Portada Cine Abierta la convocatoria del XX Certame de Curtiumetraxes del Avilés Acción Film festival

Abierta la convocatoria del XX Certame de Curtiumetraxes del Avilés Acción Film festival

by redacción asturnews

El martes 27 d’abril abriose la convocatoria del XX Certame de Curtiumetraxes del Avilés Acción Film Festival, que se va celebrar ente’l 2 y el 9 d’ochobre de 2021. La convocatoria va tar abierta hasta’l 24 de mayu. Les secciones a concursu son: Oficial, Asturies y Medioambiente, que se van partir más de 6.000 €. La presentación de los trabayos podrá faese al traviés de www.avilesaccion.com, hasta’l 24 de mayu.

La participación nel certame ta abierta a los curtiumetraxes de producción y/o dirección española, salvu na Sección Asturies, na qu’el/ la directora/a ó el/el productor/a tendrá de ser residente y/o nacíu nel Principáu d’Asturies. Van poder allegar al certame toles persones mayores de 16 años, nacíes n’España o con tarxeta de residencia nel país.

La inscripción va faese traviés de www.avilesaccion.com, onde podrán consultase les bases completes.

Les secciones coles que va cuntar esta edición del festival son:

Oficial. La tema va ser llibre; la duración de la obra nun va poder devasar los 30 minutos, títulos de creitu incluyíos.
Asturies. La tema va ser llibre; la duración de la obra nun va poder devasar los 30 minutos, títulos de creitu incluyíos.
Medio Ambiente. Curtiumetraxes con temática medioambiental de cualquier xéneru; la duración de la obra nun va poder devasar los 30 minutos, títulos de creitu incluyíos.

Tocantes a los premios, suman más de 6.000 euros nes siguientes categoríes:

Premiu del Xuráu na Sección Oficial: 1.500 euros
Premio del Públicu na Sección Oficial: 1.000 euros
Premio Mozu na Sección Oficial: 1.000 euros
Premio Meyor Guión na Sección Oficial: 500 euros
Premio Meyor Actor na Sección Oficial: 500 euros
Premio Meyor Actriz na Sección Oficial: 500 euros
Premio Mediu Ambiente del xuráu Oficial: Cheque-regalo Premiu del
Xuráu na Sección Asturies: 500 euros
Premio del Públicu na Sección Asturies: 500 euros

El Xuráu Oficial va tar compuestu por un númberu impar de persones venceyaes al ámbitu cinematográficu de reconocíu prestíu artísticu, académicu y/o profesional. El xuráu oficial va fallar los premios correspondientes a les secciones Oficial, Asturies y Medio Ambiente, salvu los otorgaos pol públicu y el Xuráu Nuevu, que se detallen de siguío:

El Xuráu Nuevu ta formáu por estudiantes y miembros de les Antenes Informatives de los IES públicos d’Avilés. El públicu asistente a los pases oficiales de les trés secciones va ser Xuráu al traviés d’una votación in situ, de la que tendrá de dexase constancia, de los respectivos Premios del Públicu.

Tamién te podria gustar