2 millones pa fondos de llibros de testu en colexos ya institutos públicos

El Conseyu de Gobiernu aprobó esta selmana pasada destinar 1,9 millones d’euros a la creación de fondos de llibros de testu nos centros educativos públicos.

Esta cantidá dirá a financiar la convocatoria de subvenciones pal usu de los manuales per parte del alumnáu, en réxime de préstamu, demientres el próximu cursu. La midida fai posible que los alumnos de los centros públicos dispongan d’un préstamu de llibros per valor de 105 euros en llugar de la paga en metálicu que s’abonaba enantes.

Según les estimaciones de la Conseyería d’Educación, esti dineru dexa adquirir unos trés volumes. Debíu a la medría de los fondos bibliográficos acumulaos nos años de funcionamientu del programa, el númberu de beneficiarios finales ye enforma mayor que la cifra inicial d’ayudes concedíes, según el Principáu.

En total, la partida pa les dos víes de sofitu establecíes pa l’alquisición de llibros y material didáctico xube a casi 2,4 millones, yá que al gastu aprobáu ayeri van sumase otros 481.000 euros pa subvenciones individuales a estudiantes de l’alcordada. 21.100 alumnos recibieron ayudes a la compra de llibros na última convocatoria. Esti doble sistema de xestión entamó a funcionar nel cursu 2015-2016.