Twitter celebra anguaño’l so 15º aniversariu

Creáu’l 21 de marzu de 2006, Twitter celebra anguaño’l so 15º aniversariu. Y con unos 500 millones de tuits unviaos al día, la plataforma de microblogging más famosa ye ensin dulda un actor clave nel panorama actual de les redes sociales.

Twitter forma parte de la mesma xeneración que Facebook, que cumplió 17 años anguaño, ente que los postreros xigantes tecnolóxicos como TikTok y Snapchat entá nun superaron la década. Como amuesa’l nuesu gráficu, a pesar de que toes estes empreses son yá bien populares, inda tán bien llueñe de la esperiencia y l’estabilidá qu’amuesen otros xigantes tecnolóxicos, especialmente los que dexaron el desenvolvimientu de la tecnoloxía informática na que se basen.

IBM, por casu, yá superó la barrera de los 100 años,  ente qu’Intel va cumplir más de mediu sieglu en 2021, un finxu que tamién van algamar llueu Apple y Microsoft. Poro, inda hai un llargu camín por percorrer pa Twitter, Uber, Tesla y otros.

Fuente: https://es.statista.com