Iniciativa pol Asturianu entama un concursu baxo’l títulu de #lamiollinguaye

Iniciativa pol Asturianu entama un concursu baxo’l títulu de #lamiollinguaye
15 febreru 19:59 2019 Imprimir

Iniciativa pol Asturianu vieacabano te dar anuncia del entamu d’un concursu que baxo’l títulu de #lamiollinguaye quier anima a la sociedá asturiana a participar p’amosar la estima al idioma. La ONG pretende da-y una mayor presencia a la llingua asturiana nes redes sociales nes feches cercanes al Día Internacional de la Llingua Materna.

Iniciativa pol Asturianu anunció esta mañana la convocatoria d’un concursu baxo’l títulu de #lamiollinguaye col que pretende da-y a la llingua asturiana presencia nes redes sociales nes feches cercanes al Día Internacional de la Llingua Materna.

El concursu institúise con un total de 3 premios (primeru, segundu y terceru) dotaos con un llote de llibros n’asturianu. El xuráu podrá entregar amás menciones especiales a otros y otres participantes. El testu tien qu’entamar o contener la etiqueta o hashtag #lamiollinguaye y debe tar venceyáu con cualesquier cuestión llingüística, reivindicativa, d’apegu o sociollingüística al rodiu del asturianu y de tol dominiu llingüísticu asturllionés.

Los trabayos han ser inéditos y orixinales y pueden tar escritos en prosa o versu y tienen que tener como máximo 280 caracteres.

La participación del concursu entama esti 16 de febreru y fina’l 24 de febreru a les 18 hores. Los tuits premiaos van dase a conocer el día 25 de febreru, a les 12 hores, al traviés de la páxina web d’Iniciativa pol Asturianu (www.iniciativapolasturianu.org) y na prensa. El xuráu tará compuestos por diferentes miembros d’Iniciativa pol Asturianu.

La entrega de premios va facese’l 27 de febreru a les 19:30 nos espacios del Conseyu de la Mocedá de Xixón (Avenida de Manuel Llaneza, 68, baxo, Xixón 33208). Iniciativa pol Asturianu anima a la sociedá asturiana a participar na convocatoria p’amosar la estima y l’apegu al idioma y sensibilizar a la ciudadanía del valor de la nuesa llingua.

  Categories:
Loading Facebook Comments ...