Cooperación

La conceyala d’Atención a les Persones, Marisa Ponga, y la presidenta de la Coordinadora de ONG del Principáu d’Asturies, Celeste Intriago, afayaron esta mañana nel parque Ismael Fonte, una placa n’homenaxe a l’activista medioambiental Berta Cáceres, asesinada’l pasáu mes de marzu n’Honduras.  Tamién tuvieron presentes nel actu la vicealcaldesa, Ana Taboada, la conceyala d’educación, Merced González y los conceyales Diego Valiño, Cristina Pontón y Eduardo Llano.

Esti martes, 5 de xunetu, arrinca’l plazu de presentación de solicitúes pa optar a les subvenciones que’l Conceyu d’Avilés, al traviés de la Área de Promoción Social, destina a entidaes ensin ánimu d’arriquecimientu pal desenvolvimientu de proyectos y programes d’inclusión social.

L’Alcalde d’Uviéu, Wenceslao López, abrió esti llunes pela mañana l’actu de presentación  de les actividaes entamaes con motivu del Día Mundial del Refuxáu, una xornada “pa recordar, actuar y visibilizar les acciones de sofitu humanitariu a lo que ye la crisis d’esti sieglu”. López sorrayó la necesidá de “ayudar a estes persones que tienen qu’abelugase por cuenta de les inxusticies en diversos llugares del mundu”.

Dende’l xueves 26 y hasta el llunes 30 de mayu, Avilés allugó les actividaes programaes dientro del Alcuentru Ciudadanu con entidaes de la Ciudá Hermanada de Saint-Nazaire (Francia). Una iniciativa liderada pol Conceyu d’Avilés, n’estrecha collaboración de l’asociación Auniendo Fronteres (Avilés) y el Comité de Jumelage (Saint-Nazaire).

La plaza de Trascorrales va acoyer esti miércoles 25, la conmemoración del Día d’África, qu’anguaño ta dedicáu a ‘Los Derechos de les Muyeres y l’Igualdá’, con una numberosa ufierta d’actividaes qu’entamen a las 17,30 hores.

La conceyala d’Inmigración, Marisa Ponga, presentó la selmana pasada’l proyectu ‘Xuniendo Cultures’ que tien como oxetivu dar a conocer otres cultures y fomentar la integración social de la población inmigrante residente nel conceyu. Del 20 de mayu al 1 de xunu van desenvolvse  seis talleres de cocina, música, danza y pintura de distintes cultures.

La conceyalía de Cooperación abrió’l plazu pa la presentación de solicitúes, per parte de ONGds al Conseyu Municipal de Cooperación al Desenvolvimientu. El reglamentu del Conseyu recueye que van formar parte del mesmu: “Cuatro representantes de ONGDs que tengan see o delegación permanente n’Uviéu, que tean legalmente constituyíes con anterioridá a dos exercicios económicos a aquel en que se dar en cada renovación del Conseyu y que s’atopen inscrites nel Rexistru d’Organizaciones Non Gubernamentales de Desenvolvimientu del Principáu d’Asturies”.

L’Axencia Asturiana de Cooperación al desenvolvimientu y el Conceyu d’Avilés entamen esti miércoles, 11 de mayu (18 hores), una xornada de sensibilización sobre l’usu de muyeres y neñes con fines d’esplotación sexual dende l’enfoque de la cooperación al desenvolvimientu. La so directora, Mabel Lozano, va participar nuna mesa redonda a les 17 hores.

El Conseyu Municipal de Cooperación al Desenvolvimientu quedó constituyíu esta tarde tres una primer xunta na que tomaron parte representantes de tolos grupos políticos.