Política El PAS ve nes opiniones del Bloque por Asturies una rempuesta al PSOE cínica y desvergoñante by asturnet 2 de marzu, 2009 Tres les declaraciones de Fernando Lastra nes que tornaba a amosar la so posición y la de la FSAPSOE al rodiu a la oficialidá de la llingua asturiana y el posterior retruque del Bloque por Asturies, dendel Partíu Asturianista consideren la rempuesta del BpA un nidiu exerciciu de cinismu y de desvergoña. El Bloque por Asturies, quagora se rasga les vestidures cuan fariseos, sólo pue recibir la calificación de collaboracionistes por facer una arruda hipocresía al gobernar colos políticos que ñeguen la oficialidá (Areces y el PSOE), comenten los asturianistes. Pal PAS ye necesario alcordase de les pallabres en marzu de 2008 del voceru entós del Bloque por Asturies don Rafael Palacios en declaraciones a la prensa, daquella condicionaba una futura reedición del pautu de gobiernu a la oficialidá de la llingua asturiana. ¿Ú tán les sos pallabres? ¿llevóles El Ventolín col aire acondicionáu del sillón?, entruguen dende la formación asturianista. Tres la firma del pautu de gobiernu, IX y el Bloque por Asturies, siempres según el PAS, dexaron de llau y escaecieron la reclamación de la oficialidá de la llingua asturiana. Dendel PAS llevamos pidiendo dende la nuesa fundación (fai más de 23 años) la oficialidá y la evidencia ye que la llingua asturiana nun-yos importa un sacre masque tea nuna situación de peligru de desapaecer según la UNESCO. El PAS ve hipócrita que se critique a la FSA demientres ellos abandonaron esi envís por puestos, perres, chiringuitos y viaxes por ya segunda vegada cola reedición del pautu de gobiernu de 2008. 2 de marzu, 2009 0 FacebookTwitterPinterestEmail
Política Sigue con Asturnews les eleiciones gallegues y vasques by asturnet 1 de marzu, 2009 1 de marzu, 2009 0 FacebookTwitterPinterestEmail
Política Fernando Lastra afita la postura del PSOE pa col asturianu: Nun reconocemos la cooficialidá by asturnet 26 de febreru, 2009 Fernando Lastra, voceru del grupu parllamentariu socialista na Xunta Xeneral dAsturies respondió ayeri pela tarde nun vidiochat del diariu El Comercio a les entrugues plantegaes polos llectores alredor destremaos temes de la vida política asturiana. Delles xiraron alredor de la postura del PSOE sobre lasturianu. Nesta entrevista Lastra comentó nun compartir la visión de que la FSA tea acabando col asturianu . Pal políticu socialista les visiones del PSOE en rellación a la llingua asturiana son conocíes. Somos claros y directos, ensin trampa nin cartón. Lastra recuerda facemos una defensa de la llingua asturiana nos términos recoyíos nel artículu 4 del Estatutu y defendemos la llingua asturiana dalcuerdu a esi marcu llegal, defendemos la llingua asturiana como un valor cultural innegable, pero nun reconocemos la cooficialidá en sintonía, creo, cola mayoría de la población asturiana. Unes polítiques coles que Lastra camienta cuntamos con un sofitu políticu importante. En cuantes al refugu de la FSA a la financiación del estáu pa les comunidaes con llingua propia, Lasta opina que nun hai nenguna financiación, en nenguna comunidá autónoma se tuvo en cuental costu dafalar lusu duna llingua propia. Pal voceru socialista dignidá y cooficialidá nun son términos homexéneos, a lo quañadió lasturianu pue tener un tratamientu dignu ensin tener que definir la cooficialidá. Ente la entruga pola oficialidá dun militante del PSOE Lastra recordó a los votantes y non votantes del PSOE quel so partíu nunca nun foi partidariu de la cooficialidá pero sí dun tratamientu dignu del asturianu. Lastra espera, sicasí, meyorar la dignidá del tratamientu del asturianu pero afita la cooficialidá ye una cosa diferente. Consulta la entrevista completa a Fernando Lastra 26 de febreru, 2009 0 FacebookTwitterPinterestEmail
Política Vanessa Gutiérrez alcuéntrase colos sos llectores nel Atenéu de Turón by asturnet 26 de febreru, 2009 El Serviciu de Normalización Llingüística de Mieres organiza un nuevu Alcuentru nel Atenéu de Turón. La escritora Vanessa Gutiérrez (Urbiés, 1980) va comentar colos llectores la so nueva novela: La Cama. Lactu va celebrase ente les siete y les ocho y media la tarde. 26 de febreru, 2009 0 FacebookTwitterPinterestEmail
Política El Bloque denuncia’l pautu de Gobiernu por nun desarrollar la especialidá de Llingua Asturiana by asturnet 26 de febreru, 2009 El voceru del Bloque por Asturies (BA), Pablo Fernández, acusó esti miércoles a la conseyera d’Alministraciones Públiques y Vocera del Gobiernu, Ana Rosa Migoya, de “nun cumplir el pautu de Gobiernu”, y de dexar a los profesores de Llingua Asturinaa nuna “situación precaria”. Fernández realizó estes manifestaciones a Europa Press, que les espubliza na soi web, depués de que Migoya afitareque nun s’inclúi a los profesores d’asturianu como fixos, porque la so especialidá nun ta reconocida pol Ministeriu. Pablo Fernández, desixe al responsable de la Conseyería d’Educación, José Luis Iglesias Riopedre, la puesta en marcha d’un estudiu xurídicu pa ver la posibilidá de crear la especialidá del asturianu, “recoyíu nel pautu del Gobiernu”. El diputáu d’IX-BA-Verdes, Francisco Javier García Valledor, ufrió hai quince díes una rueda de prensa na qu’acusó tamién al PSOE de tar incumpliendo’l pautu de gobiernu cola intención de les conseyeríes d’Educación y d’Alministraciones Públiques de prescindir de los profesores d’asturianu na plantía orgánica del Principáu d’Asturies. Valledor dixo esperar qu’esi aspeutu de la plantiya se corrixa colos mecanismos pa solucionar diferencies nel senu del Gobiernu. Valledor tamién denunció’l pautu quince díes enantes pol mesmu motivu 26 de febreru, 2009 0 FacebookTwitterPinterestEmail
Política El Partíu Asturianista ve un llaváu dimaxe del Ayuntamientu na gala Xixón fala nasturianu by asturnet 19 de febreru, 2009 LAgrupación del Partíu Asturianista de Xixón critica nun comunicáu la gala Xixón fala nasturianu, celebrada va cerca dun mes nel Teatru Xovellanos, yá que ve nesta actividá daqué colo que lAyuntamientu xustifica la so política llingüística faciendo un llaváu dimaxe. Pal PAS, la realidá del usu del asturianu en Xixón pue vese claramente na revista Gaceta de Xixón, onde, comenten dendel PAS, nel segundu númberu del añu nun hai nin una sola páxina nasturianu, de les 22. Un fechu quel PAS considera demuestra la importancia que da al asturianu esta alministración. Los asturianistes piden al gobiernu municipal dIX y PSOE una mayor presencia del asturianu na Gaceta, yá quhai que recordar que la pagamos ente toos, tanto falantes dasturianu como de castellán. Pal PAS les nueves ordenances tendríen de recoyer una mayor implicación del Ayuntamientu nestos temes y tratar que la llingua asturiana sintegre na vida cotidiana y na actividá diaria de los ciudadanos de Xixón, lo que pal PAS consigue con un bon Plan de Normalización y non con unes ordenances que son un nuevu llaváu dimaxe, papel moyao. 19 de febreru, 2009 0 FacebookTwitterPinterestEmail
Política El Círculu Lliberal decide abandonar el Conceyu Abiertu pola Oficialidá by asturnet 17 de febreru, 2009 El Círculu Lliberal d’Asturies anunció labandonu del Conceyu Abiertu pola Oficialidá por mor duna xunta xeneral desta organización, celebradal 7 de febreru, a la que según los lliberales nun sinvitó al Círculu. Sicasí, el CL reconoz que yá va unos meses cuasimente un terciu de los afiliaos pidiera que l’asociación reconsiderare la so presencia nel CAO pola mor del nivel de parcialidá política d’esta plataforma, énte la que Gonzali pidiere un tiempu de reflexón. Agora, él mesmu metanes una durísima intervención pidió un nuevu marcu pa proyectar la xera pola dignificación del asturianu y abandonar el CAO. 17 de febreru, 2009 0 FacebookTwitterPinterestEmail
Política La Eurocámara afita’l derechu de los pas a escoyer la llingua nos colexos by asturnet 17 de febreru, 2009 La Eurocámara vieno acabante d’afitar esti día’l derechu de los pas a escoyer la llingua nos colexos. Los socialistes, CiU, PNV y ICV presentaron sorprendentemente enmiendes pa suprimir esta recomendación, abanderada pol PP que llogró que la comisión de Cultura del Parlamentu Européu aprobara por mayoría un informe sobre’l multillingüismu nel que considera “esencial defender la posibilidá de que los pas y resonsables de la educación escueyan la llingua oficial en que han educase los sos fíos nos países nos que coexisten una o más llingües oficiales o una o más llingües rexonales”. Los eurodiputaos socialistes españoles, asina como los de CiU, PNV y Iniciativa per Catalunya-Verds, presentaren delles enmiendes pa que se suprimiere directamente esi párrafu del informe, redautáu pol eurodiputáu popular portugúes Vasco Graça Morua, pero toes se refugaron, incorporándose amás delles enmiendes presentaes pol eurodiputáu del PP Luis Herrero como una pa completar esi párrafu y alvertir “del error de promover una llingua a costa de los derechos de los falantes d’otra, o al traviés de cualquier forma de presión o discriminación que los inore o los lesione”. 17 de febreru, 2009 0 FacebookTwitterPinterestEmail
Política La Xunta pola Defensa de la Llingua Asturiana pide la dimisión de Consuelo Vega by asturnet 16 de febreru, 2009 La Xunta pola Defensa de la Llingua Asturiana pidió estos díes la dimisión de la Directora Xeneral de Política Llingüística, Consuelo Vega, por, según la organización, “mentir y ocultar información” al Conseyu dEuropa. La polémica entamó va delles selmanes al sabese que Vega nun contestó a la petición dinformación sobre la situación del asturianu pal Informe de siguimientu de la Carta Europea de Llingües Rexonales y Minoritaries. Otres organizaciones yá amosaron el so descontentu por esta actuación, yel casu de Xuristes pol Asturianu, que destapó la polémica. 16 de febreru, 2009 0 FacebookTwitterPinterestEmail
Política LAcademia de la Llingua Asturiana anuncia la creación dun Departamentu de Traducción by asturnet 16 de febreru, 2009 LAcademia de la Llingua Asturiana dio anuncia güei de que na so xunta ordinaria del 13 de febreru pasáu acordó la creación dun Departamentu de Traducció col oxetivu d’afitar académicamente la calidá de les traducciones que se-y encamienten, fundamentalmente del asturianu al castellán y viceversa, anque ensin descartar les traducciones a otres llingües. El llabor del departamentu tomará, en tou casu, como referencia les demandes institucionales (xulgaos, universidaes, muérganos internacionales, instituciones gubernamentales, conceyos, etc.) y tendrá un calter inmediatu. Trátase, entós, dencadarmar téunicamente un trabayu que yá vien faciendo lALLA práuticamente dendel so aniciu y que, dende llueu, nun implica la disponibilidá dafechu de la institución pa llevar alantre cualquier torna que se-y apurra, sinón namái aquellos testos urxentes, de calter institucional, con un tamañu afechiscu y que nun representen nenguna torga pal desempeñu de les funciones normales de la institución. Nel Departamentu de Traducción participarán los académicos, acordies cola so especialidá, y el personal téunicu que güei forma parte de lALLA. 16 de febreru, 2009 0 FacebookTwitterPinterestEmail