Música The Voodoolectric representarán al baxu saxón nel Liet International 2012 by asturnet 22 de payares, 2012 Asturnews sigue col repás a los participantes del Liet International, el conocíu como Eurovisión de les llingües minorizaes, questi añu llega a Asturies. Ye la primer vegada nos diez años del festival en questi va celebrase na Península. Dempués de conocer al grupu frisón Yldau, güei conocemos a The Voodoolectric. El grupu fizo hestoria al ganar, col cantar «Slickermuul», la primer edición de Plattsounds, el concursu de música pa cantares nuevos en baxu saxón, celebráu n’Oldemburgo nel 2011. The Voodoolectric proceden de la villa d’Aurich/Auwerk, en Frisia Oriental, y n’Oldemburgo sorprendieron al públicu pola orixinalidá del cantar y la fuercia de la so actuación en directu. Ente los sos oxetivos ta causar la mesma impresión n’Asturies, nesta edición del festival Liet International, au lleguen depués de que’l comité de selección escoyera como finalista’l mesmu tema que-yos diera’l trunfu en Plattsounds. Dende esa victoria, The Voodoolectric grabaron el so primer EP y dieron una xira de conciertos per tol norte d’Alemaña. El baxu saxón ye una llingua emparentada col alemán y lholandés faláu por unos cinco millones de persones en zones destos dos estaos. Dende 1994 ta reconocida pola Xunión Europea y ta considerada en peligru. Ye cooficial nocho estaos dAlemaña. Esta ye la torna al asturianu del tema: ADICCIÓN DULCE Lletra: Björn Brinkmann Música: Keno Roy y Jannes Ihnen Cobertura d’ablana, crema de chocolate, la tarta de manzana faime glayar (faime glayar, faime glayar) la tarta de manzana faime glayar Chorus: Sé, sabes, toos sabemos que tu lo sabes. Saltando al traviés del Milky Way, el mio Kitty Kat namás quier xugar, ta tan lloñe d’un Lion (tan lloñe d’un Lion) -Chorus- Posa pal café, filete de mediudía, pastel de pela tarde, la to cama nun pue esperar, la to cabeza ta rellena d’errores agrios (cabeza rellena d’errores agrios) -Chorus- 22 de payares, 2012 0 FacebookTwitterPinterestEmail
Música Asturnews da a conocer a los sos llectores a los artistes y los temes que participen nel Liet International 2012 by asturnet 21 de payares, 2012 A diez díes pa la celebración nAsturies del Liet International, el conocíu como Eurovisión de les llingües minorizaes, Asturnews entama un percorríu diariu pa conocer los temes que van participar nesti festival questi añu llega a Asturies. Ye la primer vegada nos diez años del festival en questi va celebrase na Península. Pa entamar con esti percorríu falamos del grupu Yldau, formáu poles voces de Yldau Bijlsma y Yldau Hoekstra. Dambes son les autores de la lletra y tuvieron la idea de participar nel certame Liet 2012 de la canción en lligua frisona. Una y bona escribieron la lletra del cantar, pidieron a Jan Hoekstra hermanu d’una d’elles que les ayudara a componer la música. Dempués d’una selmana de trabayu, el resultáu dexólos contentos y apuntáronse al concursu. Cuando-yos llegó la confirmación de que diben tocar na final, llamaron a Jan Hoekstra (coros y guitarra), Marije Hoekstra (batería), Paul van Dijk (pianu), Richard Riemersma (guitarra) y Abel van der Laan (baxu) pa convertise na banda Yldau. «Fjoer (Fueu)», aquel cantar ñacíu de la voluntá de les dos Yldau, llevó al grupu a ganar el concursu y llograr, con ello, el pase a la final del festival Liet International Asturies 2012. La llingua frisona, dacuando considerada una familia de llingües, fálase na rexón de Frisia, asitiáu ente los Países Baxos y Alemaña, cunta con ente 450.000 y 730.000 falantes y ye una llingua de base xermánica. Ye oficila na provincia holandese de Frisía y ta regulada pola Fundación Frisona. Esta ye la torna al asturianu del tema: FUEU Lletra: Yldau Bijlsma y Yldau Hoekstra. Música: Jan Hoekstrav Nunca toi solu, siempre hai dalguién conmigo Compartiendo con toos, rellumando nel mio sitiu Pingarates atraviésenme Enllenes de tristura Nunca l’aire al costazu Nunca traté cola carretera per delantre Llévame pel camín enquivocáu L’aire, llévame lloñe Sienti la calor alredor Nun dexes que l’agua y l’arie ganen la llucha Quema les esmoliciones, y sigui la lluz El fueu va arder siempre Nunca una cayida llibre La tierra arispio baxo los pies Nun me dexes cayer La tierra ta frañendo ¿Nun lo sientes temblar? Suaña namás con tolo que ye posible Dexa que te lleve la corriente Déxate plasmar Déxate cayer dende’l cantu Sienti la calor alredor Nun dexes que l’agua y l’arie ganen la llucha Quema les esmoliciones, y sigui la lluz Sienti la calor alredor Nun dexes que l’agua y l’aire ganen la llucha Quema les esmoliciones, y sigui la lluz Sienti la calor alredor Nun dexes que l’agua y l’aire ganen la llucha Quema les esmoliciones, y sigui la lluz El fueu va arder siempre 21 de payares, 2012 0 FacebookTwitterPinterestEmail
Música El Liet international llega va trayer a Xixón la música en llingües minorizaes de toa Europa by asturnet 15 de payares, 2012 La Conseyería d’Educación, Cultura y Deporte, al traviés de la Dirección Xeneral de Política Llingüística, entama’l Festival Liet International 2012, un eventu musical internacional nel que compiten once grupos que canten na llingua de la minoría llingüística europea a la que pertenecen y que llega per primer vegada a Asturies y na Península na so décima edición. Esti festival, consideráu l’Eurovisión de les llingües minorizaes, va celebrase’l próximu 1 d’avientu, a les 21.30 hores, nel Teatru de la Llaboral, en Xixón. La entrada ye llibre hasta completar l’aforu previa retirada d’invitaciones en La Llaboral y nel Centru Niemeyer. Ta acabante estrenase una páxina web dedicada al eventu, onde se da información de los grupos participantes, amás d’otres cuestiones, n’asturianu, castellán ya inglés. Grupos participantes por países. Frisia. Yldau, Fjoer. Yldau Bijlsma (voz principal) y Yldau Hoekstra (voz principal) tuvieron la idea de participar nel certame Liet 2012 de la canción en lligua frisona. Una y bona escribieron la lletra del cantar, pidieron a Jan Hoekstra hermanu d’una d’elles que les ayudara a componer la música. Baxa Saxonia. The Voodooelectric, Slickermuul. The Voodoolectric fixeron historia al ganar, col cantar «Slickermuul», la primer edición de Plattsounds, el concursu de música pa cantares nuevos en baxu saxón, celebráu n’Oldemburgo nel 2011. Bretaña. Lleuwen, Ar Gouloù Bev. Lleuwen va representar a Bretaña y la llingua bretona nel festival Liet International Asturies 2012 col cantar «Ar Gouloù Bev». La cantante Lleuwen Steffan ye, amás, multillingüe d’una manera especial: nacida y criada nel norte de Gales, vive normalmente en Bretaña, onde aprendió a falar y cantar en bretón. Friul. Jo No Kognos, Mai mai. Los Jonokognos son una banda de folk rock en llingua friulana, caracterizada por sonoridaes rítmiques dacuando melódiques. Les sos lletres tratan d’amistá, marxinación, amor y odiu. El grupu, compuestu por Luca D’Angela (voz y guitarra), Simone Mariotti (guitarra), Mauro Pontisso (baxu), Luca Morassutti (percusión) y Stefano Locatelli (batería), forma parte del sellu independiente Musiche Furlane Fuarte. Udmurtia. Ivan Belosludtsev & 4cp, Tau Teeneed Ivan Belosludtsev empezó a componer na so llingua, l’udmurtu, al entrar na universidá. Un grupu de promoción descubriólu y púnxolu al frente d’una banda de músicos profesionales. Ellos arropen les lletres y música d’Ivan: moza, independiente, actual, al empar qu’auténtica y cosmopolita. Sápmi. Inger Karoline Gaup, Oainnát go? Inger Karoline Gaup ye una cantautora de 17 años, procedente de Masi in Inner Finnmark, una aldea sami asitiada en Noruega. Nel 2011 participó pela primer vez nel certame anual Sámi Grand Prix (SGP) que se celebra pela Pascua en Kautokeino (Noruega), onde quedó nel segundu puestu gracies al cantar d’amor «Don dat leat (Yes tu)». País Vascu. Enkore, Muxurik Muxu. Enkore ye una banda de rock moza, creada nel 2009 nel barriu bilbaín de Rekalde. Hasta la fecha, sacaron dos EPs (Multiplo Komunetako Txikiena y Zatitzaile Komunetako Handiena) y un single (Zer Garen). Córcega. Dopu Cena, Trasmetta. Dopu Cena ye un colectivu de músicos multi-instrumentistes que tienen como oxetivu principal revalorizar toles espresiones musicales de la tradición oral corsa. L’Alguer. C. Crabuzza y C. G. Sanna, Ara. Claudia Crabuzza ye una cantautora de LAlguer (Sicilia), voz y líder del grupu Chichimeca, col que publicó los discos Barbari y Luce-Nur. Pela so parte, el tamién alguerés Claudio Gabriel Sanna ye fundador y líder del grupu Càlic. Escocia. Brian Ó hEadhra, Fathainn. Brian Ó hEadhra ye ún de los músicos escoceses más asentaos y conocíos. Vive n’Inverness, nes Tierres Altes d’Escocia, y actúa normalmente col cuartetu gaélicu Cruinn, amás de con Bruce MacGregor (violín) y Sandy Brechin (acordión) nel tríu MacGregor, Brechan & Ó hEadhra. Asturies. Asturiana Mining Company, Si nun conoces Val.louta Michael Lee Wolfe funda Asturiana Mining Company nel añu 1998 con músicos mui conocíos de la escena folk, rock y jazz n’Asturies. La formación graba nel añu 2000 el primer discu, col títulu Patrimoniu. Páxina web del festival 15 de payares, 2012 0 FacebookTwitterPinterestEmail
Música Xixón celebra los quintos Alcuentros cola cultura tradicional by asturnet 9 de payares, 2012 El Vieyu Institutu de Xixón acueye esti sábadu 10 de payares los quintos Alcuentros cola cultura tradicional, organizaos pol Conceyu de Cultura Tradicional Vezos Astures, una asociación que tien como oxetivu recoyer estudiar y espublizar el conxuntu de tradiciones asturianes, especialmente los aspeutos rellacionaos cola música, el baille y los elementos etnográficos que lleven arreyaos. Vezos Ástures enfótase na perimportante xera de divulgar la tradición y pa ello entama per quintu añu consecutivu Los Alcuentros cola cultura tradicional, dientro de los que van impartise unes conferencies sobre folclor nes que se va cuntar con estudiosos d’otres Comunidaes Autónomes. Amás de les conferencies, que se van celebrar nel Vieyu Institutu, van impartise pela tarde nel Colexu Xovellanos talleres de baille con acompañamientu musical en directu y va entamase un baille con espicha nel llagar Herminio y conciertu del Tríu Santos, Caleya y Varela. Porgrama completu dactividaes 9 de payares, 2012 0 FacebookTwitterPinterestEmail
Música Gascona organizal «I Concursu de Coriquinos y Canción Asturiana, homenaxe a Luis Estrada» by asturnet 7 de payares, 2012 Del 15 de payares de 2012 al 30 de mayu del añu que vien, tolos xueves, nes sidreríes de Gascona, entama un concursu coles primeres voces d’Asturies como protagonistes, nel que van participar 12 coriquinos d’ente 8 y 12 componentes y 24 intérpretes de canción asturiana, tanto na categoría femenina como na masculina. Tolos xueves, toles sidreríes van acoyer el concursu con un coru y dos cantadores de tonada cauna. Amás, un xuráu d’espertos y ún xuráu popular van valorar, n’evaluación continua, a los competidores. Pa participar nesti certame pues solicitar les bases en info@sidreriasgascona.com o entrar nel nuestru perfil de facebook de la Calle Gascona. 7 de payares, 2012 0 FacebookTwitterPinterestEmail
Música La Seronda dAvilés presenta un trabayu de Llorián García sobre gaiteres y pandereteros by asturnet 6 de payares, 2012 Esti martes 6 de payares a les 19:30 hores, la Seronda dAvilés va celebrar la presentación del trabayu dinvestigación Gaiteres y pandereteros, xéneru, tresxéneru y poder na música tradicional asturiana, de Llorián García Flórez. Sedrá nel salón dactos del Palaciu de Valdecarzana. La investigación, que ta firmada pol musicólogu asturianu Llorián García Flórez y dirixida pol profesor detnomusicoloxía José Antonio Gómez Rodríguez, ye la primera desta triba de les feches al rodiu la música tradicional asturiana. Dedicada al analís de dellos roles de xéneru invertíos (la gaita como instrumentu dhomes tocáu por muyeres y la pandereta como instrumentu de muyeres tocáu por homes), la temática desta tesina abre una llínia dinvestigación pionera y novedosa pal conxuntu los estudios sobre xénerú y músiques tradicionales producíos nel estáu español. 6 de payares, 2012 0 FacebookTwitterPinterestEmail
Música NOchobre toca esti llunes en Xixón by asturnet 29 d'ochobre, 2012 Esti 29 dochobre, va celebrase un conciertu del grupu N’Ochebre en Xixón, una actuación enmarcada dientro de los ‘Alcuentros de les Músiques Asturianes’. Sedrá a les 19 hores nel Centru Municipal Integráu Pumarín-Xixón Sur, con entrada llibre. 29 d'ochobre, 2012 0 FacebookTwitterPinterestEmail
Música El coru León de Oro de Lluanco va actuar na Ilesia de La Llaboral by asturnet 26 d'ochobre, 2012 El proyectu coral d’El León de Oro (LDO), orixinariu de Lluanco, ye toa una realidá que nes sos 15 años de trayectoria algamó un gran prestixu tantu dientro como fora del estáu. Esti conciertu, que va celebrasel 28 dochobre a les seite la tarde por 10 euros dentrada, presenta xuntes a les trés formaciones que componen el proyectu: el coru d’adultos, el coru xuvenil y el coru infantil, toos ellos galardonaos en múltiples ocasiones y empobinaos por Marco Antonio García de Paz y Elena Rosso. Amás, la gala va cuntar cola participación del maestru Peter Phillips, el prestixosu fundador y director de The Tallis Scholars, que va dirixir parte del programa. L’eventu va sirvir tamién como presentación del DVD grabáu en directu na Catedral d’Uviéu esti mesmu añu embaxo la dirección del escepcional músicu británicu. 26 d'ochobre, 2012 0 FacebookTwitterPinterestEmail
Música David Bustamante llega cola so xira al Teatru de La Llaboral by asturnet 26 d'ochobre, 2012 Bustamante presenta Mio, el so séptimu trabayu discográficu, nuna xira pelos principales teatros del estáu. Un directu d’altu voltaxe que combina los momentos más íntimos de la so carrera, demostrando que ye unu de los grandes baladistes del panorama musical, y los más desenfrenaos, un xéneru nel que l’artista confirma que tamién sabe reinar con solvencia oldeada, espliquen dende la organización del conciertu. Sedrá esti sábadu, 27 dochobre, a les 20:30 hores. Les entraes van dende los 25 euros del anfiteatru hasta los 120 de la entrada VIP, quinclúin accesu preferente, alcuentru con David Bustamante, accesu a les pruebes de soníu y pack de merchandising del Tour Mio 2012. 26 d'ochobre, 2012 0 FacebookTwitterPinterestEmail
Música El grupu asturgallegu Os Folkgazáis presenta Haiga en Ribadeo by asturnet 26 d'ochobre, 2012 El grupu musical Conxunto Os Folkgazáis formáu por músicos del occidente asturianu y la mariña de Llugo, presenta oficialmente’l so nuevu discu Haiga el vienres 26 d’Ochobre a les 21:30 hores nel Cine Teatru de Ribadeo. Haiga ye’l segundu discu del grupu (dempués del so primer discu Cama de Folkga) onde s’enfusen más que nunca na so autoetiqueta musical denominada Pachanga folk. Música de baille de los años 50 y 60 del sieglu pasáu con lletres en gallego-asturianu. Tán presentes nesti discu estilos como la cumbia, habanera, fox-trop, bossanova, swing, pasudoble, etc. Cola novedá de la inclusión del primera narcocorrido en gallego-asturianu col títulu de Na raia, y onde collaboren espertos del xéneru como l’acordionista de norteñu Mario Rodríguez y el guitarrista cubanu Waldemar Guerra. Esti discu foi grabáu y producíu por Miguel Herrero nos estudios Acme d’Avilés y masterizado en Green Desert Mastering por Kike Sanchís. Discu nuevamente autoproducíu y nesti casu diseñáu y dobláu pola empresa afincada en Cuenca Objetivo 7, (empresa audiovisual dAlejandro Pacios, dA Veiga). Páxina web del grupu 26 d'ochobre, 2012 0 FacebookTwitterPinterestEmail