Pequecampus, centros escolares y sociales tornen abrir en Selmana Santa n’Uviéu

Pequecampus, los centros escolares y los centros sociales van tornar abrir n’Uviéu nes vacaciones de Selmana Santa pa sofitar asina la conciliación.

El Conceyu d’Uviéu, al traviés de delles de les sos conceyalíes, quier consolidar asina’l so apueste pola conciliación. Asina, del 3 al 11 d’abril, coincidiendo coles vacaciones escolares de Selmana Santa, pon en marcha dellos programes en centros escolares, centros sociales y equipamientos deportivos municipales.

•Pequecampus Deportivu Selmana Santa 2023

La conceyalía de Deportes vuelve entamar el Peque Campus Deportivu Selmana Santa 2023, los díes 3,4,5,10 y 11 d’abril, de 8:30 a 14:30 hores, nes pistes de tenis y padel y nes piscines climatizaes del Parque del Oeste, con 60 places y a un preciu de 26,50 euros.

L’apertura del periodu d’inscripciones empieza’l llunes, 27 de febreru.

•Programa Conciliación Selmana Santa Educación

La conceyalía d’Educación va ufiertar cinco colexos, como en Navidá, para la conciliación en Selmana Santa, ente’l 3 y el 11 d’abril. Los colexos son Poeta Ángel González (en La Corredoria), Fozaneldi, La Eria y Veneranda Pumar. Esti postreru va acoyer un campus específicu p’alumnos con necesidaes educatives especiales de les categoríes de EBO 2 y TVA, como se vien faciendo nes últimes convocatories, amás del cupu reserváu pa estos alumnos na ufierta ordinaria.

El plazu d’inscripción ye del 23 de febreru al 6 de marzu.

•“Cinco díes, cinco planes” n’ocho centros sociales

La conceyalía de Centros sociales, al igual qu’en Navidá, escurrió xuna actividá pa les vacaciones escolares de Selmana Santa. Sol epígrafe “Cinco díes, cinco planes” va ufiertar n’ocho centros sociales -Oteru, Cristu II, Vallobín II, L’Argañosa, Cualloto, Teatinos, Cortixu (Corredoria), Ciudá Naranco- visites a museos, rutes…xuna temática p’acaldía. El plazu d’inscripción nesti programa ye del 1 al 17 de marzu. El día 24 marzu realizará’l sortéu colos inscritos.