Valgrande va ser la primer estación del cordal n’empecipiar la temporada d’esquí

La estación iverniza l.leniza de Valgrande Payares va ser la primer instalación del cordal Cantábricu que va empecipiar la so temporada d’esquí, el próximu día 29 de noviembre.

El conceyal de Deportes del Conceyu de L.lena, Félix Muñiz, señaló que la nieve cayida nes últimes xornaes y el funcionamientu de los sistemes de innivación artificial “fixeron posible que la instalación l.leniza atopar nuna situación inmeyorable pa la práctica deportiva, con bien bones espesures y calidá de nieve”.

Les previsiones d’arribación d’esquiadores “son bien alentaores”, polo que s’espera un gran entamu de temporada”. La estación d’esquí l.leniza constitúi un importante elementu dinamizador pa l’arrodiada. Ye una fonte d’un gran númberu de puestos de trabayu tantu directos, na mesma estación, como indirectos n’agospiamientos, restoranes, tiendes especializaes y empreses de turismu activu, ente otros.

El conceyal de Deportes de L.lena destacó qu’esti complexu ivernizu cuenta con “unu de los meyores accesos d’España”, yá que ye “cómodu, rápido y seguro”. Amás, cuenta col meyor y más ampliu sistema de nieve artificial de toa’l cordal Cantábricu”, según pistes amplies y segures con un desenvolvimientu gradual ideal pa tolos niveles.

Valgrande Payares dispon, amás, de dos zones estremaes con tolos servicios na parte alta y na baxa de la estación, d’un circuitu d’esquí nórdicu y de una pista de competición homologada pa esquí alpín.

La estación cumple anguañu so 60 aniversariu y ye una de les instalaciones pioneres xuntu con Candanchú, La Molina y Navacerrada. El Conceyu, en collaboración cola dirección xeneral de Deportes, la Federación de Deportes d’Iviernu del Principáu d’Asturies y otres entidaes, pretende entamar distintos actos pa conmemorar dichu aniversariu.

Muñiz tamién aprovechó pa reclamar nueves inversiones na estación, yá que mientres la última década namá s’invirtió nel caltenimientu de la mesma.