Educación

El presidente del Principáu, Javier Fernández, abogó esti sábadu por “acabar coles pantasmes de los vieyos estereotipos” que ronden a la Formación Profesional, mientres la so intervención na clausura del Campeonatu d’Asturies de Formación Profesional ‘Skills 2018’.

La convocatoria pa solicitar el préstamu de llibros de testu en centros públicos d’Asturies nel próximu cursu abrióse esta selmana. Les families qu’opten a l’ayuda van disponer de dos selmanes, hasta’l día 27, pa presentar la solicitú y apurrir la documentación.

«La educación segregada por sexos ye un pasu tras». Asina califiquen los sindicatos el fallu del Tribunal Constitucional que respuende por que los centros d’esti tipu reciban dineru público.

«Nun esiste la más mínima xustificación para favorecer la educación segregada dende’l puntu de vista pedagóxicu. Sicasí, sí tien numberosos perxuicios, empezando pol refuerzu de los estereotipos sexistes», aseguró Emma Rodríguez, voceru del sindicatu Suatea. Pela so parte, Gumersindo Rodríguez, de Anpe, sofitó esta afirmación y amestó: «Queremos una escuela inclusiva qu’atienda a tolos alumnos nes mesmes y nes meyores condiciones posibles». Los sindicatos consideren que’l fallu del Constitucional nun se correspuende cola realidá actual, na que se pide al profesoráu qu’afonde nos valores coeducativos. «Que sía constitucional nun significa que tenga d’aplicase. El Gobiernu d’España y el del Principáu tienen d’apostar por una enseñanza pública ya igualitaria», abogó Borja Llorente, secretariu xeneral de CC OO.

N’UXT respeten la decisión de los padres qu’escueyan esta modalidá educativa, pero consideren que «teniendo en cuenta que los recursos públicos son llindaos, el so financiamientu nun tendría de realizar se col dineru de toos».

N’Asturies hai dos centros escolares con educación segregada por sexos. La directora del colexu Peñamayor, Josefina de la Fonte, valoró’l fallu del Constitucional que respuende por la posibilidá de recibir financiamientu públicu al traviés de los conciertos, tal que recueye la LOMCE. «Paeznos una bona noticia que se reconoza’l derechu de los padres a escoyer pa los sos fíos el modelu d’educación que crean conveniente», destacó De la Fonte.

Trés mil alumnos apuren al Principáu que camude yá’l temariu de la EBAU, sigún dexaron afitao representantes estudiantiles dientro de les xornaes de puertes abiertes coles que la Universidá d’Uviéu pretende captar nuevos alumnos.

El rector de la Universidá d’Uviéu afirmó esta selmana qu’hai delles diferencies ente les comunidaes tocantes a los conteníos de la EBAU (Evaluación de Bachilleratu p’Accesu a la Universidá), pero Santiago García Granda nun ye partidariu de baxar el nivel de la enseñanza asturiana.