Fiestes

La Foz de Morcín ceebra esti domingu 24 de xineru el XXX Certame del Quesu d’Afuega’l Pitu, una celebración gastronómica bian afitada na zona central asturiana y qu’inclúi un concursu del qu’esi dóa a les 14 hores se ai una puya colos exemplares premiaos en cada variedá d’afuega’l pitu.

Nesti certame puen concursar ellaboradores residentes nos conceyos integraos na Denominación d’Orixe Protexida Afuega’l Pitu: Morcín, Riosa, Santu Adrianu, Gráu, Salas, Pravia, Tinéu, Balmonte, Cuideiru, Candamu, Les Regueres, Muros y Sotu’l Barcu

La Hermandá de La Probe, de Morcín, tien abiertu’l plazu de presentación de pieces pa participar nel XXX Certame del Quesu d’Afuega’l Pitu. Los quesos han entregase a la Hermandá de La Probe antes del 23 de xineru de 2010, en persona o llamando al teléfonu 985 795 461. El xuráu va xuntase pa prebar y xulgar les pieces el mesmu día 23 a partir de es 18hores.

Esti domingu 10 de xineru los personaxes tradicionales y Les Comedies van volver representase como tolos años na parroquia de Valdesoto, nel conceyu de Siero col aportar de Los Sidros y Les Comedies, manifestaciones del teatru tradicional que se celebren albentestate.

Lo Sidros tienen una fonda tradición, como los Guirrios en munchos llugares estremaos d’Asturies, y sedrán protagonistes a los llargo d’estes primeres selmanes del añu de pidiciones d’aguiñaldu y dellos otros vezos del iviernu.

L’Asociación xuvenil Mezá va desendolcar la segunda xornada y cabera del II Outono Cultural nel conceyu de Bual. Les actividaes van entamar a les seis de la tarde na Casa Cultura de la llocalidá cola conferencia de los espertos en cultura tradicional Xosé Antón Fernández “Ámbas” y Guillerme Ignacio Costa (Quempallou) titulada “A tradición oral en Asturias y Galiza: culturas ermás”. Les actividaes finarán a les ocho col conciertu del grupu folk local Mezá.

L’asociación “El Carbayu” entama nel Parque de la Paz de Llugones entama esti sábadu, a partir de les cinco la tarde, un amagüestu popular. Nel actu va celebrase una esposición sobre la ellaboración de la sidra, la I Muestra de Canción Asturiana, a partir de les siete y media, actuando a les 22:30 La Curuxa, con castañes amagostaes y sidra duce p’acompañar.

Esti sabadu 14 de payares, n’antigua Plaza d’Abastos de Noreña, Espor d’Asturies participará del amagüestu entamáu pola Escuela de Música y Danza Tradicional de Noreña.

A lo primero, dende les 19:30 hores, les/os neñes/os han de convencer a los sos pas p’averase al Condáu de Noreña, y asina poder esfrutar de dellos xuegos tradicionales.

A les 20:30, tendrá llugar la partida de liriu “Espor[a] (Campiones d’Asturies) Vs Resto’l mundiu”, agora ye’l turnu pa que les/os más mayorones/os entren en xuegu tratando de ganar al equipu uvieín, ganador del I Campionatu Asturianu de Liriu.

Pa finar, a les 21 :30, xugaráse’l I Abiertu de Liriu de Noreña, con inscripción llibre pa toles/os que quieran apuntase.

El xuegu, el baille, la gaita y la tonada, van ser la exa principal pa facer xirar esta tarde onde podrás participar de la cultura tradicional d’esti país.

Llanes al cubo, “la folixa del tardíu”, regresa esti vienres a la so cita de seronda con una prestosa propuesta festiva y cultural. La industria cultural asturiana sigue siendo la so base principal, pero, como cada añu, continua incorporando nuevos matices y señes d’identidá. Dientro del intensu programa d’actividaes, destaca na presente edición l’homenaxe al gaiteru llocal Ignacio Noriega, cola participación del gaiteru asturianu más internacional, Hevia.

L’actu va celebrase na xornada de güei, vienres, 30 d’ochobre. El momentu culminante d’esti actu llegará cola interpretación del Pericote de Llanes a cargu de Hevia, amigu y discípulu de Noriega, que fadrá danciar de forma masiva a decenes de triaes (2 muyeres y 1 home).

Amás d’Hevia, nel programa del Festival tán confirmaos Despistaos, Macaco, Dixebra, Oysterband, Xera, Mestura, Pablo Moro, Michael Lee Wolfe y Tush, ente otros.

Consulta la programación completa

Les ciudaes d’Uviéu, Xixón y Avilés celebren en xunto’l Gobiernu d’Asturies la primer “Nueche Blanca”, ún de les iniciativas programaes p’algamar la candidatura a la Capitalidá Europea de la Cultura en 2016.

Na mesma van ufrise conciertos nes trés ciudaes y van caltenese abiertos dellos museos a lo llargo de tola nuech. L’acitividá va tener llugar esti sábadu, 3 d’ochobre.

Consulta’l programa completu

La Conseyería de Cultura y Turismu del Principáu y los Conceyos d’Uviéu, Xixón y Avilés programen una “Nueche Blanca” enllena de conciertos musicales pal 3 d’ochobre venceyada a la candidatura a la Capitalidá Europea de la Cultura de 2016.

La Conseyera de Cultura y Turismu del Principáu, Mercedes Álvarez González, y los conceyales de Cultura de los Conceyos d’Uviéu, Xixón y Avilés, José Suárez Arias-Cachero, Justo Vilabrille y Román Antonio Álvarez, presentaron apcoyá la “Nueche Blanca” d’Uviéu, Xixón y Avilés, que se va desendolcar el sábadu 3 d’ochobre nel marcu de los actos previstos pa la Capitalidá Europea de la Cultura de 2016, a la qu’opten les trés ciudaes asturianes nuna candidatura conxunta. España y Polonia comparten capitalidá tala esi añu.

Les trés ciudaes van axuntar, nun total d’once escenarios, 24 actuaciones. El cartelu inclúi rock (McCoyson, Black Horde, Walls of Troya, One For Apocalypse, Doctor Explosión), música d’autor (Fran Gayo, Igor Paskual, Pablo Moro, Pablo Valdés, Xuliu Antidio), pop tradicional y de nueva espresión (Los Mancos, Elle Belga, La Jr, Burbujas y Seres Despreciables, The Paperbacks), hip hop (Arma X, Dj Pimp), metal (Avalanch, Sauze) y música de raíces clásiques y retorcíes (Lucas 15, Michael Lee Wolfe, Felpeyu, Xera, Montañas).

Los conciertos, a partir de les diez de la nueche, van repartise pel Muséu del Ferrocarril, la Ciudadela, l’Antiguu Institutu y les Termes nel casu de Xixón, la plaza de Trescorrales, el Palaciu de Toreno y el teatru de Pumarín, n’Uviéu, y la casa de la Cultura, la plaza de los Hermanos Orbón, la ilesia vieya de Sabugo y el Palaciu de Camposagrado, n’Avilés. La Nueche Blanca d’Uviéu, Xixón y Avilés sigue la tendencia qu’entamara n’otres ciudaes españoles d’abrir espacios culturales toa una nueche y agospiar nellos toa mena d’actividaes culturales.

Uviéu, Xixón y Avilés son les úniques ciudaes españoles que presenten una candidatura común na competición por ser Capital Europea de la Cultura. Pal Gobiernu del Principáu, promotor de la candidatura asturiana en collaboración colos conceyos d’Uviéu, Xixón y Avilés, la Capitalidá Europea de la Cultura ye una oportunidá única de facer visible l’esfuerciu que les trés ciudaes asturianes vienen faciendo en materia d’equipamientos y programes culturales de calter internacional, con importantes elementos de tradición ya innovación combinaos y con exes d’actuación cooperatives qu’inscriben los valores y la creación local nos nuevos marcos dinámicos de la creatividá contemporánea.

La Conseyera de Cultura y Turismu solliñó la importancia de la candidatura conxunta de les trés ciudaes: “Somos una candidatura única. Única pola so voluntá d’amosar cómo, en materia cultural, les trés grandes ciudaes (y les demás de la so contorna inmediata) funcionen pa toles persones interesaes na cultura de manera tan complementaria ya intelixente que nos permiten falar d’una gran metrópoli cultural, con una ufierta variada que recueye bayura de sensibilidaes ya intereses. Única porque va abordar conxuntamente los compromisos estratéxicos de la cultura asturiana pa les próximes décaes. Y porque esta cooperación demuestra la capacidá de les alministraciones públiques d’alcontrar grandes espacios acordies y collaboración nel marcu de l’acción cultural”.

Les amueses de la fuercia de la que surde la candidatura puen percibise de forma meridiana na fuerte presencia de la ufierta cultural nel triángulu asturianu. Son exemplu evidente dende la temporada d’ópera o de zarzuela uvieines a les programaciones internacionales de teatros ya instituciones con sede nes trés ciudaes, y les previsiones d’acciones futures que van multiplicar esa axenda: esposiciones, conciertos, encargos de producción artística, dos orquestes sinfóniques d’alta calidá, un centru d’arte y creación industrial o un conxuntu de museos escelente, amás d’actividaes nel terrén de la escena contemporánea o del espardimientu del patrimoniu.

La candidatura asturiana yá recibió más de 300.000 votos (ye la segunda con más apoyos) nel procesu de votaciones populares promovíu pola Asociación de Ciudaes Candidates na so páxina web (www.candidatecities.org).

El próximu día 13 de setiembre de 2009, el domingu más cercanu al 15 de setiembre, fiesta de la Virxe del Camín, Patrona de Lleón, va celebrase n’Estorga’l IV Alcuentru de Cultura del Reinu de Lleón qu’organiza l’asociación cultural La Caleya con dellos actos alredor de la cultura popular.

A les diez de la mañana va entamar la Parva y recepción de participantes, saliendo darréu los pendones de los conceyos lleoneses. A les 11:30 va celebrase una Misa n’honor de la Patrona de la Rexón Llionesa (na parroquia de Santa Marta), volviendo dempués los pendones pa La Eragudina.

A la una abren los puestos del mercáu, onde van celebrase firmes de llibros, bailles del país y cocíu popular a les 14:30.

De tarde, a les 16:00 hores, xuegos y deportes lleoneses, llectura d’“El Prencipicu”, versión dialectal d’El Principín. A les seis, celebraráse un alcuentru de música tradicional lleonesa y un homenaxe al tamboriteru maragatu Antonio Martínez. Piésllase l’actu coles sopes d’ayu, a les 21 hores.

Avilés pieslla les sos fiestes mañana sábadu, pero entá queden delles actividaes. El vienres a les 19:00 hores, nel Parque de Ferrera, va facese la recreación historica de la conocida como “Batalla de Los Carbayedos” (producida cuando la francesada, concretamente’l ventidós de mayu de 1809).

A les 20:15 hores va celebrase un conciertu del ciclu “Músiques nel claustru de San Nicolás” protagonizáu pol grupu Celtas Cortos, rematando cola Nueche de los Fueos, dende les 00:50 hores, nel Parque del Muelle.

El sábadu celébrase’l II Maratón d’Axedrez San Agustín (Centru Asturianu de L’Habana), el XXI Tornéu de Tiru con Arcu (Estadiu d’Atletismu del Complexu Deportivu Avilés) y la X Regata de Vela, amás d’un conciertu con grupos de los sesenta: Mike Kennedy y Los Linces, a les diez y media la nueche na Casa Cultura.