Portada Lliteratura Xosé María Rodríguez algama’l premiu de narrativa del Centru Asturianu de Madrid

Xosé María Rodríguez algama’l premiu de narrativa del Centru Asturianu de Madrid

by asturnet

L’escritor Xosé María Rodríguez algamó’l Premiu de Narrativa Xosé Álvarez “Pin” del Centru Asturianu de Madrid col so relatu ‘Amores ya desalcuentros’. El narrador, natural de Cangas del Narcea y afincáu na capital del estáu dende va décades, ye autor de dos llibros de relatos escritos n’asturianu occidental y de la recién novela ‘Tiempu de nublina'(Trabe, 2004), ente otres obres. Alberto Suárez resultó finalista nel concursu convocáu pola colonia asturiana en Madrid y dedicáu a relatos sobre la emigración.

El premiu Xosé Álvarez “Pin” lleva’l nome del escritor fallecíu y fundador del Conceyu d’Asturies de Madrid autor ente otres obres de “Fíos de Naide”. Nel cursu del actu nel que se dio a conocer el fallu del xuráu nel Centru Asturianu de la capital del estáu presentóse l’antoloxía poética “Los poetas de un príncipe”, una esbilla de José Luis García Martín de los poemes citaos pol Príncipe Felipe nos sos discursos añales de la entrega de los premios que lleven el so nome y que presentaron les escritores Berta Piñán y Susana Reisz.

Tamién te podria gustar