Uviéu celebró’l Día Mundial de la Calidá cola Xornada “Impulsando talentu para’l tresformamientu”

El Palaciu de Congresos acoyó’l miércoles, dende les 19 hores, una conversación abierta al públicu ente David Aliyón y Mónica Quintana, entamada pol Club calidable y Uviéu Entama.

El Palaciu de Congresos acoyó, el miércoles, a les 19 hores y coincidiendo col Día Mundial de la Calidá, la xornada “Impulsando’l talentu pal tresformamientu”, una conversación abierta al públicu ente David Aliyón (entamador, advisor ya inversor) y Mónica Quintana (fundadora y CEO de mIndset, esperta en trasnformación dixital y recursos humanos).

“Tenemos el privilexu d’acoyer n’Uviéu esta xornada, gracies al bon faer del Club calidable con Uviéu Entama. Tratase d’un eventu que nos averará a referentes estatales nel ámbitu de la innovación y les nueves formes y diseños d’empreses. Aliyón y Quintana son dos referentes qu’ameyoren l’ecosistema del emprendimiento d’Uviéu”. Y señaló que “dende la nuesa conceyalía y dende el Conceyu, como Alministración pública, tamos obligaos a collaborar nesti tipu d’eventos porque ellos, interlocutores como Aliyón y Quintana, son faros nesta incertidume na que tamos sumíos”.

Marín Zapatero aseguró que “el Club calidable ye una asociación d’organizaciones cola misión de promover la meyora de la xestión y el nuesu trabayu consiste en desenvolver colos nuesos socios, como lo ye’l Conceyu d’Uviéu, casi un centenar d’iniciatives que dexen esta meyora. Ye xuna gran prestu participar n’Uviéu Entama por que parte de la nuesa actividá pueda desenvolvese nel nuesu conceyu”.