Portada Comunicación Xixón lidera’l ranking asturianu del Observatoriu de la Cultura 2022

Xixón lidera’l ranking asturianu del Observatoriu de la Cultura 2022

by redacción asturnews

Xixón lidera’l ranking asturianu del Observatoriu de la Cultura, que cada añu ellabora la Fundación Contemporánea al traviés d’un cuestionariu respondíu por 405 profesionales de primer nivel del sector, mientres los meses d’avientu de 2022 y xineru de 2023.

La ciudá de Xixón ocupa’l decimoséptimu puestu del ranking nacional, ente les ciudaes con mayor calidá n’ufierta ya innovación cultural, siendo la Villa de Xovellanos la primera de toes elles que nun ye capital de provincia nin de comunidá autónoma.

El Festival Internacional de Cine de Xixón (FICX) encabeza per primer vegada esti ranking, como programa cultural de referencia n’Asturies, siguíu de la Feria Europea de Teatru pa Neños y Neñes (FETEN), que xube cuatro puestos y ocupa la segunda posición. Y dientro de la ufierta cultural de la ciudá destaquen coles mesmes, ente los diez primeros puestos, el LEV Festival y la Selmana Negra (dambos cunten con financiamientu municipal) y el Teatru Xovellanos.

L’Observatoriu de la Cultura ellabora dende 2009 una serie de rankings relativos a l’actividá cultural de les distintes ciudaes españoles, lo mesmo que de los acontecimientos culturales más destacaos a lo llargo del añu, dando visibilidá a la ufierta cultural de caúna d’elles y apurriendo l’aval de los profesionales más destacaos del sector.

Tamién te podria gustar