Educación

L’alumnáu de segundu de Bachilleratu va acabar n’Asturies les clases el 29 de mayu y va preparar la EBAU del 5 al 23 de xunu.

La ministra d’Educación y Formación Profesional, Isabel Celaá, asegura que nun contempla la opción d’aplazar les pruebes d’accesu a la universidá, l’antigua Selectividá, hasta setiembre nel casu de que la pandemia del coronavirus torgara los exames presenciales nel calendariu previstu, ente finales de xunu y principios de xunu.

Educación va diseñar planes de continxencia énte posibles zarros el próximu cursu por otru biltu. Ministeriu y conseyería tan dispuestos a entamar pruebes estraordinaries pa llograr el títulu de cuartu d’ESO y segundu de Bachilleratu y de FP.

El Ministeriu d’Universidaes vieno acabante pidir la selmana pasada a la Universidá qu’acabe’l cursu en plazu y con evaluación ‘on line’. Solicita «unos criterios xenerales» pa les pruebes telemátiques, que s’espublicen con tiempu y puedan ser asumíos polos alumnos.

El Conceyu va collaborar cola Conseyería para dotar de dispositivos y conectividá al alumnáu avilesín, sigún fizo anuncia’l Serviciu d’Educación, que tien previsto unviar un cuestionariu a los centros pa llegar a onde nun algame’l Principáu.

Cinco de les diecisiete comunidaes autónomes optaron esti xueves pasáu por desvenceyase del alcuerdu propuestu’l miércoles pola ministra d’Educación a tolos conseyeros del ramu para concluyir colos menores perxuicios posibles pa los alumnos el presente curso, esbaratáu pola suspensión, hai yá un mes, de les clases presenciales en toes escueles ya institutos por cuenta de la pandemia de coronavirus, qu’a día de güei entá s’ignora cuándo van poder retomase.

Nun va haber aprobáu xeneral, el cursu sigue tal que taba establecíu (nin s’amplía nin se retaya), el tercer trimestre va ser evaluáu en función de les xeres realizaes, anque se dexa la puerta abierta a qu’haya exames); solo podrá avanzase materia de manera escepcional para xubir nota y los conteníos que queden pindios van recuperase’l próximu cursu. Esa ye la realidá del cursu escolar sigún Educación.