“Na punta (la llingua)” recueye les tires cómiques de Neto sobre l’asturianu

L’humorista gráficu Ernesto García del Castillo “Neto”, acaba de sacar al mercáu un volume nel qu’axunta delles de les tires cómiques espublizaes a lo llargo d’estos venti años. “Na punta (la llingua)” ta asoleyáu por CH Editorial y n’él pueden atopase trabayos que Neto espublizó en La Voz de Asturias y Les Noticies.

La obra va repasando bona parte de la hestoria de les reivindicaciones llingüístiques n’Asturies dende 1986 hasta anguaño y tien un entamu de Roberto González-Quevedo.