Uviéu va destinar 102.000 euros a entidaes que realicen iniciatives sociales

El Conceyu d’Uviéu va destinar esti añu 102.000 euros a entidaes que realicen iniciatives sociales. Les solicitúes a esta convocatoria de la Conceyalía d’Atención a les Persones ya Igualdá van poder presentase nel plazu d’un mes tres la so publicación nel BOPA.

El Conceyu d’Uviéu vieno acabante d’abrir una nueva convocatoria d’ayudes a entidaes ensin ánimu d’arriquecimientu para desenvolver proyectos de calter social. La Xunta de Gobiernu aprobó la propuesta de la Conceyalía d’Atención a les Persones ya Igualdá, que dirixe la conceyala Marisa Ponga, que va cuntar con un presupuestu de 102.000 euros para anguaño.

La convocatoria ta destinada a proyectos y actividaes de prevención, promoción, información y sensibilización social empobinaos a facilitar l’atención social a persones que s’atopen n’una situación de desigualdá social y en riesgu d’esclusión social, según el sofitu a les sos families y otros proyectos empobinaos específicamente a colectivos de muyeres y xuveniles.

Les llínees de servicios sociales que puen desenvolvese tán rellacionaos con temátiques diverses de programes como:

• Infancia, adolescencia, families y colectivos de muyeres (actividaes tantu de promoción como preventives y d’insertamientu)
• Persones con discapacidá y/o problemes socio-sanitarios (Actividaes para favorecer la integración social, l’autonomía personal. Actividaes rellacionaes cola educación y promoción de la salú, el bienestar y la calidá de vida)
• Promoción y sofitu d’otros colectivos en situación de desigualdá social (Actividaes d’información, sofitu y acoyida d’inmigrantes, abelugaos, víctimes de violencia de xéneru y acciones de prevención de la marxinación ya insertamientu sociolaboral de persones en situación d’esclusión social
  Fomentu de valores igualitarios, la coeducación, la corresponsabilidad y l’igualdá d’oportunidaes.
• Acciones de sensibilización y/o formación contra la violencia de xéneru, el racismu, la xenofobia, la intolerancia y la marxinación.
• Voluntariáu social rellacionáu cola igualdá d’Oportunidaes.

El plazu de presentación de solicitúes va tar abiertu mientres un mes a partir de la publicación de la convocatoria nel BOPA.