Política

El Bloque por Asturies escoyó otra vuelta a Roberto Colunga como secretariu xeneral d’esta formación política nacionalista nun Conceyu Nacional del que se dicía esta selmana pasada que presentaría dellos cambios na estructura del partíu.

El Bloque por Asturies camudaba los sos órganos de direición, la Direición Nacional y la Xunta Nacional, tres d’esti Conceyu Nacional qu’entamaba’l sábadu dende les 10 hores nel Hotel Asturias de Xixón. Nel Conceyu tomaben parte unos 100 delegaos representantes de 537 afiliaos, pero concibíase como una actividá abierta, polo que pudo participar y opinar tol mundu interesao. El Bloque por Asturies escoyó otra vuelta a Roberto Colunga como secretariu xeneral en Xixón alrodiu del lema «Xuntes, xuntos somos». El portavoz de la formación, Pablo Fernández, fizo anuncia de que les sos propuestes nesta nueva etapa afitense en cuatro pegoyos: la ideoloxía d’izquierdes, l’asturianismu, l’ecoloxismu y el feminismu. El Conceyu discutió tamién les aliances de la formación con IX y Verdes y

Izquierda Xunida d’Uviéu fizo pública esti día un comunicáu nel que crítica “la nula actividá nel terrenu de la normalización de la llingua asturiana del Ayuntamientu d’Uviéu dende la celebración de les elecciones municipales de mayu del 2007”. Pa la coalición les espectatives que traxera la incorporación d’un “históricu” del movimientu asturianista d’izquierdes como José Suárez Arias Cachero ciéronse “defraudaes dafechu tanto no que cinca al campu de la llingua y la cultura asturianes como a dalgunes otres de les responsabilidaes asumíes pol conceyal popular”.

Pa IX, José Suárez Arias “nun foi nos dos años trescurríos dende la so toma de posesión como conceyal a da-y el más mínimu puxu a la normalización social del asturianu nel conceyu, más allá de puntuales iniciatives d’escasu algame, como la firma de dalgún conveniu cola Academia de la LLingua Asturiana y de la meyora na dotación económica de los premios lliterarios n’asturianu convocaos añalmente pol conceyu uvieín”.

La coalición d’izquierdes tamién diz llamentar fondamente que “nun se diere nengún pasu na creación d’una oficina o serviciu municipal de normalización llingüística, y l’usu del asturinau nel Conceyu, amás allá de les ‘charlotaes’ d’un alcalde tornáu de vez en cuando n’intérprete de monólogos, ye inexistente”.

UNA, Andecha Astur y Bloque por Asturies, son los partíos d’ámbitu asturianu que van presentase finalmente a les elcciones europees de xunu. Unidá Nacionalista Asturiana y Andecha Astur diran en solitariu, y Bloque por Asturies en coalición con Izquierda Xunida.

La segunda d’estes formaciones pudo a lo último inscribir la so candidatura, pese a que de primeres una resolución xudicial torgára-ylo tres suspender provisionalmente les sos actividaes.

Les formaciones figuren na llista de partíos políticos que se van presentar al procesu européu, publicada esta selmana oficialmente nel Boletín Oficial del Estáu (BOE) pola Xunta Electoral Central.

La llista d’Andecha Astur ta encabezada por Mario Arbesú, que yá fora candidatu a l’alcaldía de Noreña por esta organización, allugándose nel númberu dos Arturu Xosé Bermeyu y nel númberu trés Paloma García Fernández. Pela so parte, UNA yá informare nun comunicáu de l pesentación del so militante xixonés Daniel Fernández Blanco como cabezaleru, siguíu por Yolanda González Huergo, y Fernando Ornosa, ex voceru del Conceyu Abiertu pola Oficialidá, nel númberu trés. A dambes organizaciones torgó-yos el Bloque Nacionalista Galego la posibilidá de tomar parte na coalición Europa de los Pueblos.

Per otru llau, el Bloque per Asturies ta incluyíu na llista de la coalición La Izquierda, de la que formen parte tamién Izquierda Xunida, Iniciativa Per Catalunya-Verds, Esquerra Unida i Alternativa.

El Bloque por Asturies camudará los sos órganos de direición, la Direición Nacional y la Xunta Nacional, tres del Conceyu Nacional que va celebrar esti sábadu dende les 10 hores nel Hotel Asturias de Xixón. Nel Conceyu van tomar parte unos 100 delegaos representantes de 537 afiliaos, pero concíbese como una actividá abierta, polo que va poder participar y opinar tol mundu.

La Xunta celebró esti miércoles la tradicional ‘Llectura de testos lliterarios n’asturianu’, dientro de la Selmana de Les Lletres, a les 13 hores nel Salón Europa del Parlamentu. Pilar Alonso, Benjamín Gutiérrez, Ovidio Sánchez, Joaquín Aréstegui, Alfonso Román, Emilio Pérez Cueva, Elma Alonso, Cristina Coto, Jesús Iglesias, Emilia Vázquez y Diana Camafeita, foron dellos de los parlamentarios asturianos que participen de la llectura, xunta diputaos por Asturies nel Congresu y senadores como José Manuel Cuervo, Pilar Fernández Pardo o Dorinda García.

L’actu presentólu la presidenta de la Xunta Xeneral, María Jesús Álvarez González, qu’entamó la llectura con ‘Adosina’, de Chechu García, y destacó la “necesidá de promocionar y difundir la nuestra llingua”.

Darréu siguieron lleendo la Conseyera de Cultura, María Mercedes Álvarez, y el Conseyeru d’Educación, José Luis Iglesias Ripoedre, qu’escoyó ‘Alcordances de mio güela’, de María Luz Pontón; la Conseyera de Bienestar Social, Noemí Martín, que lleería ‘Apocalipsis’, de Dolfu Camilo; y el de Sanidá, José Ramón Quirós, que dió llectura nun perbon asturianu a de ‘Fuxida’, d’Esther García López.

El diputáu del PP, Joaquín Aréstegui lleía al poeta de LLanera Héctor Pérez Iglesias y Jesús Iglesias a Xavier Frías Conde, mentantu qu’Emilio Pérez Cueva lleía ‘Na alcordanza’, de Xurde Fernández, Alfonso Román “La Forxa del héroe”, de Xuan Santori y Cristina Coto un testu de Marián García.

Los testos escritos n’asturianu que se lleíen tán incluyíos nuna publicación editada pola Xunta Xeneral del Principáu con motivu d’esta celebración, baxo’l títulu ‘Caminos que naide triara’. La publicación contién un total de 45 microrrelatos escritos por otros tantos autores asturianos, especialmente pa esta ocasión.

Unidá Nacionalista Asturiana (UNA) presentará finalmente la so candidatura a les elecciones europees sigún comunicaba esti martes pela tarde nun comunicáu nel qu’agitaba que la lista va ser encabezada pol licnciáu en ciencies polítiques Daniel Fernández Blanco siguíu por Yolanda González Huergo y Fernando Ornosa.

UNA quier ser la voz netamente asturiana nunes elecciones integrando una amplia representación del mundu, sindical, cultural, ecoloista y asociativu. UNA va dir a estes elecciones en solitariu y durante la campaña y precampaña va buscar l’apoyu de persones y colectivos qu’apuesten porque nestes elecciones se puea sentir una voz asturiana.

En el día de ayer Unidá Nacionalista Asturiana (UNA), registró en la Junta Electoral Central su candidatura a las elecciones europeas del próximo 7 de junio. que desde una perspectiva de izquierdas presente unas propuestas electorales no sucursalistas y centradas en la defensa de los intereses de Asturies. La lista electoral, que ratificó el fin de semana pasada el Conceyu Abiertu de la organización, está encabezada por Daniel Fernández Blanco. Fernández Blanco nació en Xixón en 1978, y reside actualmente en esta ciudad. Es Licenciado en CC. Políticas y de la Administración y fue becario de investigación en la Univerisidad de Santiago de Compostela opteniendo el Diploma de Estudios Avanzados en Procesos Políticos Contemporáneos. Por otra parte cuenta con un máster en Auditoría financiera y es especialista en Derecho Tributario y Laboral por la universidad compostelana. Actualmente trabaja en un despacho profesional en temas de asesoramiento. Responsable de Attac en Santiago de Compostela, militó en varios colectivos de izquierda y a su vuelta a Asturies se integró en UNA, formando parte actualmente de la Executiva Nacional, contando con las responsabilidades de Tesorería de la organización y la portavocía de Vivienda. La número 2 de la lista es la también miembro de la Xunta Executiva Nacional de UNA la xixonesa Yolanda González Huergo. Huergo, técnica de urbanismo y nacida en Xixón en 1971, es licenciada en Derecho por la Universidad de Uviéu y funcionaria de la administración local. Huergo milita activamente desde los años 90 en el movimiento de reivindicación lingüística y participa en movimientos de defensa de los derechos humanos. El puesto número 3 lo ocupa Fernando Ornosa. Ornosa es carbayón de nacimiento y vive en Uviéu dende hace 50 años, habiendo nacido el 16 de setiembre de 1958. Se licenció en Geografía por la Universidad de Uviéu en el año 1982, participando en distintos trabajos como geógrafo y trabajando a continuación 19 años en Facultad de Geología de la Universidá de Uviéu. Desde el añu 1978 se vinculó a distintas asociaciones de folklor y etnografía donde ocupó cargos de dirección y dirigió trabajos de campo de la música tradicional asturiana. Desde 2001 es el responsable del Archivu de la Música Tradicional del Muséu del Pueblu d’Asturies. Participó en numerosas organizaciones sociales y culturales y, desde 2004 a 2008, ejerció como portavoz del Conceyu Abiertu pola Oficialidá (CAO). En marzo de 2009 se afílió a UNA. Además entre los 50 candidatos y candidatas la lista electoral de UNA incluye una amplia representación del mundo sindical, ecologista, cultural y asociativo asturiano. Próximamente UNA presentará en rueda de prensa su candidatura y las líneas básicas del programa que la formación propondrá en estos comicios al Parlamento europeo, una elecciones que a pesar de las dificultades que plantean para una fuerza como UNA, tienen ventajas como la posibilidad de que los asturianos y asturianas pueden votar a un partido asturiano aunque no ejerzan en Asturies su derecho al voto.

L’Aconceyamientu de Xuristes pol Asturianu acusó esti día nun duru comunicáu a los dos conseyeros qu’Izquierda Xunida-Bloque por Asturies-Verdes tien nel Gobiernu autononómicu, Noemí y Aurelio Martín por “desdexar” l’usu normal de la llingua asturiana y los topónimos tradicionales na so aición de gobiernu. L’aconceyamientu acusa a dambos representantes autonómicos d’incumplir los sos compromisos electorales y políticos al nun afitar l’usu del asturianu na alministración siguiendo les pautes que la coialición afitó na so anterior participaciónnel gobiernu d’Asturies.

“Nel tiempu que dambos lleven de conseyeros desaniciaron lo poco andao pelos sos predecesores”, afirmó l’Aconceyamientu pa criticar a Noemí y Aurelio Martín por constatar el gechu de anguaño “nun apaecen impresos n’asturianu nin na conseyería de Mediu Rural y Pesca, nin la de Bienestar Social y Vivienda, nin pa la contratación alministrativa, nin nos formularios pa los trabayadores, y menos entá nos concursos o sovenciones”. Amás, les rotulaciones qu’había allugáu’l gobiernu anterior de coalición, “van esmuciendo, pasu ente pasu o de calón, de los llugares nos que se punxeron y nes sos conseyeríes nun apaecen indicaciones nueves na llingüa del país”.

El Bloque por Asturies albidra qu’esta decisión, tomada pol Gobiernu del que formen parte, ye un “pasu hacia la normalización” de la llingua asturiana. Según el voceru de la formación, Pablo Fernández, el Bloque felicítase pola noticia, “porque forma parte de lo pautao poles fuerces polítiques que componen el Gobiernu asturianu”, y porque “supón un pasu más hacia la normalización y espardimientu, y va facilitar la comunicación de los ciudadanos cola Alministración”. BpA comentó amás la intención de la formación de “siguir trabayando por cumplir tolos puntos que se pautaron pa que se cumplan los oxetivos de normalización”.

La Xunta Xeneral va presentar por mor del día de llibru, la edición d’una Constitución que los federales asturianos redactaron en 1883, obra desapaecida por más d’un sieglu y de la que se creía nun quedaba nengún exemplar. Sicasí recientemente l’hestoriador xixonés Sergio Sánchez Collantes atopó un exemplar, que ye’l qu’agora se reedita con un estudiu introductoriu del propiu investigador.

El testu asoléyalu l’Ayuntamientu de Xixón y la Xunta Xeneral d’Asturies cola xestión editorial de Trea y ta fecháu en Xixón, en 1890. Nél recuéyense una serie de normes básiques ideaes pa la convivencia d’Asturies col estáu español dientro d’un proyectu federal nel que dexaben la soberanía del territoriu en manes de los asturianos.

El “Proyecto de Constitución Federal del Estado Asturiano” qu’entamaba con estes palabres d’ún de los sos promotores, Eladio Carreño, qu’amas sería l’alcalde de Xixón nel añu 1873: “En la Constitución Federal Asturiana, aprobada en la Asamblea de Gijón por los representantes del Partido Federal de Asturias, se hallan condensados nuestros ideales políticos, definidos los poderes regionales, sus atribuciones, y determinadas las que corresponden a los poderes legislativo, ejecutivo y judicial, y se establecen los procedimientos con que garantizamos la libertad, asegurando el orden, la paz y la autonomía de la región.”

La Tertulia Pachín de Melás, que dende hai unos meses vien desarrollando en Xixón alderiques abiertos sobre bayura de temes sociales y culturales, anuncia pal próximu xueves 16 d’abril una nueva tertulia baxo’l títulu: “Nacionalismu asturianu na transición”.

Na charra participarán Xosé Lluis Carmona, fundador del Conceyu Nacionalista Astur; Ignaciu Llope, escritor y militante d’Unidá Nacionalista Asturiana; y Patrick Zimmerman, historiador ya investigador del nacionalismu asturianu. Pela so parte la presentación correrá a cargu de Xelu Neira.

La Tertulia Pachín de Melás vien organizando dende’l so nacimientu, el pasáu mes d’avientu del 2008, trés Tertulies empinaes a mui diferentes ambitos: “La ZALIA contra Asturies”, “Normalización de la llingua asturiana” y “¿Qué facer cola prostitución?”.

Como nel restu de los casos la Tertulia Pachín de Melás va tener llugar na Cervecería Astuera (C/ Joaquín Fdez. Acebal, 2. Detrás del Centru San Agustín) a les 20.30 hores.