Política

Asturnews ufre a los sos llectores más de 150 semeyes del percorríu de la manifestación qu’esti sábadu enllenó la cai Uría d’Uviéu. Una manifestación que dexó bien claro, otra vegada, l’apoyu del pueblu asturianu al cambiu d’estatus de la llingua asturiana nel Estatutu d’Autonomía. Xente de toa clas, condición ya idioloxíes formó parte de garapiellu de más de 3.000 persones que remató la reinvidicación na plaza la Catedral.

Galería de semeyes de la manifestación d’esti sábadu pasáu

Estrelles del cine norteamericanu como Leonardo DiCaprio, Dustin Hoffman, Natalie Portman o Jennifer Aniston rueden un anunciu col que dan aliendu a la xente pa que vote nes eleciiones presidenciales del 4 de payares, pero d’una forma dafechamente irónica… pidiendo xustamente que nun voten.

IX-BA-Verdes nel Conceyu de Samartín xuníense tamién esti miércoles a les crítiques de l’Asociación de Trabayadores de los Servicios de Noirmalización del Principáu al manifestar la so “más firme repulsa a esta resolución del Sr. Alcalde, que vulnera flagrantemente la llegalidá vixente, qu’establez los requisitos d’igualdá, capacidá, méritu y oxetividá nel accesu al emplegu públicu; y ye, amás, especialmente grave porque llueve enriba moyao, puesto que va poco, y sobre estes mesmes custiones, el Conceyu de Samartín quedó desautorizáu mediante sentencies xudiciales a consecuencia de les denuncies que presentó’l nuestru grupu”.

La nota de prensa fecha pública esti miércoles reproduzse darréu: “Con fecha 23 de setiembre del 2008 el Sr. Alcalde de Samartín del Rei Aurelio dictó una resolución pola que s’aprobaben les bases pa la contratación d’una plaza de téunicu/a mediu/a responsable del Serviciu de Normalización Llingüística. Neses bases recuéyese, na cláusula séptima, el procesu de seleición, que consta de les siguientes pruebes: “1) De caráuter práuticu, eliminatoriu, va consistir na realización d’una o varies pruebes rellacionaes cola plaza convocada, pel tiempu que determine’l tribunal. 2) Entrevista, na que se van valorar los conocimientos, la aptitú psicolóxica, la capacidá espresiva, asina como la esperiencia de los candidatos”. Como se pue ver, el procesu de seleición nun establez cuála va ser la puntuación pa cada prueba, nin diz cómo va ser la valoración de la entrevista, nin establez cómo se va valorar la esperiencia y los méritos formativos. En definitiva, tamos énte una ausencia dafechu de baremación; polo tanto, estes bases, son tolo contrario de lo qu’han ser unes bases de seleición de personal. Ello ye qu’en cuenta d’especificar claramente y con oxetividá la forma en que se van valorar los conocimientos y los méritos, óptase por esta fórmula que dexa en manes del tribunal, nomáu pol propiu Sr. Alcalde, la interpretación llibre d’estes custiones, ensin que les persones que se vayan presentar a esti procesu de seleición puedan contrastar la puntuación que pudieren sacar colo establecío nes bases. Dende el Grupu d’IX/BA del Conceyu de SMRA nun podemos dexar de manifestar la nuestra más firme repulsa a esta resolución del Sr. Alcalde, que vulnera flagrantemente la llegalidá vixente, qu’establez los requisitos d’igualdá, capacidá, méritu y oxetividá nel accesu al emplegu públicu; y ye, amás, especialmente grave porque llueve enriba moyao, puesto que va poco, y sobre estes mesmes custiones, el Conceyu de Samartín quedó desautorizáu mediante sentencies xudiciales a consecuencia de les denuncies que presentó’l nuestru grupu. Nun entendemos de nenguna manera que’l Sr. Alcalde, dempués d’estes sentencies, nun igüe esta forma d’actuar y siga atesteronando nun comportamientu políticu que raspia’l desacatu y ta cerca de la prevaricación nesta materia. Polo tanto anunciamos yá, que’l nuestru grupu va presentar recursu de reposición escontra la resolución de l’alcaldía, y va llegar hasta onde sía menester na aplicación de les midíes llegales que se precisen adoptar pa restituyir la llegalidá en materia de contratación d’emplegu na nuestra Casa Conceyu.”

Esti martes, a les 11 de la mañana, el Conceyu Abiertu pola Oficialidá presentaba públicamente les carauterístiques de la manifestación pola oficialidá de la llingua asturiana que tien entamada pal próximu sábadu cuatro d’ochobre nes casi d’Uviéu y embaxo’l lema “Ensin Oficialidá nun hai Estatutu que valga” y que van encabezar dos bandes de gaites. El voceru del CAO, Fernando Ornosa, dexó afitao esti día que “seya agora, dientro de dos meses o de tres años cuando s’apruebe l’estatutu, vamos tar siempre reclamando la oficialidá”.

La manifestación va entamar a les 18.00 hores dende la Estación de Renfe, y va acabar na plaza de la Catedral con dos pancartes que van llevar persones independientes del mundu de la cultura, el deporte y representantes de la sociedá civil y encabezando la otra los representantes políticos y sindicales.

El presidente del Congresu de los Diputaos, José Bono calificó Asturies como una tierra na que “nin les prises nin los retrasos faen enredase en discusiones absurdes d’identidaes”.

ç

Bono, al que naide nun llamare a dengún entierru, fizo un discursu que nun venía a cuentu y soltó incongruencies como na que calificaba a los asturianos de patriotas: “Siéntense tan asturianos que ye ‘deméritu’ sentise antiespañoles”. Demientres la so intervención, José Bono fizo alusión a les “peculiaridaes” de los asturianos:”el gran amor” que sienten pola so tierra “chica”.

Izquierda Xunida d’Asturies vieno acabante presentar 19 propuestes de resolución nel Alderiques d’Orientación Política celebráu na Xunta Xeneral del Principáu d’Asturies. La primera d`elles encamienta al Conseyu de Gobiernu a cumplir darréu aquelles resoluciones apautaes l’añu pasáu que’l Gobiernu tampoco nun cumpliera.

La Xunta Xeneral aceutó la propuesta d’IX tres del Alderique d’Orientación Política pa que’l Gobiernu d’Areces cumpla pa colos plazos de les obres d’ampliación del Muséu de Belles Artes. El grupu parlamentariu d’IX-BA-Los Verdes llogró’l sofitu, por unanimidá, de la Xunta Xeneral del principáu pa desixir al Gobiernu d’Asturies que cumpla los plazos d’execución previstos pales obres d’ampliación del Muséu de Belles Artes d’Asturies. La xunta apautóse nesta propuesta de resolución presentada por grupu parlamentariu d’IX-BA-LV tres del Alderique d’Orientación Política.

El Plenu de la Xunta Xeneral del Principáu aprobó güei 53 propuestes de resolución de les 106 presentaes ente los tres grupos. Menatntu los socialistes llograben sacar alantre tole propuestes presentaes menos una, IX-BA-Verdes algamó aprobar 15 de 19 y el PP vio cómo la cámara refugaba 47 de les sos propuestes presentaes.

Los grupos socialista y d’IX-BA-Verdes xuntaron los sos votos pa sacar alantre les midíes escontra la crisis propuestes pola coalición y refugaron dafechu les midíes económiques plantegaes pol PP.

El presidente del Gobiernu del Principáu d’Asturies, Vicente Álvarez Areces, dixo güei na so comparecencia nel Alderique d’Orientación Política que los presupuestos de 2009 van incluyir un xorrecimientu d’alrodiu del 6% pa caltener les inversiones penriba de los 1.000 millones d’euros, dando por fechu’l pautu con IX. Con esos presupuestos podríen algamase dafechu los oxetivos del Acuerdu pa la Competitividá, l’Emplegu y el Bienestar d’Asturies (Aceba), y hasta adelantar dalgunes inversiones.Areces fizo tala anuncia na so intervención de la primer xornada del Alderique que se celebra na Xunta Xeneral del Principáu, na que tamién quiso dexar afitaes les doce midíes pa resistir la crisis económica que camienta poner en marcha y de les que’l xorrecimientu de les cuentes autonómiques ye la más importante.

Areces calificó los presupuestos pa 2009 como la “más importante midida anticrisis”.

Mentantu’l presidente del PP d’Asturies y voceru del grupu parlamentariu, Ovidio Sánchez, calificaba’l discursu de Vicente Álvarez Areces como el más probe de los pronunciaos hasta agora, Jesús Iglesias, voceru d’Izquierda Xunida-Bloque por Asturies-Verdes, llamentaba la indefinición del presidente que xunió al intentu de nun molestar al PP.

Les propuestes de Areces nun contentaron nesti sen a dengún de los dos grupos de la oposición lo que dexa dafechamente abierta la xornada de mañana del Aldrique d’OrientaciónPolítica na Xunta Xeneral del Principáu.

Darréu entama’l primer sábadu d’ochobre’l Día de la Mocedá Revolucionario (DMR’08) en La Felguera (Llangréu). La xornada de vindicación va tener como actos centrales, como ye vezu, una manifestación y una nueva edición del festival “Asturies nun escaez”.

Sigún asoleya la organización na so páxina web hai delles novedaes respetu a años anteriores: “Esti añu la mani va salir del Parque Nuevu de La Felguera y va acabar na cai Belkarmino Tomás onde se va facer l’homenaxe a Belarmino Tomás y a los y les revolucionaries asturianes. La sesta edición del conciertu “Asturies nun escaez” cambia de sitiu pa cellebráse nel aparcaderu de la Estación d’Autobuses de la Felguera opnde se va afayar un recintu con una carpa de grandes dimensiones”.