Un total de 44 restoranes van sirvir el Menú de L’Ascensión

Un total de 44 restoranes van sirvir el Menú de L’Ascensión, del 31 de mayu al 2 de xunu, que como cada añu, va tar compuestu por menestra de temporada, carne gobernada al estilu d’Uviéu y tarta de quesu con cereces.

El conceyal de Turismu, Rubén Rosón, y el representante de la Xunta Local n’Uviéu d’Otea, David González Codón, presentaron esta selmana, en rueda de prensa, el menú de L’Ascensión que podrá tastiase en 44 restoranes del conceyu dende’l 31 de mayu hasta’l domingu, día 2 de xunu. Amás, dende Otea creáronse paquetes d’agospiamientu, ‘escpadas’, a precios baxos en seis hoteles de la ciudá”, esplicó González Codón.

A xuiciu del edil de Turismu esti menú supon una gran ocasión por qu’uvieines y turistes tengan una “esperiencia d’ociu y gastronomía, frutu de la collaboración ente entidaes”. El menú. Como cada añu, va tar compuestu por menestra de temporada, carne gobernada al estilu d’Uviéu y tarta de quesu con cereces. Rubén Rosón destacó que “ye unu de los grandes menúes d’Uviéu, xuna ciudá que destaca en conexón ente les fiestes populares y la gastronomía”.

González Codón destacó l’apueste de la hostelería uvieina y la so “coles celebraciones de L’Ascensión” y colos menúes tradicionales menúes tradicionales d’Uviéu, como’l del Antroxu o’l Desarme, apocayá nomada Fiesta d’Interés Turísticu Rexonal, “escelentes ferramientes de promoción turística de la ciudá”.

Otea diseñó un añu más un concursu al traviés de les redes sociales pa potenciar la publicidá del menú y atraer al mayor númberu posible de visitantes a Uviéu.