Uviéu amplía los horarios de los centros d’estudios mientres la Navidá

El Conceyu decidió ampliar los horarios de los centros d’estudios mientres les feches destacaes del mes d’avientu y les fiestes navidiegues. Van Abrir los domingos y los díes 7 y 8 d’avientu los centros d’estudiu de Santullano, La Florida, Vetusta y Dolores Mediu.

Asina lo anunció esta selmana la conceyala de Mocedá, Cuadonga Díaz, quien destacó que la midida “respuende al pidimientu realizáu polos usuarios d’estes infraestructures, lo que vien demostrar que’l gobiernu lideráu por Alfredo Canteli escucha y ye sensible a les demandes vecinales”. Díaz manifestó amás que “la situación actual de pandemia ye necesariu dar facilidá a los uvieinos por que faigan usu d’estes instalaciones de forma segura, que ye l’oxetivu principal qu’escuerre esta midida qu’anunciamos”. La conceyala remató destacando que’l Conceyu d’Uviéu “ye de los pocos consistorios que decidió ampliar los horarios de los centros d’estudiu, lo que pon de manifiestu la importancia que pa esti equipu de Gobiernu tienen los uvieinos”.

Horarios de los centros d’estudios mientres avientu y xineru