ y suma el so segundu Odeón. L’ésitu ascendente del madrilanu C. Tangana llogra creitu para convertise nel meyor artista urbanu. Dua Lipa ye l’artista Odeón internacional, Leiva el rock y María Jiménez el flamencu. David Bisbal llevóse’l galardón al meyor álbum pop, Bunbury, meyor álbum rock.

Na música alternativa, Vetusta Morlaconsgraronse como los meyores artistes, el grupu La La Love You como revelación y Txarango el de meyor álbum. Avanzárase yá’l galardón al meyor directu, que recayó en «los artistes y profesionales que faen posible la música en vivu», y el Premiu d’Honor 2021, que Raphael llograba nesta edición, tomáu’l relevu de José Luis Perales, ganador en 2020.