Mundu

Un asturianu que tuvo n’Escocia los díes del referéndum va cuntar la so esperiencia nuna xornada entamada por La Llegra. El pasáu 19 de septiembre Escocia decidió democráticamente “Sí” o “Non” a la so independencia. Más allá del resultáu, los díes previos y posteriores fueron un fervideru nos principales puntos del país. El periodista xixonés Xicu Ariza viaxó hasta Escocia pa conocer el procesu de cerca y esti vienres 3 d’ochobre va cuntar la so esperiencia nel Centru Social La Llume de Xixón.

A partir de les 19.30 van proyectase semeyes y videos, van esponese materiales de les distintes campañes del referéndum y va dase testimoniu d’esta xornada histórica nun ambiente informal. A la charra-alderique va sigui-y una pequeña folixa a les 21.00 amenizada por música folk, rock-folk y punk-folk. Amás podrá esfrutase de sidra L’Allume, Cerveza Caleya y güisqui escocés a precios populares.

L’actividá ta entamada por La Llegra, espaciu uvieín de la esquierda soberanista asturiana, en collaboración col Centru Social La Llume. Una xornada cola que tamién se busca estrechar la collaboración ente estos dos espacios sociales.

Bienestar va dar una ayuda urxente a Palestina, como solicitaba Izquierda Xunida y vieno acabante d’aprobar nel Conseyu de Gobiernu d’esti xueves esa ayuda que va consistir nuna dotación d’alimentos y artículos de primera necesidá pa la franxa de Gaza.

La Conseyera de Bienestar Social respuende al pidimientu d’una ayuda d’emerxencia pal pueblu palestín solicitada pol grupu parlamentariu d’IX na Xunta Xeneral y unviáu esti llunes. El Conseyu de Gobiernu aprobaba esta mañana una ayuda que va consistir nuna dotación d’alimentos y artículos de primera necesidá pa la franxa de Gaza.

El Gobiernu británicu , dempués de reconocer l’escocés , el galés y l’irlandés, vieno acabante reconocer tamién la cuarta minoría céltica reconocida oficialmente en parte del so territoriu: la de Cornualles, depués de tres intentos anteriores. Por cuenta de la falta de conocencia d’esta minoría d’orixe celta, el términu “cornish” que s’usa pa faer referencia a Cornualles , un condáu de cerca de 500.000 habitantes qu’ocupa’l final de la estrecha península suroccidental de Gran Bretaña , que la so ciudá capital ye Truro, apenes s’escuchara hasta agora n’España.

Dempués de 15 años de llucha, siempres del tou pacífica, la pequena comunidá que finalmente cumplió’l so suañu de que la so diversidá llingüístico y cultural sían reconocíos so la Convención Marco pa la Protección de les Minoríes Nacionales del Reinu Uníu.

Esti importante llogru foi posible gracies a los esfuerzos de munches organizaciones, incluyendo l’Asociación de Solidaridá de Cornualles y el partíu autonomista Mebyon Kernow .

La sentencia ye la culminación d’una llarga llucha pola afirmación d’una identidá distinta de Cornualles que tien 84.000 habitantes nel Censu de 2011. Mientres el mesmu añu, amás , el 41 per cientu de los alumnos de Cornualles describióse como “Cornish”nuna encuesta escolar , que dos años antes diera la resultancia de 34 per ciento.

Y el llinguaxe de Cornualles , qu’hasta 2010 fuera clasificáu pola UNESCO como extintu, ta esperimentando una recuperación notable y anguaño son 557 persones les que lu declaren como’l so idioma principal .

Los principales oxetivos de la Convención Marco , que foi ratificada per primer vegada hai 15 años, ye garantizar que los derechos de les minoríes nacionales sían respetaos,la llucha contra la discriminación, promover la igualdá y la preservación y el desenvolvimientu de la cultura y la identidá de les minoríes nacionales. Produxérense tres intentos hasta ágora pa incluyir a Cornualles nel Conveniu que nun tuvieren ésitu, la postrera en 2011 .

Según les autoridaes , la inclusión nel Conveniu va contribuyir a reconocer el calter distintivu del Cornish y ameyorar la reputación del Reinu Uníu como un país que sofita y protexe la diversidá de los sos ciudadanos; promover los intereses económicos non yá en Cornwall , sinón nel Reinu Uníu nel so conxuntu;fortalecer l’enfotu de los mozos de Cornwall animándo-yos a identificase cola so identidá cultural; y fortalecer la marca Cornwall” y apurrir un mecanismu que dexe a les comunidaes de Cornualles establecer y reforzar los llazos con otros grupos de la mesma condición similares n’Europa y nel mundo.

Esta cabera selmana del mes de Mayu Pitayu vien cargá d’actividaes per interesantes, que entamen güei cola habitual proyeción de cine, que nesti casu va a ser “Bestias del sur salvaje”. A partir del Xueves La Semiente va llenase de conteníu con dos charres de temátiques estremaes.

El mismu Xueves a partir de les 20:00hores va tar nel centru social Alberto Alvarez Peña falandonos de tradición oral y mitoloxía n’Asturies. Alberto ye dibuxante, escritor y etnógrafu. Autor de llibros como “Asturies Máxica, un viaxe illustrau pela mitoloxía asturiana” o “Simboloxía máxico tradicional”, apurrió illustraciones en obres como el “Libro de la gaita” y ye un de los creadores del Salón del Comic de Xixón.

Pal Vienres la temática cultural, dexa-y pasu a lo social, y nesti casu con unos invitaos que vienen dende Burgos. A partir de les 19hores van tar con nos Fernando, Marcos, Aida y Angel, que son miembros de la Asamblea del barriu obreru burgalés de Gamonal, onde va unos meses les protestes vecinales escontra’l Bulevar que allí se taba contruyendo resonaron en tol Estau Español y acabaron llogrando la parallización total de les obres.

Además lleguen con un poemariu baxo’l brazu nomau “¿Por qué gritamos?”, del que nos van lleer dalgunos cachinos. Pa finar y confraternizar un poco habrá un pincheu(haber si rascamos daqué pa financiar el viaxe d’esta dente).

El Centru Social Autoxestionau La Semiente ta na calle Eladio GJove Nº6 de L’Entregu y ta abiertu a tola xente los Miercoles y Xueves a partir de les 17:30. Les asamblees, que tamién son abiertes son los Llunes a les 20 y toles actividaes son de baldre.”

El serviciu de normalización llingüística de la Comarca de la Sidra, en collaboración col conceyu de villaviciosa, entama pa esti próximu miércoles 30 d’abril, a les 19:00, nel teatru Riera de Villaviciosa la proyección de la película Bernabé, dirixida pol xoven director ribesellán Pablo Casanueva y protagonizada por Fernando Martínez.

El filme, que ye’l primer llargometraxe rodáu dafechu n’asturianu, xira al rodiu de la historia de la historia del míticu bandoleru llaniscu Bernabé Ruenes, que, pa evitar una condena por un incidente sucedíu mientres el so serviciu militar, tuvo qu’echase al monte en 1946, lo que dio entamu a les sos munches peripecies pela zona oriental asturiana, que tovía tan na memoria de los más mayores y nes que se xunta, davezu, la lleenda cola propia realidá de los fechos.

Na proyección cuntaráse cola presencia del director y l’actor protagonista, qu’esplicarán el procesu creativu de la cinta y participarán nun alderique col públicu depués de visionáu del filme.

Coincidiendo col Día del Llibru y la Selmana de les Lletres Asturianes, a lo llargo de los próximos trenta díes, facese sociu d’Iniciativa pol Asturianu tien premiu. Dende 20 euros al añu puedes llevate un llote de revistes Formientu valoráu en 45 euros. Pero amás, nesta Asociación quieren enllenar los institutos d’Asturies de lliteratura na nuesa llingua, cada nuevu sociu podrá decidir a qué centru unvíens otru llote completu de la revista Formientu.

Puedes facete sociu na so páxina en menos de 2 minutos y pondrémonos en contactu contigo pa que-yos digas a qué centru quies mandar el llote de revistes. Y si yá yes sociu, pues lleva-yos un amigu (pue indicar que vien de to parte en contautuarrobainiciativapolasturianu.org) y regálente a ti tamién un llote de la revista Formientu valoráu en 45 euros.

Web cola campaña d’iniciativa pol Asturianu

La Federación de Sindicatos de Periodistes (FeSP) encamentó esti día al Ministeriu d’Interior pa abrir una investigación “poles agresiones que sufrieron siquier seis fotógrafos” per parte de dellos policías antidisturbios el sábadu 29 de marzu en Madrid, mientres realizaben el so trabayu informativu nuna protesta ensin autorizar convocada col lema ‘Jaque al Rei’.

Según el coleutivu periodísticu, nos vídeos espublizaos por dellos medios de comunicación pue vese que dellos axentes de la Unidá d’Intervención Policial (UPI) emburriaron a dellos fotógrafos y, amás, nun-yos dexaron ayudar a otru fotógrafu que cayó y permanecía baltáu nel suelu.

El Gobiernu francés aprobó nel Parlamentu esti día la propuesta d’aplicar el mesmu IVA (2,1%) a les ediciones de diarios, indistintamente de que sían en papel o dixitales, lo que ya s’adelantare en xineru y que supón una revolución nel mapa de la comunicación européu. Hasta agora, al igual qu’asocede n’España, los editores pagaben más IVA poles sos ediciones dixitales.

En concretu, los medios online galos abonaben un 20% en conceutu de IVA frente al 2,1% de los diarios impresos. Nel casu español, les ediciones en papel se gravan con un IVA súper amenorgáu del 4%, frente al tipu del 21% vixente pa los medios dixitales.

En faciéndose pública esta decisión hai un mes, l’Asociación Europea d’Editores de Diarios (ENPA, poles sos sigles n’inglés) y l’Asociación Europea de Revistes (EMMA) ya aplaudieren la midida. Les 33 asociaciones que formen parte de ENMA y ENPA, incluyíos el editores españoles, sofitaron la iniciativa nun comunicáu conxuntu y fixeron un llamamientu a los sos propios gobiernos por qu’avancen “ensin demoranza” na mesma llínea.

Unión, Progreso y Democracia (UPyD) espresó la so esmolición poles espulsiones de ciudadanos españoles en Bélxica nos últimos mese,s supuestamente por suponer “una carga” pal sistema belga y vieno acabante de presentar una entriga al gobiernu pa saber qué piensa al respective.

La vocera d’UPyD na Comisión d’Asuntos Esteriores, Irene Lozano, rexistró unes entrugues escrites al Executivu nel Congresu nes que recuerda que, según los datos de la Oficina d’Extranxería de Bélxica, l’añu pasáu los ciudadanos de nacionalidá española fueron los terceros nel ranking d’espulsiones de dichu país.

En Bélxica hai históricamente una importante colonia asturiana que nun dexó de xorrecer nestos caberos años cola mocedá que diba a la gueta trabayu fora del país dende los tiempos ya de Tini Areces y la so consideranza de “llenda urbana” pa cola mocedá emigrante del nuevu sieglu.

Los ministros d’Asuntos Esteriores de la Unión Europea aprobaron esti llunes les condiciones pa negociar cola Cuba de los Castro un alcuerdu sobre diálogu políticu y cooperación que dexe normalizar les rellaciones y “afalar” reformes democrátiques y modernización na isla, lo que tien abonda importancia pa comunidaes como l’asturiana con fondu raigañu na islla.

La decisión secundáronla ensin discutiniu los xefes de les diplomacies europees, dempués de que les directrices d’esti mandatu negociador foren perfilaes demientres dellos meses y tres de superar les reserves de países como Alemaña y Suecia.