Sociedá

Izquierda Xunida y les Juventudes Comunistes d’Asturies organizen pa güei, 4 d’aventu una charra sobre la figura d’Ernesto “Che” Guevara con motivu del 40 aniversario del so asesinatu. L’actu, que va entamar a les 18:00 hores nel centru Tomás y Valiente de Les Vegues (Corvera) va cuntar cola participación de la representante del Poder popular en Cuba, Mº Teresa Fiallo; Mónica Iglesias de Manos Fuera en Venezuela y dellos miembros d’IX y JCA. Durante’l trescursu del actu tamien se va proyectar el documental “No volverán”, el redor del procesu revolucionariu venezolanu.

50 escolinos representantes de la Universidá d’Uvieu marchen güei llunes a Bruseles, Amsterdam y París pa conocer les instituciones europees nun viaxe organizáu pola asociación d’estudiantes Aula Joven. El viaxe ye de baldre y por invitación del eurodiputáu Antonio Masip y va llevar a los participantes a Bruseles, onde visitarán la eurocámara y aconceyarán con dellos eurodiputos pa conocer el funcionamienti d’esta institución.

El miercoles dirán a Ámsterdam ya’l a París pa regresar el prósimu llunes día 10. “Trátase d’averar Europa a los x óvenes, que todos sintamos de verdá la ciudadanía europea, dalgo a lo que tamien contribuyen programes como l’Erasmus que tan importante papel xugó nos 20 últimos años nesa llabor de tresmisión de ciudadanía”, declaró’l Presidente d’Aula Joven y responsable del viaxe, Jose Armas.

Fernando Ornosa saludó esti día les últimes declaraciones de representantes del Partíu Popular (concretamente’l diputáu autonómicu Joaquín Aréstegui y l’alcalde d’Uviéu, Gabino de Lorenzo) mostrando’l so interés pola conservación de la llingua y apostando pola busca d’un nuenvu marcu llegal, recordando-y al PP que “agora tien de dar el pasu y apoyar la declaración d’oficialidá”. El voceru del CAO llamentó en rueda de prensa, sigún Europa Press, les declaraciones de la FSA: “Ye un posicionamientu que conduz a los falantes d’asturianu a tener menos derechos que los ciuadanos d’otres comunidaes con llingües propies, o que los ciudadanos d’Asturies falantes de castellán”.

El Conceyu Abiertu pola Oficialidá, CAO, va denunciar énte la Unión Europa l’actual situación de “discriminación” de la llingua asturiana por mediu de dos representantes d’esta agrupación, Fernando Ornosoa y Xulio Casado, que van treslladase a Bruseles esti mates pa entrevistase col comisariu européu de Multillingüismu, Leonard Orban, pa entrega-y un informe críticu col contestu actual de “falta de reconocencia de la llingua”.

En Bruseles van sentase con cuatro miembros del gabinete d’Orban, Patricia Bigñot, Johan Haggman, Eva Valle y Ann Vanwinsberghe, a los que van entregar un dossier “de denuncia de la situación llingüística que sufre Asturies”.

Los representantes del CAO tamién quieren convidar a Leonard Orban a “venir a Asturies pa que conoza a toles partes implicaes nel procesu de la llucha pla oficialidá”, en referencia a les organizaciones integrantes del CAO, la Xunta pola Defensa de la Llingua, y a los partíos políticos representaos nel Parlamentu Asturianu, ente otros colectivos: “Queremos que n’Europa s’enteren de que lo que ye un derechu civil, los mesmos partíos que lu apoyen n’otres comunidaes equí se nieguen a reconocelu”.

El filósofu y profesor eméritu de la Universidá d’Uviéu, Gustavo Bueno, manifestó’l martes que’l Conceyu de Xixón retiró la subvención de 12.000 euros a la Fundación qu’él mesmu preside por “incultos y analfabetos”, mentantu que’l conceyal encargáu precisaba que lo que tien de facer la entidá que preside’l conocíu filósofu ye solicitar l’ayuda mediante convocatoria.

Sigún Europa Press, el filósofu dixo lliteralmente que “el Conceyu piensa que na Fundación facemos Xuntes escontra’l PSOE”. El profesor de Filosofía realizó estes manifestaciones a Europa Press momentos enantes d’aconceyase la Comisión pa la Recuperación de la Memoria Histórica creada pol alcalde d’Uviéu, Gabino de Lorenzo, pa cambiar el nome de les cais franquistes y de la que Bueno forma parte. El filósofu asturianu, qu’aseguró que s’enteró pola prensa de la retirada de la sovención, esplicó qu’hai dos niveles diferentes. Nel primeru, dixo, “el Conceyu de Xixón pue retirar la sovención ensin dar nenguna esplicación”, y nel segundu, manifestó, que la “represalia” nun foi por dalgo tan puntual como la publicación del so llibru ‘Zapatero y el pensamientu Alicia. Un presidente nel país de les maravilles’, sinón por dalgo más “global”.

Gustavo Bueno dixo entender que la ‘Selmana Negra’ “ye dalgo que atrai a munches persones y que’l mundiu de la filosofía ye dalgo pa unos pocos”. Amás, detacó que la Fundación “fai un gran llabor y convida a xente de toa España y d’América”.

Bueno manifestóse nestos términos dempués de que’l Grupu Municipal Popular aletara ayeri, per mediu del conceyal Manuel Pecharromán, de que’l Conceyu de Xixón retirara la sovención qu’anualmente recibía de 12.000 euros.

Pela so parte, el conceyal de Cultura del Conceyu de Xixón, Justo Vilabrille, negó que’l Conceyu denegara una sovención a la Fundación Gustavo Bueno, pa la celebración del so alcuentru anual. Según l’edil, “nun hai nenguna decisión de tipu políticu nin ideolóxicu” que se tenga en cuenta a la hora d’otorgar sovenciones. Nesti mesmu sen pronuncióse güei’l voceru de la Xunta de Gobiernu del Conceyu de Xixón, José María Pérez, qu’aseguró que “nun se-y denegó a nenguna entidá la so subvención pal 2008”. El responsable municipal precisó que lo que debe facer agora la entidá que preside’l conocíu filósofu ye solicitar l’ayuda mediante convocatoria.

L’Alcalde d’Uvieu, Gabino de Lorenzo declaró publicamente que va respetar de principu a fin lo que resualva la Comisión para la memoria hestórica na capital. Esta comisión cellebró ayeri la so primer xuntaza nel consistoriu ovetense. “L’Ayuntamientu acatará puntu por puntu lo que decidan no tocante a les cais o plazes, medalles u honores que consideren que entren dientro de la llei.

Con este declaraciones De Lorenzo respuende a los pidimientos de la oposición socialista que, en pallabres del Conceyal Manuel Ángel Rodríguez esixó que los ciudadanos d’Uvieu pudiesen decidir, por exemplu, quienes merecen ser fíos adoptivos de la ciudá, en clara referencia al dictador Francisco Franco, un de los que recibió esi honor.

Los miembros de la comisión aconceyaron por espaciu d’una hora na que falaron sobre les bases de les futures aiciones ya camudaron puntos de vista. Tamien s’encargó un informe xurídicu pa conocer hasta onde van llegar les competencies de la comisión no que finca al cambiu de nomes nes cais y dalgunes otres actuaciones.

Tres de conocese la sentencia qu’esperaba sobre les sos reclamaciones pola negativa de l’Alministración a permiti-y emplegar l’asturianu na so relación con ella, Xurde Blanco vieno acabante de presentar apelación nel xulgáu de lo Contencioso-Alministrativu númberu 5 d’Uviéu.

Xurde Blanco torna a dexar afitao que “nel plazu xustu d’un mes (de 24 de setiembre a 23 d’ochobre), sobre un mesmu asuntu –si un funcionariu tien o non drechu a empobinase n’asturianu a l’Alministración del Principáu d’Asturies que lu emplega, nel intre de defender los sos intereses llaborales- dos xulgaos de lo Contencioso-Alministrativu d’Uviéu, el tres y el cinco, dan resoluciones opuestes”. Darréu d’ello presenta esta apelación na que desplica que la situación de los derechos llingüísticos de los asturianos entama a ser kafkiana y a poner en tela de xuiciu’l valor de les lleis cuando traten de temes llingüísticos, dexando nidio que namái la oficialidá pue garantizar los más mínimos derechos ciudadanos nesti sen.

Nesta apelación, Xurde Blanco fai alcordanza de que “el objeto del presente pleito se circunscribe a la negativa por parte de un órgano de la Administración Asturiana a tramitar tres escritos que un funcionario le dirigió, en el ejercio de sus derechos -que no en el cumplimiento de sus obligaciones- a licencia por asuntos propios y a vacaciones anuales, y ello por el hecho de que eligió la lengua asturiana para redactar tales textos”, poniendo nuna evidencia nidia les contradicciones mentaes.

Jesús Iglesias, Coordinador Xeneral d’IX d’Asturies, y Ana Cano, Presidenta de l’Academia de la Llingua coincidieron esta mañana en que la declaración d’oficialidá nel Estatutu d’autonomía ye la última gran oportunidá pa garantizar al asturianu la so supervivencia. Asina lo declararon na reunión que los axuntó esta mañana na sede de l’ALLA.

IX d’Asturies tamien se comprometió ante l’Academia a defender na redacción del prósimu Estatutu del Principáu y, darreu, nel Parlamentu español, la oficialidá del asturianu, una llingua viva y de futuru. Según Jesús Iglesias L’asturianu nun ye una reliquia del pasáu, sino una llingua viva, una ferramienta de comunicación que utilizan normalmente los asturianos”, esplicó Iglesias.

Pela so parte, la Presidenta de l’Academia de la Llingua, Ana Cano, sorayó’l momentu clave que vive l’asturianu nesti periodu d’ellaboración de la reforma estatutaria y pidió un estatu pa tolos asturianos. “Sería mui negativu que dexase a una parte de los asturianos fuera d’esi testu”, aseguró Cano que tamiñen aprovechó pa criticar l’actitud del PSOE de declarar que ta al favor de la llingua al timpu que nun la reconoz como oficial.

Ana Cano tamien quiso salir al pasu de los pensamientos de dellos políticos que insinuen que la oficialidá de l’asturianu diba ser el primer pasu pal ñacimientu d’un nacionalismu intransixente y dictatorial calificando estes cuestiones de “disculpes tontes”. Asimesmo tamien criticó l’actitud de determinaes fuercies polítiques que defienden unes cuestiones n’Asturies y otres mui distintes n’otres comunidaes autónomes con llingua propia.

El portavoz del Conceyu Abiertu Pola Oficialidá (CAO), Fernando Ornosa reivindicó al entamu de la manifestación que la plataforma fizo esti sábadu 24 de payares n’Úvieu, el cumplimientu de la constitución nel tema de la oficialidá del asturianu na redacción del prósimu estatutu d’autonomía y denunció la situación clara de desventaya lligüística na que tan tolos asturfalantes por mor del non reconocimientu oficial del so idioma.

La concentración escomenzó puntualmente y a pesar de la lluvia que llevaba cayendo n’Asturies dende bien ceo, a les 18:00 hores na Estación del Norte d’Uvieu. Enantes fueron seis les marches a pie, que dende Xixón, Mieres, Llangreu, La Pola Sieru, Aviles y Trubia empobinaron pala capital col enfotu d’amestase a la cellebración del que fuí un de los mayores en numberu de participantes de la hestoria de la reivindicación lligüínstica.

La manifestación pola oficialidá del asturianu aconceyó nel centru dÚvieu a miles d’asturianos que reclamaren el derechu a que’l so idioma seya reconocíu de manera oficial na redacción del prósimu estatutu d’Autonomía del Principáu d’Asturies. La marcha, que venía precedida d’otres seis a pie dende varios puntos de la rexón (Mieres, Llangreu, Xixón, Aviles, Trubia y La Pola Siero) tuvo encabezada por una pancarta na que se podía lleer l’emblema “Na Reforma del estatutu, l’asturianu llingua oficial”.

Pola cai Uría tres d’ella y hasta’l destinu final na Plaza Porlier, caminaren xunto al restu de los manifestantes personalidaes como la presidente de l’Academia de la Llingua, Ana Cano; el periodista Ramon Lluis Bande; l’actor Maxi Rodríguez; el catedráticu de socioloxía de la Universidá del País Vascu, Fernando Llera, el vocalista de Nuberu Chus Pedro o la escritora Berta Piñán.