Música Rock y Folk protagonicen el XXI Conciertu pola Oficialidá by asturnet 8 d'abril, 2009 La Xunta pola Defensa de Llingua Asturiana dio anuncia yá del programa del XXI Conciertu pola Oficialidá, que va celebrase nes instalaciones de la Universidá dUviéu, dientro del Campus dHumanidaes, onde va instalase una carpa con dos escenarios pelos que van psar Tuenda, Los Gatos del Fornu, Felpeyu y La Bandina, amás de los grupos rock Skama la Rede, Dixebra y Skontra. La cita va tener llugar el 25 dabril a partir de les siete la tarde. El conciertu va durar siete y hores y tien un preciu d8 euros anticipada y 10 na puerta, pudiendo mercase a partir de la selmana que vien n’Uviéu: La Casa Posafuelles. Xixón: El Trisquel, El Barucu y Llibrería Alborá. Avilés: El Cafetón. Candás: La Gueta. Tinéu: Mesón Cervantes. Cangas: Bar Azul. La Puela Allande: Café Centro. Mieres: L’Abellugu. La Pola L.lena: La Xarrina. La Felguera: El Llar de Keko. L’Entregu: Tom Mallory. Llaviana: El Riscar. La Pola Siero: Abre César. Nava: La Posta y L.luarca: Panadería Andrín, Estancu Cachona. 8 d'abril, 2009 0 FacebookTwitterPinterestEmail
Música Felpeyu actua nel Festival Folk Internacional Tradicionàrius de Barcelona by asturnet 3 d'abril, 2009 Un concierto del grupu Felpeyu va pesllar güei, vienres 3 d’abril, el Festival Folk Internacional Tradicionàrius qu’organiza’l C.A.T. (Centre Artesà Tradicionàrius) y que yá va pola so vixésimo segunda edición. El C.A.T. ye un equipamientu públicu de la ciudá de Barcelona orientáu a la promoción y difusión de la música y la cultura tradicional de Catalunya. El Festival Tradicionàrius ye’l más importante del so tipu nos países de llingua catalana, y siguiendo cola so política de divulgación y averamientu a otres cultures musicales invita nesta ocasión al so públicu a averase a la música folk asturiana d’anguañu. Felpeyu va interpretar temes del so últimu discu, “Canteros” (Tierra Discos, 2008), galardonáu col premiu “AMAS” al meyor discu folk del añu 2008. 3 d'abril, 2009 0 FacebookTwitterPinterestEmail
Música El Centru de La ReFLEXón celebra un alcuentru de grafiteros by asturnet 3 d'abril, 2009 Mañana sábadu, 4 dabril, el centru ocupa ReFLEXón, asitiáu nel númberu 18 de lAvenida Príncipe dAsturies de Xixón va celebrar una xornada onde van da-y coloríu a les sucies muries del edificiu. La celebración va entamar a les cinco y media la tarde y va cuntar con micru abiertu, actuaciones de break dance y cenador popular de preciu llibre. 3 d'abril, 2009 0 FacebookTwitterPinterestEmail
Música Ambás algama’l IX Premiu Fini Suarez de Floclor by asturnet 1 d'abril, 2009 Esti llunes dábase a conocer al ganador del Premiu Fini Suárez d’investigación folclórica 2009, que nesta novena edición diba parar a Xosé Antón Fernández “Ambás”, investigador y comunicador del folclore asturianu, que nos últimos años rescampla como ún de los principales divulgadores de la tradición de nueso al traviés de la so participación nel programa de la TPA “Camín de Cantares”. El premiu, que s’entrega na Folixa na Primavera de Mieres del Camín, foi creáu na alcordanza de la fallecida folclorista mierense Fini Suárez y reconoz el trabayu de persones o entidaes a favor del caltenimientu y divulgación de la cultura asturiana. La entrega d’esti premiu, qu’algamaron ente otros el director del festival de Lorient Lisardo Lombardía, va facese’l esti mesmu vienres día 3 dientro de los actos del festival folk. 1 d'abril, 2009 0 FacebookTwitterPinterestEmail
Música Skanda presenta’l llunes en Mieres el so primer vidioclip “Ser Humanu” by asturnet 27 de marzu, 2009 El grupu Skanda presenta esti llunes 30 de marzu a les 12:45 h nel Salón dactos de la Casa Cultura de Mieres, asitiada na cai Manuel Llaneza, el so primer vidioclip, “Ser Humanu”. Un trabayu audiovisual dirixíu por Rubén Pantiga, fotógrafu natural de San Miguel de Lada, cola collaboración de Pablo A. Quiroga Prendes detrás de la cámara. El vidioclip tien, según los sos creadores, un tratamientu visual poco característicu nel espaciu musical onde se mueve Skanda, que de xuru que va sorprender. Skanda ñació en Mieres en 1996 y anguaño tien cuatro discos nel mercáu, espublizaos por LAguañaz: Skanda (1998), Mecigaya (2001), Sangre d’Ochobre (2004) y El Cuartu (2007). Páxina web del grupu 27 de marzu, 2009 0 FacebookTwitterPinterestEmail
Música Felpeyu lleva la música tradicional astur a Catalunya by asturnet 27 de marzu, 2009 Un concierto del grupu Felpeyu va pesllar esti prósimu vienres 3 d’abril el Festival Folk Internacional Tradicionàrius qu’organiza’l C.A.T. (Centre Artesà Tradicionàrius) y que ya va pola so vixésimo segunda edición. El C.A.T. ye un equipamientu públicu de la ciudá de Barcelona orientáu a la promoción y difusión de la música y la cultura tradicional de Catalunya. El Festival Tradicionàrius ye’l más importante del so tipu nos países de llingua catalana, y siguiendo cola so política de divulgación y averamientu a otres cultures musicales invita nesta ocasión al so públicu a averase a la música folk asturiana d’anguañu. Felpeyu va interpretar temes del so últimu discu, “Canteros” (Tierra Discos, 2008), galardonáu col premiu “AMAS” al meyor discu folk del añu 2008. 27 de marzu, 2009 0 FacebookTwitterPinterestEmail
Música Gueta na Fonte toca güei na Colexata San Xuan Baustista de Xixón by asturnet 19 de marzu, 2009 Güei, xueves 19 de marzu, a partir de les ocho la tarde, el Centru Cultural Caxastur Colexata San Xuan Bautista de Xixón acueye lactuación del grupu de folk melódicu Gueta na Fonte, llideráu por Mento Hevia. La entrada ye llibre hasta enllenar laforu. 19 de marzu, 2009 0 FacebookTwitterPinterestEmail
Música La gaitera xaponesa Mana Ando dio un recital nel Congresu de Cultura Xaponesa by asturnet 18 de marzu, 2009 Esti martes 17, la profesora xaponesa Mana Ando acudió al Edificiu Hestóricu de la Universidá dUviéu pa cuntar nel I Congresu de Cultura Xaponesa Asturies y Xapón. Fusión de Cultures, la so esperiencia cola gaita asturiana, al traviés de la conferencia Una visión xaponesa dAsturies y la gaita. La profesora de les Universidaes de Keio y de Musashi comentó los sos anicios na gaita y terminó la charra interpretando dellos temes: La marcha dAntón, lhimnu dAstuies, quufre Asturnews en vidiu, y un tema tradicional xaponés, adaptáu pa la gaita un instrumentu del que diz toi namorada della anque tovía nun soi una virtuosa. 18 de marzu, 2009 0 FacebookTwitterPinterestEmail
Música Colunga convocal IX Certame de Gaita Asturiana El Gaiteru Llibardón by asturnet 13 de marzu, 2009 LAsociación Cultural San Roque de Llibardón y la estaya de Cultura del Ayuntamientu de Colunga convoquen conxuntamente esta nueva edición del Premiu Gaiteru Llibardón, que va celebrase na plaza Chile de la llocalidá de Llibardón, el vienres 7 dagostu. El Certame inclúi dellos premios tanto pa categoríes infantiles, como pa la de gaiteros adultos. Nel certame, que tien por modalidá única la gaita asturiana, puen participar toles persones, dixebraes en Categoría Infantil, hasta los 14 años y Categoría Xoven y Adultu, de magar los 15 años. En caúna delles van poder participar un máximu de 12 gaiteros, per orde dinscripción. El plazu papuntase terminal 31 de xunetu, teniendo dabonar un depósitu caún de los participantes de 5 euros pa los infantiles y 10 pa la categoría adultos, nel númberu de cuenta del Caxastur de Colunga 2048.0046.98.0300045978 col conceptu Certame de Gaita Asturiana. La Organización comprométese a devolver estos importes a los participantes una vez finalicel concursu. En casu de producise dalguna baxa, devolveráse tamién el dineru, siempre y cuando se comunique enantes del 31 de xunetu. La inscripción formalízase personalmente o unviando per corréu la solicitú a la Casa Municipal de Cultura de Colunga, asitiada na plaza lAyuntamientu desta llocalidá. Tamién pue mandase al corréu lletrónicu cultura@colunga.es Particípase con dos temes llibres, almitiéndose composiciones propies. El xuráu va dase a conocer el mesmu día del Certame, y va entregar trés premios por cada categoría, de gaita de construcción tradicional, 60 euros y troféu, y 30 euros y troféu pa los infantiles; y una gaita asturiana fecha por Vicente Prado El Pravianu, 150 euros y troféu y 100 euros y troféu pa los adultos. El gaiteru más mozu, dientro o fuera de concursu, va recibir una reconocencia. 13 de marzu, 2009 0 FacebookTwitterPinterestEmail
Música Hector Braga presenta’l so discu en Llugones by asturnet 13 de marzu, 2009 La Casa de Cultura de Lugones, aueye a les ocho la tarde la presentación nesti conceyu del que yel nuevu discu del músicu llangreanu Héctor Braga “TRAD.YE” nun acto organizáu pola Fundación de Cultura. Dempués de ganar el premiu de la crítica RTPA como meyor discu de canción asturiana del añu 2008, el vienres 23 de xineru Héctor Braga ufiertó un conciertu-presentación nel Nuevu Teatru La Felguera al que sigue agora esti de Llugones. Héctor Braga, músicu y cantante profesional, ye llicenciáu pol Conservatoriu Superior dUviéu ya intérprete de Violonchelu, Gaita, Vigulín, Harpa, Gaita Rabil, Bandurria, Mandolina… Héctor Braga concibió «Trad.ye» pa recoyer los sos conciertos individuales, dando anuncia per primer vez del so ampliu rexistru vocal y tolos instrumentos questi artista gasta nes sos actuaciones. Con un sabor acústicu y basándose nos archivos recoyíos nes sos incursiones etnomusicales, reinterpreta les asturianaes clásiques de principios del sieglu XX, actualiza romances dorixe medieval, revive larte de cantar, toca la gaita, ellabora cantares herederos del más pícaru Mester de Xuglaría, recrea la xenuina lliteratura popular de cordel… Pero lloñe de quedase na música «de muséu», Héctor Braga ufre bien daportaciones artístiques a la tradición musical quinterpreta y investiga. Web del músicu llangreanu Hector Braga 13 de marzu, 2009 0 FacebookTwitterPinterestEmail