Educación

La Comisión Municipal de Siguimientu del mentáu Plan Municipal, presidida pola conceyala Marisa Ponga, vieno acabante revisar la Memoria del añu pasáu y les actividaes previstes pal actual exerciciu, contabilizando más de 7.000 mozos nos programes d’ociu xuvenil n’Uviéu.

La Xunta de Gobiernu del Ayuntamientu d’Uviéu aprobó esta selmana los pliegos de condiciones del concursu públicu pa les actividaes que se van desenvolver nos centros educativos el próximu branu cola novedá d’abrir tol mes d’agostu y un presupuestu máximu de 150.000 euros.

Iniciativa pol Asturianu tien abiertu’l plazu hasta’l domingu 27 p’apuntase a los cursos d’asturianu en Xixón, Sotrondio y a distancia entamaos en collaboración cola Academia de la Llingua Asturiana y que van aniciase’l llunes 28 de marzu.

El colexu Lorenzo Novo Mier ye’l tercer centru escolar d’Asturies y el primeru d’una gran ciudá en sumase a la campaña de compostaje comuñal, puesta en marcha por Cogersa.

Esta mañana presentaba la so candidatura al rectoráu de la Universidá d’Uviéu Santiago García Granda, “tres munchos meses de visites recoyendo y confrontando idees pa proponer un programa modernu, renovador, que sigue l’estilu amosáu nos mios años de vicerrector y que nun vos va a defraudar”. García Granda yera’l primeru de los cuatro candidatos qu’anunciaren presentase al Rectoráu, como tamién foi’l primeru en presentar les sos propuestes alrodiu del asturianu la selmana pasada.

El Ministeriu Educación tresllado-y esta selmana pasada al Conseyeru del ramu asturianu, que nun ve posibilidaes d’algamar la especialidá educativa de llingua asturiana col decretu autonómicu que propón el Principáu por mor de que nun esiste precedente n’España y de les posibles dificultaes pa la so posterior reconocencia estatal.

Dientro del procesu de trabayu de la Conceyalía d’Educación d’Avilés coles AMPAS, esti martes 15, a les 18 hores, va haber una mesa redonda “Deberes escolares y rendimientu académicu n’estudiantes d’educación obligatoria”. La conceyala d’Educación, Yolanda Alonso, va actuar de moderadora. 

L’Área d’Educación d’IX pide a la Conseyería la paralización de la fusión de centros escolares impuesta y esixe la participación de la comunidá educativa nel procesu, por tar en desalcuerdu, per un sitiu, poles formes emplegaes pola Conseyería pa llevar a cabu’l procesu de fusión.

Per tercer añu consecutivu vamos poder esfrutar nel Monte Deva d’una nueva edición de les xornaes astronómiques del Catálogu de Messier,  cola collaboración de la Sociedá Astronómica Asturiana OMEGA, quien s’encarguen de xestionar l’Observatoriu Astronómicu Municipal del Monte Deva.