Abierta la inscripción pal certame Avilés Acción hasta’l 14 de febreru

Una nueva edición del Certame Nacional de Cortometraxe Avilés Acción, que se va celebrar del 21 al 28 de Mayu ufre participar nesta XV edición, pa les secciones Oficial y Asturies, a tolos interesaos al traviés de les plataformes habituales que vieno utilizando’l festival: Movibeta o Festhome.

Nel casu de la Sección AulasMóvil, onde participen mozos y moces de distintos centros educativos d’Avilés, la fecha de recepción de trabayos aporta hasta’l 1 de Mayu.

Anguaño’l festival anovase en dellos aspeutos, unu d’ellos va ser la duración de los díes fuertes que s’estienden a 8 frente a los 4 que se veníen celebrando davezu. Esto débese al ésitu de convocatoria na pasada edición, onde hubo aforu completu acaldía de proyecciones.

Otra novedá ye l’aumentu y diversificación na cuantía de los premios (6.000 euros), estremaos en tres categoríes: Aules Móvil, Asturies y Oficial. Los requisitos d’inscripción son superar la edá de 16 años y nacer n’España o tener tarxeta de residencia en dichu país. La participación nel certame ta abierta a los curtiumetraxes de producción y/o dirección española, salvu na Sección Asturies, na qu’el/la directora/a tendrá de ser residente nel Principáu d’Asturies.

Les bases completes pueden consultase na web: www.avilesaccion.com