Uviéu acueye dos eventos cimeros a nivel nacional en materia d’innovación

El conceyal d’Economía, Rubén Rosón, aseguró ayeri en rueda de prensa qu’Uviéu convertirase estos díes nel puntu d’alcuentru de la innovación y l’emprendimientu cola celebración de dellos eventos piqueros a nivel nacional en materia de Startup.

En palabres del edil, Uviéu va cuntar con “trés de les voces más autorizaes de la comunidá Llean d’España, ye dicir de la comunidá de desenvolvimientu tecnolóxicu y creación de sartups” y va enllenar de conteníu, tres cuatro año de funcionamientu, el Viveru de Ciencies de la Salú de La Corredoria.

“Estos dos eventos son referentes claves del apueste decidíu d’esti Conceyu nos presupuestos de 2016 pol fomentu de l’actividá económica ya innovadora nel conceyu al traviés d’Uviéu Entama”, indicó Rosón. El conceyal esplicó que’l miércoles 9 de marzu la comunidá España Llean Startup llega a Asturies de esquitar deos de los sos “gurúes”, José Antonio de Miguel y Mario López d’Ávila, quien  van presentar en primicia el llibru ELS2015, una obra onde se concentra la mayor cantidá de conocencia y esperiencies práctiques sobre les nueves metodoloxíes pa la xeneración de modelos de negociu publicaes en fala hispana.

L’eventu va cuntar tamién cola presentación de casos prácticos que nos dexarán conocer cómo delles empreses (WEHEY, WETECH, MIMUSO) ya iniciatives (Uviéu Entama) yá tán aplicando con ésitu estes metodoloxíes y cola conferencia ‘Uviéu Entama: somos Llean’ de Juan Luis Jimeno, Mentor  Llean Startup d’Uviéu Entama.

El xueves 10 de marzu, na Turria de la Ería, a los ponentes escepcionales enantes citaos xúnese Néstor Guerra. El focu d’esta xornada ye dar a conocer les últimes ferramientes pa construyir aquellos productos y servicios que los veceros tán esperando.  Roberto Carreres, cofundador xuntu al músicu Carlos Jean de la empresa Muwom, va ufiertar una master class sobre la so esperiencia como entamador nel mundu cultural.