Convocatories

Tovía hai plazu, hasta’l 13 de payares, pa presentase a la séptima edición del Concursu de Comic n’Asturianu “Comarca de la Sidra”. Nél pueden participar persones de cualquier nacionalidá, mayores de 14 años, con obres orixinales de tema y técnica llibre, con testos escritos n’asturianu. Los trabayos han entregase nel Serviciu de Normalización Llingüística de la Mancomunidá de la Comarca de la Sidra o nes Oficines d’Información Xuvenil de la comarca.

Bases completes podéis atopales en

Dos de los concursos de cuentos curtios más prestixosos de la lliteratura asturiana tán a piques de pesllar la recepción d’orixinales. El convocáu pola Tertulia Cultural El Garrapiellu, pa cuentos d’hasta 12 fueyes, tará abiertu hasta’l 22 d’ochobre, mientres que’l que convoquen dende l’Asociación de Vecinos “San Esteban de les Cruces”, nel que nun se pueden superar seis fueyes, tien el plazu abiertu hasta’l 28 d’ochobre.

Bases completes del concursu d’El Garrapiellu

Güei, xueves 15 d’ochobre, el Centru Municipal Integráu d’El Llano, en Xixón, va celebrar dende les 19:30 hores una gala con tonada y monólogos. Nel espectáculu van participar los cantadores Bibiana Sánchez García y Fernando Entrialgo Vega, el monologuista Pin de la Cotolla y el gaiteru Iván Rionda Castro.

Les mesmes actuaciones van tener llugar en La Camocha, el vienres y de magar les 18:45 hores.

L’Ayuntamiento de Llangréu convoca esti concursu de semeyes nel que la tema ha tar rellacionáu cola muyer. Cada participante pue presentar trés semeyes hasta’l 20 de payares. Hai cuatro premios: 700, 500, 300 y un especial Muyer de Llangréu de 400 euros. Pa más información pue llamase al teléfonu 985 683 684.

La editorial Espublizastur convoca’l “Ier Premiu d’Ensayu ASTURIES” pa obres escrites n’Asturianu col envís “de da-y puxu al estudiu de la realidá política, económica, social y cultural d’Asturies, asina como al so pensamientu”. El certame ta dotáu con 1.500 euros y la espublización de la obra premiada que pue presentase hasta l’1 de payares.

El premiu tien les bases que vienen darréu:

Capítulu Primeru: Oxetu.

Artículu 1.- Les obres que se presenten al “Ier Premiu d’Ensayu ASTURIES” tendrán que versar alrodiu la rialidá política, económica, social y cultural d’Asturies –nos sos territorios hestóricos- y los sos retos de futuru.

Artículu 2.- Valoraránse especialmente obres que combinen la esposición teórica, la so aplicación práutica y la so exemplificación al traviés de comparatives con otres rialidaes nacionales.

Capítulu Segundu: Condiciones de les obres

ulu 3.- Les obres tendrán de ser estrictamente inédites y nun podran tar premiaes anteriormente.

Artículu 4.- Toles obres tendrán de tar escrites n’asturianu.

Artículu 5.- Les obres tendrán una estensión d’ente 120.000 y 240.000 caráuteres.

Capítulu Terceru: Conteníu del premiu

Artículu 6.- El “Ier Premiu d’Ensayu “ASTURIES” ta dotáu con 1.500 euros (1250 en metálicu y 250 en llibros) que se fadrá efeutivu nel intre de la so concesión pública.

Artículu 7.- La obra premiada sedrá espublizada pola editorial ESPUBLIZASTUR

Artículu 8.- ESPUBLIZASTUR reservase’l drechu a espublizar aquelles obres nun premiaes, entendiendo que la presentación al mencionáu premiu supón la cesión a la editorial de los drechos d’edición.

Artículu 9.- Si el Xuráu lo camienta afayaízo, el premiu podrá ser consideráu desiertu y esceucionalmente concedíu ex aequo.

Capítulu Cuartu: Resolución del premiu

Artículu 10.- La resolución del “Ier Premiu d’Ensayu “ASTURIES” dirá a cargu d’un Xuráu compuestu por cincu presonalidaes destacaes del mundiu cultural, social, políticu y económicu, propuestos por Espublizastur xunta un representante de la mesma.

Artículu 11.- Nun entamu, la resolución del Ier Premiu d’Ensayu “ASTURIES” intentará decidise por consensu ente los miembros del Xuráu. Si ello nun fore posible procederáse a una votación que decidirá por mayoría simple.

Artículu 12.- La resolución del premiu fadráse pública’l 7 de payares.

Capítulu cincu: Presentación de les obres

Artículu 13.- El términu de presentación d’orixinales fina’l día 1 de payares. Almitiránse toles obres cuya fecha d’envíu postal seya anterior al cierre de la convocatoria.

Artículu 14.- Habrán d’unviase a la dirección postal ESPUBLIZASTUR La Caleya’l Ríu, 205 CP 33394, Xixón, Asturies.

Artículu 15.- Recurriráse a la forma de plica, ello ye, adxuntaránse 2 sobres zarraos ónde s’escribirá: “Premiu d’Ensayu ASTURIES”, faciendo constar nos dos el títulu de la obra y el seudónimu del autor. Nunu d’ellos introduciránse l’orixinal y 5 copies, en cuyes portaes namás apaecerá’l títulu de la obra y el del autor o’l seudónimu. Nel otru sobre figurarán los datos personales del autor o autores (nome, direición postal, teléfonu y e-mail). Nesti segundu sobre axuntaráse una copia en formatu dixital del orixinal.

Artículu 16.- L’autor/es comprométense a nun retirar la obra enantes de faese pública l’alxudicación del premiu y a nun presentala a otros concursos en cursu nin en xeneral, a tener comprometía la so espublización. La obra tien que ser inédita, nun tener cedíos los derechos con anterioridá

Artículu 17.- La presentación d’orixinales implica l’aceutación destes bases, qu’actúen en valor de contratu d’edición.

Hasta’l 9 d’ochobre ta abiertu’l plazu pa matriculase nos cursos 2009-2010 de Cultura y Llingua Lleonesa na Conceyalía de Cultura Llionesa de Lleón a cargu d’Abel Pardo.

Los cursos que s’ufierten son: llingua lleonesa, gaita, xifra y tamborín, tambor, llinguaxe musical, baille tradicional, baille tradicional infantil, pandereta, indumentaria, curdión diatónicu, rabel, coru tradicional y castañueles.

Pa informacion ya inscripciones los interesaos han dirixise a la Conceyalía de Cultura Lleonesa, asitiada nel Palaciu Don Gutierre, Plaza de Don Gutierre, 2, de Lleón o llamar al teléfonu 987 344 370.

Fueya d’inscripción

Güei, miércoles 23, l’Arribada entama a les cinco y media, y failo cola presentación d’Histories d’avientu, pa darréu celebrar un actu na alcordanza d’El llapiceru, revista de cómics dirixida por Lluis Antón González.

A les seis y media, Enrique Carballeira va presentar el blogue “Les coses de Nardo y Quina”, proyectándose darréu “L’especial de Navidá paramilitar de Lobo”.

Tino Rodríguez Arbesú va lleer la comunicación “‘El Wendigo’ y el cómic n’Asturies” a les siete y media, y Adolfo Camilo Díaz va pesllar la xornada presentando la so obra de teatru “Terapia”.

La conceyalía de Cultura del Ayuntamientu de Noreña entama dos cursos, unu de pintura al óleu y otru d’aniciu a la llingua asturiana, de sesenta hores y con un cupu mínimu de 12 persones y máximu de 16. Los horarios tán por determinar. El plazu p’apuntase termina’l 30 de setiembre. El llugar pa facelo, el mostrador d’información del conceyu condal.

La Biblioteca d’Asturies, asitiada n’Uviéu, abre’l plazu p’apuntase a dos cursos, unu de creación lliteraria y otru de llectura. L’escritor Fernando Menéndez va coordinar dambes dos actividaes.

El taller de creación lliteraria va entamar el martes que vien, 22 de setiembre y va durar hasta xunu del 2010. Les clases van ser tolos martes de 19 a 20.30 hores. D’otra banda, el taller de llectura va entamar el día 24 d’esti mes, cola mesma duración, anque los xueves y cada quince díes. La inscripción ha facese nel edificiu de la Biblioteca, na Plaza’l Fontán.

Mercar llibros n’asturianu na Llibrería Asturiana de Trabe, asitiada n’Uviéu, tien premiu hasta’l 31 d’avientu. Los veceros que lo faigan nos meses vinientes van recibir un númberu col que van entrar nel sortéu que va celebrase’l día 4 de xineru del 2010.

La cesta inclúi novedaes d’última hora de la Editorial Trabe, ente otros los diccionarios que ta acabante sacar Xuan Xosé Sánchez Vicente y los llibros de la periodista y escritora del sieglu XIX, Enriqueta González Rubín, publicaos na Selmana de les Lletres Asturianes, dedicada a l’autora ribesellana (Obra completa y el facsímil de la edición de 1875 de la primer obra escrita n’asturianu en formatu llibru que se conoz, Viaxe del tíu Pacho el Sordu a Uviéu.