Abiertu’l plazu de solicitú de préstamu de llibros de testu pal próximu cursu

La convocatoria pa solicitar el préstamu de llibros de testu en centros públicos d’Asturies nel próximu cursu abrióse esta selmana. Les families qu’opten a l’ayuda van disponer de dos selmanes, hasta’l día 27, pa presentar la solicitú y apurrir la documentación.

Acordies col resolvimientu, publicada nel Boletín Oficial del Principáu d’Asturies, va poder aspirar a estes subvenciones n’especie l’alumnáu que tea o vaiga tar escolarizáu n’Educación Primaria, Educación Secundaria Obligatoria o Enseñanza Básica Obligatoria demientres el cursu escolar 2018-2019 nos centros educativos públicos del Principáu. Dichu requisitu tien de cumplise a la fin del plazu de matriculación.

Pa optar a estes subvenciones, los estudiantes nun tienen de repitir cursu nin la so unidá familiar va poder superar, nel exerciciu 2016, unos determinaos niveles de renta. Nel casu de les families monoparentales ésta nun tien de superar los 10.000 euros al añu, cantidá que xube 5.000 euros per cada miembru computable. La concesión del préstamu va desenvolver en réxime de concurrencia competitiva. Cada alumnu va recibir llibros de testu en calidá de préstamu por un valir de 105 euros.

L’importe total destináu a esta convocatoria ye de 1.918.560 euros.