Escéniques

El Conceyu de Llanera dio anuncia al traviés de la so conceyala de Cultura, Belén Rodríguez, del programa de la que va ser la so I Selmana del Teatru Costumista, a celebrar ente’l 22 y el 27 de setiembre.

El llugar de la celebración d’esta selmana va ser la Plaza de L’Habana, en Posada, cada día, a partir de les ocho la tarde. La primer obra, “El tramposu”, va ponese n’escena el llunes 22 pola Compañía Asturiana de Comedies; El Rosario Trabanco pondrá n’escena “De piescos y escayos” el martes 23, el miércoles 24, el grupu de teatru El Hórreo va actuar con “Casao a la fuerza”.

El xueves, Teatro Kumen va presentar “L’aldea perdida”. Pesllándose la fin de selmana con Traslluz, que’l vienres pondrá n’escena “Contigo, pan y cebolla” y el grupu El Carbayín , que va poner n’escena “Chez Telva”.

El monologuista Carlos Alba “Cellero”, actua estaq nueche a les 23 hores na Plaza la Baragaña de Candás. L’actor va interpretar el so perconocíu monólogu “Alonsomanía”.

Asinamesmo, el sábadu, va treslladase a Nava, onde na Plaza l’Ayuntamientu va interpretar dellos de los sos “Monólogos del chigre” a les nueve y media la nueche.

Güei, a les 21 hores l’artista y performer asturianu Cuco Suárez va facer una intervención artística, nel Patiu de la Casa de La Palmera de Xixón, asitiada detrás del Teatru Xovellanos.

Cuco Suárez ñació en 1961 en La Pola, conceyu de Llaviana y ye un performer y artista multimedia; los sos proyectos tán relacionaos cola radicalidá de la esperiencia corporal al través de la performance y instalación con temátiques sociales, incidiendo especialmente nes condiciones de marxinalidá y esplotación del ser humanu.

El próximu xueves, día 7 d´agostu, a les 21:30 hores nel Café Trisquel (Cai Marqués de San Esteban de Xixón) echarán unos monólogos nuevos, los monologuistes Silvino Torre, Carlos Alba “Cellero” y Lluis Antón González.

El próximu xueves 31 de xunetu a partir de les 22 h. nel VARYARTE (Pz. José Gonzalez “El Presi” de la Corredoria- Uviéu) van actuar los monologuistes de la TPA, Silvino Torre, Carlos Alba “El Pola” y Lluis Antón González col espectáculu “Tres pates pa un bancu”.

Güei, miércoles 23 de xunetu, a les 19:00 hores, el CMI d’El Coto, asitiáu na Plaza de la República, s/n de Xixón, va recibiri l’actuación del monologuista Carlos Alba “Cellero”, que va presentar el monólogu “El gorro de piel de cuento”.

Carlos Alba ye perconocíu poles sos reinterptraciones de testos de monólogu clásicu, pola creación de testos nuevos calteniendo les vieyes formes del monólogu tradicional y pola so faceta de formador de nuevos monologuistes en talleres qu’organiza tolos branos en Candás. Amás participa en numberoses actividaes como los certámenes de monólogu modernu de Xareos! o’l programa Al aldu: La risión, de la TPA.

Les inversiones culturales en La Llaboral dende 2004 acérquense a los 63 millones y mediu d’euros (63.404.292,94 euros en concretu) y non los 29.500.000 de los que fala la Conseyera de Cultura. Esos datos obtiénlos el diputáu d’Izquierda Xunida y voceru del so grupu parllamentariu en materia de cultura, Francisco Javier García Valledor, de restar al conxuntu de les inversiones feches hasta la fecha nesi centru, les que nun tán dafechu rellacionaes coles infraestructures culturales. A xuiciu del diputáu estes inversiones comprenden les desenrrollaes nel Centru d’Arte, el Teatru, el nuevu Centru de Formación Profesional, que Valledor recuerda que se tuvo de treslladar del so anterior asitiamimentu pa poner nel so llugar el Centru d’Arte, y les inversiones que resulten necesaries pal funcionamientu d’esos espacios. Valledor indicó que nun se incluyó n’esta cantidá les partíes referíes al vieyu conventu de Les Clarises, empobinaes a la sede de la RTPA, los trabayos de rehabilitación de la Torre, los de cubrición del Patiu Corintiu d’accesu al edificiu principal, l’Institutu d’Educación Secundaria, la rehabilitación de fachaes, los espacios destinaos a usos universitarios, los nuevos despachos del Principáu d’Asturies, la rehabilitación de los xardines y les obres del nuevu aparcamientu. “Anque La Llaboral ye un tou y se podríen perfectamente incluyir munches d’eses inversiones, colo que la cifra final ampliaríase nunes cuantes decenes de millones d’euros, queremos ser rigurosos pa poder determinar con oxetividá la evidente diferencia de tratu del Gobiernu d’Asturies nes inversiones culturales ente Uviéu y Xixón”, solliñó’l diputáu.

“Precisamente porque se trata de comparar esfuercios d’inversión homoxéneos nel mesmu ámbitu nun s’esplica que la Conseyera de Cultura incluyere les inversiones previstes tanto nel Muséu Arqueolóxicu d’Uviéu y l’Archivu Hestóricu que nos convenios firmaos nel añu 1995 y que tovía anguaño nun vemos inaugurase, y qu’amás se trata d’inversiones del Estáu, non del Gobiernu d’Asturies”, declaró Valledor. Per otra parte’l diputáu recordó que no que cinca al Muséu de Belles Artes, el Presidente del Principáu yá presentare’l so proyectu d’ampliación, “que denomó la milla d’oru d’Uviéu” en 1999, cuatro años enantes de que s’entamare’l proyectu de La Llaboral güei yá en funcionamientu, mientres que les obres d’ampliación del Muséu acaben d’entamar.

Per otra parte’l coordinador d’Izquierda Xunida d’Uviéu, Alejandro Suárez, recordó tamién que, más allá de les inversiones culturales, la diferencia del esfuerciu del Gobiernu d’Asturies nel sofitu a les actividaes culturales organizaes n’Uviéu y Xixón ye abislmal y no se correspuende con nengún criteriu razonable. Suárez desveló que, por exemplu nel Presupuesto de la Conseyería de Cultura destínense 3 millones d’euros a financiar los proyectos de Llaboral Escena, lo que contrasta colos 240.000 euros que se destinen a la Opera d’Uviéu. “Dalguién tendría qu’esplicar esa diferencia sobre manera teniendo en cuenta qu’hebo más publicu nuna sola función del Campoamor que en toles actividaes de Llaboral Escena dende la so inauguración”, señaló.

El chigre de la Xunta pola Defensa de la Llingua Asturiana va acoyer güei xueves a les 22 hores una actuación del monologuista Carlos Alba “Cellero”. La casa posafuelles, que ta asitiada na Cuesta la Vega d´Uvieu. L’actu va sirvir pa celebrar l´aniversariu del posafuelles.

Como cada branu, l’actor Carlos Alba, conocíu pol so personaxe “Cellero”, va poner clases de monologuismu en Candás. Les feches van ser esti añu, del 11 al 15 d’agostu y l’horariu de 18 a 21 hores. Apuntase cuesta 24 euros.

Nel taller Carlos Alba va deprender a los alumnos a escribir monólogos y a facer un personaxe pa los interpretar, con exercicios d´expresión corporal, d´escritura, etc, “too de forma divertida”.

Pa más información podeis escribir a cellalba@yahoo.es o llamar al Teatru Prendes de Candás, al 985 87 10 21.

La compañía de teatru “Nun Tris” representa esti vienres 13 la obra “Tempus Fugit”, na Sala Loreto de la llocalidá de Colunga. A les 20:30 hores va entamar esta pieza que se desenrrola nun tiempu futuru y que presenta esecenes d’obres como: “Don Juan Tenorio”, “La Celestina” o “Fuenteovejuna”.