ConvocatoriesFiestes Sigue abiertul plazu dinscripción nel II Concursu de Baille Asturianu por pareyes de Xixón by asturnet 6 de xunu, 2007 Redacción. L’Ayuntamientu de Xixón caltien abiertu’l plazu p’apuntase al II Concursu de Baille por Pareyes, que va celebrase ente los díes 24 y 26 d’agostu na Plaza Mayor de la Villa de Xovellanos. El plazu va tar abiertu hasta’l 13 de xunetu pa toles pareyes de baille que quieran apuntase. Les bases del concursu afiten que cada categoría del concursu tien una pieza obligatoria. El xiringüelu na categoría infantil, La xota asturiana pa la xuvenil y una muñeira de llibre eleición pa los adultos. Amás recuerda que los participantes tienen de llevar el traxe tradicional asturianu. Los premios son tres por cada categoria. Nel infantil va de los 100 a los 400 euros, nel xuvenil el primer premiu llega a los 500 euros, suma que na categoría d’adultos llega a los 900 euros. P’apuntase ha llevase una ficha colos datos personales y una fotocopia del DNI al Departamentu de Festeyos del Teatru Xovellanos de Xixón, na cai Cabrales 86. 6 de xunu, 2007 0 FacebookTwitterPinterestEmail
ConvocatoriesFiestes La fin de selmana llega enllena de cine y música a Asturies by asturnet 1 de xunu, 2007 Redacción. Esta primer fin de selmana del mes de xunu llega enllena d’actividaes d’ociu. El vienres la FNAC de Parque Principáu va celebrar un conciertu del grupu ‘No apto’ a les 18:30 hores. Nel mesmu van presentar el so discu nuevu ‘Voces’. Esi mesmu día, na Llibrería La Central va tocar el ‘Dúu Mestura’, qu’a primeros d’esti mesmu añu punxo na cai’l so primer trabayu discográficu ‘Agua del norte’.El conciertu, de baldre, va ser a les 19:30 hores y van presentar los temes del so discu, que tán n’asturianu, n’eonaviegu y en castellán y utilicen basicamente la guitarra y les voces del dúu. El sábadu nel Centru Muncipal Xixón-Sur y dientro de la habitual programación de cine, va pasase la película ‘Le petit lieutenant’. La película pertenez a ún de los más esllumantes y cercanos exemplos de ‘polar’, como se conoz al xeneru negru frances. Esti actu organízase en collaboración cola Alianza Francesa. La película, dirixida por Xavier Beauvois en 2005 cunta la hestoria d’Antoine, recien salíu de l’Academia de Policía que llega a París pa integrase na 2ª división de Policía Xudicial. Caroline Vaudieu, de vuelta al serviciu dempues de salir del alcoholismu, escueye al xoven teniente pa formar parte del so equipu nuna unidá d’elite, “La Criminal”. Amás el vienres en Xixón, nel Centru Cultural Caxastur ‘Colexata San Xuan Bautista’, el grupu ‘Provisional Danza’ va amosar l’espectáculu ‘40 tipos de vodka’. N’Uvieu, nel Centru Cultural Caxastur San Franciscu 4 va reprentase’l sábadu la obra ‘Para cuándo son las relaciones diplomáticas’ de Teatro Norte. 1 de xunu, 2007 0 FacebookTwitterPinterestEmail
Fiestes El Martes de Campu enllenal Parque San Franciscu nuna xornada de bon tiempu nUviéu by asturnet 30 de mayu, 2007 Redacción. Miles de carbayones celebraron ayeri la fiesta del ‘Martes de Campu’ nel Parque San Franciscu d’Uvieu y n’otres zones verdes del conceyu pa dar bona cuenta del tradicional bollu preñáu y del vinu. Anque la xornada amenzaba con, polo menos orbayu, el tiempu respetó la celebración uviedina d’esti añu. La Sociedá Proteutora de la Cofradía de La Balesquida ye la organizadora d’esti eventu na capital d’Asturies. Esta sociedá repartió ayeri bollos preñaos y botella de vinu ente los más de 7.000 afiliaos que tien y ente los 1.000 cofrades que formen parte d’esta organización. Nel actu participaron dellos grupos folclóricos y bandes de gaites. La xornada entamó cola tradicional misa na capiella de La Balesquida y darreu entamaron los pasucáis dende la Plaza la Catedral al Parque de San Franciscu. La fiesta tien el so orixe na participación na procesión de la Virxe de la Esperanza, qu’organiza la cofradía más vieya de tol estáu, yá qu’esiste dende 1232, cuando una vecina d’Uvieu, Balesquida Xiraldez fizo una bayurosa donación de bienes y ropa la cofradía de xastres. Un abellugu pa probes tomó’l so nome. Nel añu 1930 creóse la Sociedá Proteutora d’esta celebración pa que siguiere la celebración nel tiempu y anguaño la fiesta ta dafechu enxertada nes cites culturales y relixoses de la capital d’Asturies. 30 de mayu, 2007 0 FacebookTwitterPinterestEmail
Fiestes Tolivia va celebrar el III Mercáu Tradicional Asturianu esta fin de selmana by asturnet 29 de mayu, 2007 Redacción. Esti sábadu 2 de xunu a les 16.00 hores va ser l’entamu de los actos col recorríu oficial de l’Alcalde y del Teniente Alcalde de Llaviana acompañaos pola gaita y el tambor. Ente les 16.00 y les 18.00 hores va haber paseos gratis n’asturcón pa les neñes y los neños del conceyu y a les cinco la tarde una mesa redonda dientro de los II Alcuentros na Caleya, titualada ‘Polemica al rodiu del embalse de Caliáu’. A les seis de la tarde ‘Teatru pel pueblu’, el grupu ‘Teatro Sintexto’ va representar les obres ‘Ablaneres nel mercáu’ y ‘Declaración con sorpresa’. A les 18.00 hores una amuesa de deportes y xuegos rurales pa rapacines y rapacinos. Y a les ocho la tarde más teatru pela caleya, escenes con ‘Tomasa y Panchín’. La xornada va echar el pieslle a les 21.30 hores nel Cascayu, coles actuaciones d’Hector Braga y Los Ciquitrinos. El domingu 3 de xunu a les doce la mañana entama’l día con un pasucáis de gaita y tambor pel pueblu. De 12.30 a 14.00 más paseos gratis n’asturcón pa la guah.ería y a les doce y media la mañana una representación teatral. Darreu, a la una, va celebrase una nueva mesa redonda de los II Alcuentros na Caleya, embaxo’l títulu de ‘Repercusiones de los espacios protexíos nel desenrrollu rural”. Al meudía escenes de teatru de ‘Tomasa y Pachín’ y pela tarde más paseos n’asturcón y a les seis el ‘Festival d’Asturianía’ na llana La Peruyera, a cargu de l’Asociación de la Canción y el Folclore del Valle del Nalón, coles actuaciones de un monologuista, un gaiteru y dellos cantantes. El día va rematase con baille tradicional asturianu en Cascayu a les seis y media y l’actuación de una bandina tradicional nel Llagar de La Pipa hacia les nueve la nueche. 29 de mayu, 2007 0 FacebookTwitterPinterestEmail
ConvocatoriesFiestes La Universidá organiza un cursu qu’ufierta de baldre dir al Festival de Lorient con abellugu y gastos pagos by asturnet 27 de mayu, 2007 La Universidá d’Uviéu organiza, dientru la so programación de verano, un cursu qu’ufierta de baldre siguir el Festival de Lorient con abellugu y gastos pagos, faciendo práctiques periodístiques nel Festival Bretón y nel Festival d’Avilés. “Periodismo cultural e información local: La crónica cultural” ye’l títulu d’una experiencia na que s’inclúin les práctiques nel Festival bretón n’agostu depués de desendolcase n’Avilés del 23 al 28 de xunetu. Pa inscribise nel cursu ye requerimientu tener conocimientos d’inglés o de francés, pero por 317 euros de matrícula inclúi una selmana de cursu n’Avilés, coincidiendo col Festival Intercélticu avilesín, y 10 díes en Lorient, colos gastos pagos, coincidiendo col Festival Intercélticu que dirixe l’asturianu Lisardo Lombardía, anñas del tresporte hasta la ciudá bretona. Los dos Festivales son l’abellugu de les práctiques de crónica periodística cultural del cursu nuna experiencia pionera na Universidá d’Uviéu ya inclusu n’España de cursu de calter internacional. El cursu amás ye homologable por 4,5 créditos de llibre configuración nos expedientes d’enseñances reglaes y por 3 créditos de Formación Permanente al Profesoráu Non Universitariu del Principáu d’Asturies n’activo. Información del cursu na web d’Uniovi 27 de mayu, 2007 0 FacebookTwitterPinterestEmail
Fiestes La Plataforma Otres Feries son Posibles esixe un cambiu na política de festeyos de L.lena by asturnet 24 de mayu, 2007 Redacción. La ‘Plataforma otres feries son posibles’ de la que formen parte una riestra de los coleutivos culturales, de mocedá, y musicales más representativos del conceyu de L.lena emitía ayeri un comunicáu denunciando la política pa coles Feries del conceyu del gobiernu llocal. Nel comunicáu, l’agrupación denuncia “Sentímonos engañaos una vegada más y pescanciamos que la opinión pública tien que sabelo”. La Plataforma informa que yá falara col equipu municipal del alcalde socialista Hugo Morán pa “solicitá-y al alacalde abrir un diálogu colos colectivos llocales que integrábamos esta plataforma”. Al añu siguiente “pasáu un añu ensin qu’esi diálogu se diera, ensin qu’el alcalde nin siquiera accediera a sentinos y ensin que l’equipu de gobiernu socialista camudara la so forma de xestionar les fasteres de festeyos, cultura y mocedá”, la Plataforma manifestóse pacificamente pidiendo esi diálogu. Nesi momentu “l’alcalde promoetió públicamente al travies de los medios de comunicación abrir un diálogu colos colectivos que tamos dientro la Plataforma y dio anuncies de cambios en cuantes al diseñu del programa festivu, de manera que los colectivos pudieren aportar idegues”. Sicasí, la Plataforma denuncia que “entá a día de güei, nun nos convocó l’alcalde, qu’incumplió la so promesa de diálogu y tampoco hubo nengún cambiu nel mesmu”. La Plataforma quier aprovechar esti momentu de les eleiciones pa dar a conocer estos datos a la ciudadanía y qu’“en pasando les elleiciones del día 27 de mayu, seyan unos u otros, tean dispuestos a ser más dialogantes que Morán y los sos conceyales socialistes, y que se produza un cambiu nel modelu de xestión de manera qu’esta seya más participativa”. 24 de mayu, 2007 0 FacebookTwitterPinterestEmail
ConvocatoriesFiestes LAcademia de la Llingua Asturiana entregó los sos premios añales dinvestigación, lliteratura y cine by asturnet 24 de mayu, 2007 L’Academia de la Llingua entrego esti vienres los premios d’investigación y lliteratura que convoca cada añu. L’actu celebróse¡l vienres nel Hotel NH Principado a les doce del meudía. Y foi ellí onde se ficieron públicos los fallos de los distintos xuraos que l’Academia formó pa otorgar los premios, que n’ediciones pasaes ganaron escritores ya investigadores como Xose Nel Riesgo, Pablo Rodríguez Medina, Enrique Carballeira, Berta Piñán o Dolfo Camilo Díaz ente munchos otros. Los premios de l’ALLA foron na estaya de recoyida de material toponímico oral pa Inaciu Galán y Marta Carbajal pol so trabayu sobre la parroquia de La Collá (Siero), con accesits p’Andrea Duque ya Ignacio Santos, Carlos Suari y Xulio Llaneza polos trabayos sobre Santiagu d’Aces (Candamu) La Xungarosa, El Pozón y Villalegre (Avilés) y Tolivia (Llaviana). Quedó ermu’l de recoyida oral de léxicu asturianu, mientres que nel d’investigación llingüística’l premiu foi pa Pablo Suárez por un Diccionariu Politécnicu d’asturianu y hebo un accesit pa Xose Arsenio Coto por “L’asturianu, llingua del sieglu XXI”. Nel concursu d’investigación sobre lliteratura Ramiro González Delgado llevó los 600 euros del premiu por “la lliteratura grecollatina en llingua asturiana”, mientres que’l veteranu Miguel Solís Santos foi’l ganador nel certame de llectures pa rapazos con “Nosotros, los pexes”. Nel concursu de creación, l’entregúin Pablo Rodríguez Medina foi’l ganador cola obra “El Santu”. Per otru llau, l’ALLA convoca agora darréu de la entrega un concursu de ‘Recoyida de Material LliterariO Oral’ y el Premiu “Federico G.-Fierro Botas”, un concursu de recoyida de material lliterario escrito. En cuantes a los premios lliterarios, l’ALLA convoca tolos años los premios de ‘Llectures pa rapazos’, ún pa los neños de primaria y otru pa los de secundaria y bachiller. Amás convoca’l premiu de creación “Llorienzu Novo Mier” de novela, que l’añu pasáu ganó l’escritor Xose Nel Riesgo. Amás l’Academia va entregar el premiu de ‘Testos Teatrales’ y de ‘Curtios Cinematográficos’, los más nuevos. 24 de mayu, 2007 0 FacebookTwitterPinterestEmail
Fiestes Tolo dAsturies va enllenar Llangréu de cultura esta fin de selmana by asturnet 17 de mayu, 2007 Redacción. Los próximos díes 18, 19 y 20 de mayu, Llangreu acoyerá la ‘Muestra Cultural Tolo d’Asturies¡, esta feria allugaráse nel recintu de la estación d’autobuses de Llangreu. Tolo d’Asturies ye una feria que ñaz cola intención d’amosar diferentes realidaes representatives de la gran bayura cultural d’Asturies. L’Ayuntamientu de Llangreu y la Conseyería de Cultura, Comunicación Social y Turismu del Principáu d’Asturies patrocinen esta feria cultural ‘Tolo d’Asturies’ qu’organicen les asociaciones culturales “Reija” y “L’Enguedeyu”. La Muestra Cultural Tolo d’Asturies ye música, ye baille tradicional, son muestres didáctiques, ye gastronomía, ye artesanía, ye tamien animación de cai y ye muncho más que convida a la participación y disfrute de tola xente. Música pa tolos gustos (Tuenda, Xuacu Amieva, Anabel Santiago, Tejedor, Banda Gaites de Llangreu, Xentiquina, Los Llanzones, Hector Braga, El Che de Cabaños, Marisa Valle Roso, Fernando Valle Roso…), grupos de baille tracional, muestra didáctica d’indumentaria tradicional, muestra didáctica d’instrumentos, talleres d’artesanía, puestos de venta de productos gastronómicos y artesanos d’Asturies, animación de cai… Los organizadores de la feria, l’Agrupación d’etnografía y folclor Reija de Llangreu y el Coleutivu de baille y música tradicional L’Enguedeyu, van encargase d’animar les xornaes. Son estos dos grupos con gran tradición y de reconocíu prestixu que siempre busquen el caltenimientu y espardimientu del folclor y la etnografía popular en tolos sos aspeutos. D’esti mou nun solo representen los bailles y cantares tradicionales d’Asturies, sinón que tamien organicen charres, esposiciones y talleres de tradición, amás de cuntar con escueles de música y cultura tradicional. Los sos dos grupos de baille tradicional, amás d’otros grupos convidaos a esta feria, participarán n’animación de la Muestra Cultural Tolo d’Asturies nos tres díes nos qu’esta va desendolcase. Coles sos interpretaciones musicales siempre traten de presentar lo bailles y dances tradicionales d’un mou asemeyáu al que les xentes del pueblu representaben y representen nes romeríes y folixes populares. Programa: Vienres 18 mayu 22:00 hores Conciertu Tuenda + Xuacu Amieva Sábadu 19 mayu 12:00 hores Apertura Muestra Cultural TOLO D’ASTURIES 18:00 hores Xentiquina 19:00 hores Muestres didáctiques de vistimenta ya instrumentos tradicionales a cargu d’Armando Valdes y Hector Braga y cola collaboración de de les dos entidaes organizadores y de la escuela de musica tradicional de l’A.E.F. Reija. 22:00 hores Conciertu Anabel Santiago + Tejedor Tol día: Folixa y baille pa toes/os cola bandina Los Llanzones Animación colos grupos de baille y música tradicional L’Enguedeyu (Llangreu) y San Felix (Candás) Taller d’alfarería pan neñes y neños (L’Alfar de Faro-Uvieu), mañanes de 12 a 14.30 y tardes de 17 a 20 hores Domingu 20 mayu 13:00 hores Desfile Banda Gaites de Llangreu (Del Parque Vieyu La Felguera pa la Muestra Cultural TOLO D’ASTURIES na estación d’autobuses) 13:30 hores Toná (El Che de Cabaños, Marisa Valle Roso y Fernando Vallle Roso) 18:00 hores Animación pa neñes y neños, cuentacuentos con Carlos Alba “Cellero” (El mio Güelu y Yo) Tol día: Folixa y baille pa toes/os cola bandina Los Llanzones Animación colos grupos de baille y música tradicional Reija (Llangreu) y Trebeyu (Xixón) Taller d’alfarería pa neñes y neños (L’Alfar de Faro-Uvieu) 20:00 hores Clausura de la “I Muestra Cultural TOLO D’ASTURIES de LLANGRÉU” 17 de mayu, 2007 0 FacebookTwitterPinterestEmail
ConvocatoriesFiestes Formientu va presentase mañana en Mieres cola presencia de los autores by asturnet 17 de mayu, 2007 Redacción. Mañana vienres a les 19:00 hores nel Salón d’actos de la Casa la Cultura ‘Teodoro Cuesta’ de Mieres, l’asociación H.a Xareos, editora de la revista de lliteratura moza Formientu va presentar el segundu numberu de la revista, un especial de narrativa “colo meyor que dan de si les lletres más moces”. L’actu ye l’últimu de los programaos pa presentar esti númberu especial dientro de la XXVIII Selmana de les Lletres Astrurianes. Na presentación van participar los escritores Ismael González Arias y Humberto González como presentadores. La revista ñació l’añu pasáu “cola idea d’espublizar a los autores más mozos que taba dando de sí la lliteratura asturiana” y esti segundu númberu faise coincidiendo cola Selmana de les Lletres con un formatu especial. Cuasi 150 páxines onde apaecen cerca d’una ventena d’autores. La revista tien un prólogu institucional de Ramón d’Andres, otru del so direutor, Inaciu Galán y completase colos cuentos y biografíes de los autores y un álbum de fotos de presentaciones anteriores. Los autores qu’apaecen son: Ricardo Candás, Pablo Texón, Jose Ángel, Pablo Rodríguez Medina, Jorge Fernández García, Hector Perez Iglesias, Xabel Llano, Pablo Rodríguez Alonso, Elizabeth Felgueroso, Pablo X. Suárez, Iris Díaz, Diego Aldebarán, Xabel de Cea Gutierrez, Xaime Menendiz Llope, Sergio Gutierrez Camblor, Benxa Perez, Inaciu Galán y González, Nicolás V. Bardio y Mino Álvarez. 17 de mayu, 2007 0 FacebookTwitterPinterestEmail
ConvocatoriesFiestes Política Llingüística entama la II Xornada de Toponimia del Navia-Eo na Casa Cultura de Castropol by asturnet 16 de mayu, 2007 Redacción. La Oficina de Política Llingüística del Gobiernu d’Asturies y el Conceyu de Castropol entamen na Casa Cultura d’esti conceyu, la II Xornada de Toponimia del Navia-Eo cola idea “d’acercar a los propios vecinos les decicisiones sobre la oficialización de los topónimos d’esta fastera occidental d’Asturies”. Nel marcu d’esta Xornada, la Xunta Asesora de Toponimia d’Asturies va presentar un infome sobre’l nome qu’ha recibir la Ría del Eo, pal que se creo una ‘Comisión pral Estudio da Denominación da Ría’ formada por Mónica Loza López, Ramón Martínez Castro, Alfredo González y Víctor Manuel Díaz Díaz. El programa de los actos entama a les 17:30 del vienres cola presentación de la II Xornada y un alderique “Os nomes dos nosos sitos”, onde van participar delles autoridaes municipales y autonómiques. A les seis de la tarde va presentase la publicación ‘Actas das I Xornadas de Toponimia del Navia-Eo’, un llibru que recueye les intervenciones de los especialistes que l’añu pasáu participaron en La Caridá na primera Xornada. Finalmente, a les seis y media, presentase l’Informe sobre’l nome de la Ría del Eo. 16 de mayu, 2007 0 FacebookTwitterPinterestEmail