El premiu Princesa d’Asturies de Cooperación recai na Hispanic Society of America

18 mayu 09:00 2017 Imprimir

La Hispanic Society of America, con see en Nueva York (EEXX) y qu’alluga la mayor colección d’arte hispano fora d’España, foi galardonada güei n’Uviéu col Premiu Princesa d’Asturies de Cooperación Internacional 2017.

La biblioteca y muséu foi la escoyida nel certame pol so papel na promoción de la cultura y valores de lo hispano y lo llatino, según destacó’l xuráu. Esta entidá cultural, fundada en 1904 por Archer Milton Huntington y que tien más de 23.000 pieces, ente les qu’hai cuadros, escultures, pieces de cerámica, testil o muebles que tomen dende’l Paleolíticu al sieglu XX, impúnxose a les otres dieciocho candidatures qu’optaben a esti galardón.

L’acta, que foi lleida pol presidente del xuráu, el exministro d’Asuntos Esteriores Marcelino Oreya, resaltó la importancia del llabor de la Hispanic Society of America “nun momentu nel que la cultura hispana, reflexada en millones de persones, ta puxando por caltener la so presencia y puxanza en toa América, con una bien relevante proyección escontra’l futuru”.

 

  Categories: