Educación García Granda pide otra vuelta’l votu n’asturianu nel día que lu sofita Sánchez Lazo by redacción asturnews 27 d'abril, 2016 El catedráticu de Bioquímica y Bioloxía Molecular, Pedro Sánchez Llazu, decidió sofitar esti martes pela nueche la candidatura de Santiago García Granda na carrera al Rectoráu que’l xueves volverá axuntar a tolos integrantes de la Universidá d’Uviéu. García Granda despidió la campañá pidiendo otra vuelta’l votu n’asturianu. Siguir lleendo 27 d'abril, 2016 0 FacebookTwitterPinterestEmail
Educación La xestión de los Bancos de Llibros centra’l próximu taller formativu pa les AMPAs d’Avilés by redacción asturnews 26 d'abril, 2016 Dientro del programa de formación promovido pola Conceyalía d’Educación El Centru Cívicu Los Canapés acueye’l martes 26 d’abril, de 18:00 a 19:30 hores, un alcuentru nel que representantes de diversos centros van compartir les sos esperiencies na implantación d’esti recursu. El taller enmárcase dientro del programa de formación promovido pola Conceyalía d’Educación La xestión de los Bancos de Llibros nos centros educativos va ser la tema central del taller formativu que les AMPAs d’Avilés van desenvolver el próximu martes, 26 d’abril, de 18:00 a 19:30 hores, nel Centru Cívicu Los Canapés. Los bancos de llibros son proyectos que munchos de los centros educativos d’Avilés impulsen dende va años, y que’l so fin últimu ye que les families puedan reutilizar manuales qu’otros alumnos y alumnes utilizaron en cursos anteriores. Les iniciatives desenvueltes en cada centru son bien diverses, polo qu’esta xornada va sirvir por que los representantes de les AMPAs de cada centru compartan balances y esperiencies. D’esta miente, podrán identificase factores que dexen realizar esti proyectu de la manera más efectiva posible en cada centru. Miembros de les AMPAs de centros como’l CEIP Enrique Alonso y el IES de La Madalena van compartir los sos munchos años de desenvolvimientu d’esti proyectu. Esti alcuentru enmárcase dientro del ciclu de talleres diseñaos poles mesmes AMPAs a lo llargo d’esti cursu, y que llueu va tener continuidá encetando les siguientes temátiques: – Empobinaos a AMPAS de les escueles d’educación infantil: El 12 d’abril celebró’l taller conxuntu padres, madres y menores sobre “Participamos: Conocemos los derechos de la infancia” nel Edificiu Fueru ( C/ Fernando Morán, 26) De 17 a 18:30 hores. El 3 de mayu : Primeros Auxilios (pa families y menores):, nel Centru de profesoráu y recursos (CPR). De 17 a 18:30 hores. El 24 de mayu , Metodoloxía Montesori, nel Centru Profesoráu y Recursos (CPR). De 17 a 18:30 hores. – Empobinaos a AMPAS polo xeneral: Bancu de llibros: Intercambios y esperiencies: 26 d’abril.Centru Sociocultural Los Canapés (Versalles). De 18 a 19:30 hores. Ciberbullying: 10 de mayu.Factoría Cultural (Avda de Portugal, 13) . De 18 a 19:30 hores. Adolescencia y Redes Sociales:31 de mayu. Edificiu Fueru (C/ Fernando Morán, 26). De 18 a 19:30 hores. Convivencia ya inclusión: conocer p’actuar: 14 de xunu. Edificiu de Servicios Múltiples El Focu (Villalegre). De 18 a 19:30 hores. Estos talleres son resultáu d’un procesu de trabayu, empecipiáu esti cursu escolar pola Conceyalía d’Educación, por aciu el cual pretende establecese una relación directa coles AMPAs de tolos centros educativos d’Avilés, tanto públicos como alcordaos. Dichu trabayu tien, ente otros, los siguientes oxetivos: Faer a les families parte y protagonista de les dinámiques de los Centros Escolares. Establecer canales estables de relación ente les AMPAs y el Conceyu. Analizar, aldericar y recoyer propuestes de meyora de los proyectos que se desenvuelven nos centros. Sofitar el llabor específicu de caúna de les AMPAs. Fortalecer el so papel na construcción d’una Ciudá Educadora” como miembru imprescindible de la comunidá educativa. 26 d'abril, 2016 0 FacebookTwitterPinterestEmail
Educación La Universidá escueye rector con presencia del asturianu by redacción asturnews 21 d'abril, 2016 La comunidá universitaria asturiana ta llamada a escoyer güei al so rector, ente cuatro candidatos que ya votaron nes primeres hores, pero ensin qu’haya un claru favoritu. Per primera vegada un candidatu, Santiago García Granda, emplegó l’asturianu davezu na so campaña electoral y comprometió una Oficina de Normalización. Siguir lleendo 21 d'abril, 2016 0 FacebookTwitterPinterestEmail
EducaciónPlástiques Abierta la inscripción en 3 cursos d’artesanía pa paraos by redacción asturnews 21 d'abril, 2016 Ente mayu y payares na Factoría Cultural van desenvolvese dos cursos d’Alfarería artesanal y unu más de “Moldes y matricerías artesanales”, con periodu de práctiques n’empreses y certificáu de profesionalidá. Les inscripciones tienen de realizase nel portal Trabajastur. Siguir lleendo 21 d'abril, 2016 0 FacebookTwitterPinterestEmail
EducaciónEscéniquesPlástiques Los barrios d’Avilés potencien la so programación cultural con teatru, cuentacuentos, talleres, conciertos y esposiciones by redacción asturnews 20 d'abril, 2016 La conceyala de Cultura, Yolanda Alonso, presentó la selmana pasada’l programa d’actividaes nos centros socioculturales y biblioteques de Villalegre, La Lluz, La Carriona, Versalles-Los Canapés y Valliniello hasta xunu, que suma una trentena de propuestes diverses. Siguir lleendo 20 d'abril, 2016 0 FacebookTwitterPinterestEmail
Educación Canaries y Navarra xúntense al País Vascu na so rebelión contra la evaluación de Primaria by redacción asturnews 16 d'abril, 2016 Cuando falta un mes pa qu’empecipien les pruebes de la nueva evaluación final de Primaria qu’afita la Lomce, el País Vascu y Canaries decidieron nun realizala esti cursu y Navarra tampoco la aplicará “pel momento”, mientres les comunidaes gobernaes pol PSOE, como l’asturiana, siguen cuestionándola. Siguir lleendo 16 d'abril, 2016 0 FacebookTwitterPinterestEmail
Educación Más de 500 escolares participen na Selmana del Árbol, entamada poles conceyalíes d’Educación y Parques y Xardinos by redacción asturnews 16 d'abril, 2016 La Conceyalía d’Educación, en collaboración cola Conceyalía de Parques y Xardinos y col patrociniu de Caxa Rural d’Asturies entaóa la Selmana del Árbol n’Uviéu con un plantíu na área recreativa del Naranco, actividá na que participó la conceyala de Participación y vicealcaldesa, Ana Taboada. Siguir lleendo 16 d'abril, 2016 0 FacebookTwitterPinterestEmail
Educación Abierta la inscripción nes Escueles Infantiles de 0 a 3 años n’Avilés by redacción asturnews 13 d'abril, 2016 El Serviciu d’Educación del Conceyu d’Avilés abrió esti llunes, 4 d’abril, el plazu d’inscripción pa solicitar plaza pal próximu cursu nes 3 escueles del Primer Ciclu d’Educación Infantil (de 0 a 3 años) de la ciudá: La Madalena, La Toba y El Quirinal.El plazu remata’l vienres 15 d’abril. Tienen prioridá les persones empadronaes o que trabayen n’Avilés. Consulte equí les bases y documentos de la convocatoria. Siguir lleendo 13 d'abril, 2016 0 FacebookTwitterPinterestEmail
EducaciónPolíticaSociedá Podemos abre camín al plan de Genaro Alonso pala especialidá docente by redacción asturnews 12 d'abril, 2016 Nuna proposición non de llei, presentada esti llunes día 11, Podemos reclama que “los cuerpos de catedráticos y de profesores d’Enseñanza Secundaria puedan tener asinamesmo, a pitición de la comunidá autónoma y sigún necesidaes educatives, la especialidá propia de la llingua respectiva”, abierndo-y camín al plan del Conseyeru d’Educación. Siguir lleendo 12 d'abril, 2016 0 FacebookTwitterPinterestEmail
ComunicaciónEducaciónMocedá La XDLA esixe un mandatu-marcu qu’afite’l papel normalizador de RTPA by redacción asturnews 5 d'abril, 2016 La XDLA esixía esta mañana a los partíos que negocien un mandatu-marcu qu’afite’l papel normalizador de RTPA y facía anuncia de que la emisión en castellanu de “El cuentacuentos de Presta Asgaya”, serie infantil doblada al asturianu, amuesa que “Virgili niégase a cumplir cola llexislación vixente”. Nuna nota de prensa asoleyada na mañana d’esti martes, la Xunta Pola Defensa de la Llingua (XDLA) facíase ecu de que’l fin de selmana pasáu, TPA emitió la serie de producción propia “El cuentacuentos de Presta Asgaya”, pero na versión en castellanu, cuando hai versión doblada al asturianu. Dende la XDLA dicen nun saber “qué sentíu tien que la cadena asturiana emita conteníos infantiles en castellanu, más cuando los hai n’asturianu, si la ufierta de conteníos naquel idioma ta sobradamente cubierta con cadenes como ClanTV, Boing, Canal Disney o Neox, qu’emiten les 24 hores del día. Sicasí, los neños asturianos nun disponen de nengún conteníu audiovisual na so llingua propia. Cero minutos al día y cero minutos a la selmana. ¿Qué sentíu tien mantener una canal pública si se dedica a ufrir lo mesmo que les demás canales y nun cumple la llexislación vixente, que diz que TPA tien que tener una presencia amañosa del nuestru idioma, amás de defender la cultura asturiana? La situación muestra la belixerancia d’Antonio Virgili, director actual de RTPA gracies al alcuerdu de PSOE, PP y IX, que, anque nel parllamentu y de cara a la sociedá asturiana diz que ye “partidariu” de la presencia del idioma nos medios públicos, depués marxina la presencia del asturianu y escuende la so realidá na programación”. L’anécdota de Presta Asgaya, amás de doliosa, ye pala XDLA exemplu d’esto: “tamos falando d’un espaciu infantil, polo que ye estratéxicu pa la tresmisión interxeneracional del nuestru idioma. Por eso, la XDLA esixe a los partíos parllamentarios que, depués d’anunciar que s’abren les negociaciones p’aprobar el mandatu-marcu -con retrasu, lo que muestra de la poca relevancia que-y dan al papel de RTPA-, afiten nel testu’l papel fundamental de los medios públicos na normalización de la llingua asturiana. Asina, esti mandatu-marcu, que va afitar la programación pa los nueve años próximos, tien qu’esplicitar la cantidá y tipu de programes que s’han emitir nel nuestru idioma, tanto informativos como retresmisiones deportives, programes infantiles, doblaxes y entretenimientu, amás del papel de RTPA na promoción de la cultura asturiana y la so industria cultural”. La XDLA quier tamién recordar que, “hasta’l momentu, los programes nel nuestru idioma son minoritarios na emisión, siempre dientro de temátiques mui marcaes. Mentanto, nel restu de la emisión vemos espacios que dexen de llau la nuestra realidá llingüística o que la utilicen como forma d’allegase al espectador, pero ensin nengún procuru normativu y con ciertu enclín humorísticu y diglósicu.” Tolo contrario de lo que diz la llexislación, “pero parez qu’hasta que nun se recueya más esplicitamente’l papel de RTPA col asturianu, el señor Virgili va siguir faciendo tolo posible pa escondelo na emisión, usando la cadena pal so beneficiu personal. Ello ye, contra la sociedá asturiana, contra la industria audiovisual asturiana, contra la cultura asturiana y contra la so llingua d’espresión”. 5 d'abril, 2016 0 FacebookTwitterPinterestEmail