8.000 escolares van esfrutar de l’apertura de branu de los colexos d’Uviéu

Cásique 8.000 escolares van esfrutar de l’apertura de branu de los colexos d’Uviéu, nun programa qu’ampliase de 4 a 12 selmanes pa facilitar la conciliación familiar. 

Mercedes González, conceyala d’Educación y Deportes, averóse la selmana pasada hasta’l colexu Parque Infantil, unu de los siete qu’abren les sos puertes pa una nueva edición del programa d’apertura de branu, al pie de los de Ventanielles, Poeta Ángel González, Lorenzo Novo Mier, La Ería, Fozaneldi y Baudilio Pládanu. En palabres de la conceyala, tratase d’un serviciu esencial pa la conciliación familiar”. Esti cursu algamó cifrar récord de 7.818 inscripciones; 1.500 más que l’añu pasáu y el doble que va dos años.

Nesta ocasión, amás amplíase’l númberu de selmanes qu’ufierta: pasa de cuatro a dolce. Va Atender a casi 3.700 alumnes y alumnos d’Educación Infantil, 3.900 de Primaria y 214 con necesidaes educatives especiales. Con actividaes afeches a tolos niveles educativos y al desenvolvimientu de cada escolar.

Mercedes González tamién reseñó que l’alumnáu puede beneficiase de los servicios de comedor y almuerzu, dambos con posibilidá de beca. Estos servicios garanticen una correcta alimentación de los escolares, en centros públicos que cunten con toles garantíes.

La matriculación de los neños ye flexible y faise per selmanes, por que los padres puedan cuadrar les sos vacaciones coles de los sos fíos. La concejala aprovechó la ocasión pa destacar y estimar el llabor del personal de los centros, que realicen un esfuerzu adicional al de les sos xeres habituales d’estes feches pa la puesta en marcha d’estos servicios.