Portada Educación Xuventú Asturianista esixe a Educación l’aplicación de la sentencia del enseñu del asturianu

Xuventú Asturianista esixe a Educación l’aplicación de la sentencia del enseñu del asturianu

by asturnet

Xuventú Asturianista emitió un comunicáu nel que celebra la sentecia del Tribunal Supremu pol que se deroga’l cupu d’alumnos pa la creación de grupos d’enseñu dle asturianu, que califica como “una derrota más d’Areces nos tribunales y un ésitu pal enseñu del asturianu”.

Pa la xuventú del PAS “Areces nun buscó más, nos sos doce años de gobiernu que l’acabar cola llingua asturiana” y esperen “que’l Gobiernu de PSOE ya Izquierda Unida, termine con esta vergoñosa decisión pola que l’asturianu tuvo tovía más en peligru nestos años”.

Xuventú Asturianista celebra que se cumpla por fin nesti asuntu la Llei d’Usu del Asturianu, “consiguida pol PAS” y recuerda tamién la situación llamentable que viven los profesores d’asturianu, “que tán en circunstancies llaborales fuera de la Llei”.

La mocedá del PAS esixe al Gobienru “l’acatamientu inmediatu de la sentenci” y un cambiu nes sos polítiques “d’aniquilación de la nación asturiana, al traviés del afuegue de la llingua asturiana y de toles manifestaciones de la nuesa cultura”.

Dende Xuventú Asturianista esixen “un respetu a la sentencia” per parte del Gobiernu Asturianu y la Conseyería d’Educación, xestionada por el Señor Herminio Sastre, que dixo al saber de la sentencia que diba recurrila.

Tamién te podria gustar