Sociedá

Visual Capitalist quixo saber cuáles son les persones con mayor algame nel universu de les redes sociales a nivel mundial. Pa ello ellaboró una clasificación de les personalidaes qu’atropen el mayor númberu de siguidores nes principales redes sociales y la mayoría son músicos.

El resolvimientu de la convocatoria pa la selección de propuestes pa la ellaboración d’un catálogu de proyectos de cultura tradicional n’Asturies, conocióse nel entamu d’esta selmana.

El Plenu Institucional del Conceyu Xixón que concederá los Honores y Distinciones de la Villa en 2021 va celebrase’l 17 de xunu a les 12 hores, ente que l’actu d’entrega va ser, un añu más, el 29 de xunu, día de San Pedro. Nesti actu van apurrise tamién los Honores y Distinciones del pasáu 2020.

La ciencia y la tecnoloxía surden de la sociedá y alla tienen de revertir correchamente. Plantégase una reflexón conxunta y oxetiva sobro les conocencies biotecnológicos y les sos aplicaciones, y una toma de consciencia o compromisu mundial sobro los sos perímetros d’aceptación xeneral nel presente y en previsión de futuru, especialmente en medicina y mediu ambiente. Sobro esi compromisu mundial va tratar el XI Congresu Mundial de Bioética de la SIBI.

L’Espaciu Maqua va ser la see de la quinta edición del Avilés Weekend Entamador demientres los díes 28, 29 y 30 de mayu, cuando va desenvolvese esta iniciativa, promovida pol PCT Avilés Isla de la Innovación, que va axuntar ente 20 y 25 persones participantes (les restricciones del Covid lleven a amenorgar les habituales 30 persones d’anteriores ediciones) con idees empresariales, a les que se-yos apurren medios p’acelerar el desenvolvimientu de los sos proyectos.

Un informe ellaboráu pol Ministeriu de Cultura y Deporte asegura que sumieron cuatro obres más de Galiléu Galilei de la Biblioteca Nacional (BNE), que se xunen al robu del tratáu astronómicu “Sidereus nuncius” fechu públicu hai menos de dos meses.

El Palaciu d’Esposiciones y Congresos d’Uviéu acoyía la sesión de presentación de los proyectos entamadores na XI Edición del Explorer Uviéu Space. El xuráu asistente dio a conocer el proyectu ganador d’ente los 13 que participaron nesti eventu que celebrose esti llunes 10 de mayu ente les 17:30 y les 20:30 hores.

Explorer, Nuevos con Soluciones ye una iniciativa promovida por Banco Santander al traviés de Santander Universidaes, dirixida pel Centru Internacional Santander Emprendimiento (CISE) y que cunta cola participación de la Universidá d’Uviéu y del Conceyu d’Uviéu, al traviés d’Uviéu Entama.

A lo llargo de los postreros cuatro meses les y los participantes trabayaron de forma online cola facilitación de profesionales del emprendimientu d’Uviéu Entama, y con otres persones espertes referentes nel sector del emprendimiento. Asistieron a sesiones de trabayu grupales online y recibieron asesoramientu individualizáu que los sirvió pa definir meyor los sos proyectos y ameyorar les sos habilidaes entamadores como’l lideralgu, trabayu n’equipu, capacidá de vienta y habilidaes de comunicación, esta última sesión foi presencial nel Espaciu Coworking Turria de la Ería.

Más información

Esti vienres, 7 de mayu, Día de les Lletres Asturianes, la Estaya de la Llingua d’Avilés tien programaes actividaes pa emponderar una cita tan especial, una celebración na qu’asturianos y asturianes faen un homenaxe a la lliteratura escrita en llingua asturiana, a sos autores, y que se vien celebrando dende 1980.