Escéniques

L’Área de Cultura del Conceyu de Villaviciosa, dientro de la programación del Teatru Riera, ofrez la presentación en castellán de la obra “La Balada de Oscar Wilde”, a cargu del actor Sergi Mateu, conocíu pola so participación na serie “Hospital Central”.

Va ser el sábadu 3 d’ochobre a les 20:30 h. y Domingu 4 d’ochobre a les 19:00. La entrada de baldre pa tolos pases, previa retirada d’ella nel mesmu Teatru (Oficina de Turismu) nos díes y horarios siguientes: Miércoles 30 de Setiembre, de 10.30 a 14.00 y de 15.30 a 17.30 h. Ruégase máxima puntualidá. Una y buenes entame la función, nun va poder entrase na sala.

Ayeri, martes 29 de setiembre, tuvo llugar en Xixón l’estrenu de la obra de teatru del autor mierense Xaviel Vilareyo titulada “La igua”. La obra tuvo representada polos actores María Xesús Rodríguez y Jesús Menéndez, nel escenariu del Salón d’Actos del Antigu Institutu, dientro de la programación d’actos de l’Arribada lliteraria de Xixón.

Na obra, dos miembros d’una organización terrorista de lliberación nacional comparten pisu nuna ciudá, onde conviven colos problemes emocionales y esistenciales de caún d’ellos.

“La igua” ye una metáfora de los conflictos internos colos que s’enfrenten los ideales y ambiciones de cualesquier personaxe humanu inmersu nun mundu conflictivu y problemáticu y onde la solución y la escoyeta llibre del destín faise cada vegada más abegosa.

Xaviel Vilareyo (Mieres del Camín, 1967) estrena con ésta la so tercer obra dramática n’asturianu, llueu de la puesta n’escena de les sos comedies anteriores titulaes “De rebaxes na sablera” y “El misteriu del pelu roxu” representaes nel Teatru Filharmónica el pasáu mes d’abril. Nel añu 2009 recibió’l Premiu de Teatru de l’Academia de la Llingua Asturiana pola obra “La fuxida”.

Güei martes, a les seis de la tarde y dientro de los actos de l’Arribada, va proyectase “L’acorazáu Potemkin”, con rótulos n’asturianu, será nel Salón d’actos del CCAI. A les 19,30, va presentase’l llibru últimu de Rafael Rodríguez Valdés, “Discursos llingüísticos y movimientu obreru na Asturies decimonónica”, ganador de la primer edición del Premiu Fierro Botas d’ensayu.

La xornada va pesllase col obra de teatru “La igua”, de Xaviel Vilareyo, colos actores María Xesús Rodríguez y Jesus Menéndez, estrenu que va tener llugar nel Salón d’actos del mesmu edificiu xixonés.

L’asistencia al estrenu d’esta obra ye gratuíta. “La igua” ye una metáfora de los conflictos internos colos que s’enfrenten los ideales y ambiciones de cualesquier personaxe humanu inmersu nun mundu conflictivu y problemáticu y onde la solución y la escoyeta llibre del destín faise cada vegada más abegosa.

Xaviel Vilareyo (Mieres del Camín, 1967) estrena con ésta la so tercer obra dramática, dempués de la puesta n’escena de les sos comedies anteriores titulaes “De rebaxes na sablera” y “El misteriu del pelu roxu” represetnaes nel Teatru Filarmónica el pasáu mes d’abril. Nel añu 2009 recibió’l Premiu de Teatru de l’Academia de la Llingua Asturiana pola obra “La fuxida”.

El Conceyu de Llangréu tien abiertu plazu d’inscripción na Escuela Municipal de Teatru hasta l’1 d’ochobre, con cuatro grupos d’edá: de 4 a 8 años; de 9 a 13; de 14 a 17 y mayores de 18 años. El cursu va entamar el 2 del mesmu mes, a les cinco la tarde, nel Centru de Mocedá de Ciañu, llar de la Escuela y los horarios de clas van ser: pa los trés primeros grupos los vienres de cinco a siete y media la tarde y pal grupu de mayores los xueves de cinco a siete y media la tarde.

La matrícula ye de baldre, pudiendo recibir más información nel teléfonu 985 676 503.

La tonada va llegar esti llunes, a les 19.30 hores, al Centru Municipal Integráu Pumarín-Xixón Sur. L’Asociación d’Intérpretes de la Canción Asturiana (AICA) organiza estos conciertos onde’l monólogu suel acompañar a la música tradicional.

Esti llunes van participar: Nori Redondo Sobero y José Luis Rodríguez «El ruiseñor de Carreño», cola compaña musical del gaiteru Vicente Prado «El Pravianu»; y los monólogos de Carlos Alba «Cellero». Fernando Ruiz Fernández va ser el presentador del espectáculu, que ye de baldre.

El próximu martes 29 de setiembre tendrá llugar en Xixón l’estrenu de la obra de teatru del autor mierense Xaviel Vilareyo titulada “La igua”. La obra tará representada polos actores María Xesús Rodríguez y Jesús Menéndez. L’estrenu de “La igua” llevaráse a cabu dientro de los actos de l’Arribada lliteraria de Xixón y fairáse nel Salón d’Actos del Antigu Institutu Asturianu de la Cai Xovellanos a partir de les 8,30 de la tarde.

L’asistencia al estrenu d’esta obra ye gratuíta. “La igua” ye una metáfora de los conflictos internos colos que s’enfrenten los ideales y ambiciones de cualesquier personaxe humanu inmersu nun mundu conflictivu y problemáticu y onde la solución y la escoyeta llibre del destín faise cada vegada más abegosa.

Xaviel Vilareyo (Mieres del Camín, 1967) estrena con ésta la so tercer obra dramática, dempués de la puesta n’escena de les sos comedies anteriores titulaes “De rebaxes na sablera” y “El misteriu del pelu roxu” represetnaes nel Teatru Filarmónica el pasáu mes d’abril. Nel añu 2009 recibió’l Premiu de Teatru de l’Academia de la Llingua Asturiana pola obra “La fuxida”.

El XIX Salón del Teatru Costumista de Candás, organizáu pol Teatru Prendes, pesllóse cola entrega de los premios «Aurora», que pretenden recompensar toa una trayectoria a favor del teatru costumista asturianu, col nome d’Aurora Sánchez, gran dama del teatru asturianu y madre del autor Eladio Sánchez, que fuera director de la “Compañía Asturiana de Comedies”.

El premiu al meyor actor foi p’Armando Felgueroso; meyor actriz a Natividad, «Nati», Fernández. En cuantes al de meyor autor, foi pa Cristina Muñiz, qu’escribe monólogu modernu y tradicional, amás de teatru costumista con temática actual.

Meyor director foi pa Carmen Campo Mier; mientres que l’estraordinariu foi pa l0Academia de la Llingua Asturiana, recoyíu pola so presidenta, Ana Cano. El xuráu da-ylo en reconocencia a la so «”lucha pa que la espresión primera de la cultura de la nuesa rexón seya la nuesa propia llingua, l’asturianu, que per tantu tiempu foi maltratáu y menospreciáu”.

Teatro Demente lleva güei, llunes 31 d’agostu, y a partir de les diez de la nueche, al Auditoriu “José Barrera” de Navia. La obra titúlase “Así hacen todas”, adapta la ópera de Mozart: el vieyu rabiáu y el solterón de la ciudá apuesten con unos soldaos a que les sos moces van se-yos infieles, porque como él diz: “cosí fan tute”…

L’escritor madrilanu Alberto de Casso Basterrechea resultó ganador de la X Edición del Premiu de Testos Teatrales “Alejandro Casona”, que concede la Conseyería de Cultura y Turismu del Principáu, por una comedia titulada “La novia póstuma”. El xuráu que concedió esti galardón, dotáu con 6.000 euros, taba presidíu pol Viceconseyeru de Promoción Cultural y Política Llingüística, Jorge Fernández León.

El xuráu destacó “el gran pesu lliterariu que surde d’una narrativa áxil onde l’humor y la tenrura conviven de manera perfecta nesta comedia. Al mesmu tiempu ponse en valor la orixinalidá nel xuegu de los personaxes principales favoreciendo’l dinamismu y la frescura humorística de la obra”.

Nacíu en 1963 y llicenciáu en Filoloxía Hispánica, Alberto de Casso algamó’l Premiu Nacional de Teatru Calderón de la Barca en 1999 cola obra “Los viernes del hotel luna caribe”. En 2008 ganó’l premiu Lope de Vega cola obra “Y mi voz quemadura” y en febreru de 2009 llogró’ ex aequu’l Premiu de dramaturxa d’Escena Contemporánea cola obra “El cuerpo oculto”. Ye autor, amás, de dellos cuentos y noveles, ente elles “El Guacamayo de las Bahamas”, qu’algamó una mención especial nel Premiu de narrativa Alcalá de Henares de 1998. Anguaño ye profesor de Llingua y Lliteratura nun institutu d’Alcalá de Henares.

Como cada branu, l’actor Carlos Alba entama un taller de monólogu asturianu, del 10 al 14 d’agostu na casa cultura de Candás. Nel mesmu depréndese a escribir ya interpretar monólogos de la mano del autor de personaxes como Cellero o El Pola.

El cursu celébrase n’horariu de 18 a 21 hores y cuesta 24 euros.

Pa más información o inscribise ha llamase al teléfonu 985 871 021.