Convocatories

Güei, martes, 12 de xineru, siguen les actividaes cola conferencia “De cómo una llingua s’enfrenta a la muerte”, por Pablo Martínez Testa; “Nación y llingua”, d’Helena Trexu. La presentación, a les seis, del llibru “Abismos, adicciones y papeles azules”, de Xuan Carlos Crespos; siguiendo, a les 18,30 hores, la conferencia “Crónica del rei Fruela II d’Asturies (910-925)” por Xaviel Vilareyo.

¡a xornada va siguir cola conferencia “El procesu creativu”, de Dorita García y la presentación de la so obra narrativa. Pesllando a les 19,30 hores cola presentación del númberu 6 de la revista Formientu, na que van participar el director, Inaciu Galán, miembros del conseyu de redacción, autores y l’editor de La Cruz de Grau, César García. Darréu, autores como Pablo X. Suárez, Alejandra Sirvent, Abel Martínez, Frantxu Melero, Rubén Rey y Jorge Fernández García, ente otros, van celebrar un recital de lliteratura moza, nel que se van entregar los premios del I Certame de Microrrellatos Mozos «FORMIENTU».

La xornada cabera de la Xunta, va celebrase’l miércoles, a partir de les cinco la tarde.

El Club de Prensa de La Nueva España organiza na Casa de Cultura d’Avilés la presentación de la tercer edición de la Hestoria d’Avilés, en cómic, güei, xueves, día 17 d’avientu, a les ocho la tarde. Na mesma van participar Pilar Varela, alcaldesa d’Avilés; David Careaga, editor; José Manuel Feito, hestoriador, y l’autor, Miguel Solís Santos.

Esta obra cunta la hestoria d’esi conceyu ilustrada en 226 viñetes, distribuyíes en 52 páxines, dende’l Paleolíticu hasta la construcción del Centru Niemeyer. Esta tercer edición trai cinco páxines nueves con venticinco viñetes inédites que recueyen los socedíos más importantes dende 1992 (fecha de la última edición) al presente.

Nelles cuéntase la reconversión d’Ensidesa, les crisis económiques de los noventa, la «Marcha de Fierro», l’espoxigue cultural, el plan integral de depuración de la ría, los descubrimientos arqueolóxicos del castiellu de Gauzón, los trunfos deportivos de mayor sonadía, les fiestes y certámenes o la meyora del entornu. La primer edición d’esta obra foi en 1985, con una segunda en 1992, hasta llegar a esta tercera que se presenta agora na ciudá que protagoniza la hestoria de les sos páxines.

El Club de Prensa de La Nueva España organiza na Casa de Cultura d’Avilés la presentación de la tercer edición de la Hestoria d’Avilés, en cómic, esti xueves, día 17 d’avientu, a les ocho la tarde. Na mesma van participar Pilar Varela, alcaldesa d’Avilés; David Careaga, editor; José Manuel Feito, hestoriador, y l’autor, Miguel Solís Santos.

Esta obra cunta la hestoria d’esi conceyu ilustrada en 226 viñetes, distribuyíes en 52 páxines, dende’l Paleolíticu hasta la construcción del Centru Niemeyer. Esta tercer edición trai cinco páxines nueves con venticinco viñetes inédites que recueyen los socedíos más importantes dende 1992 (fecha de la última edición) al presente.

Nelles cuéntase la reconversión d’Ensidesa, les crisis económiques de los noventa, la «Marcha de Fierro», l’espoxigue cultural, el plan integral de depuración de la ría, los descubrimientos arqueolóxicos del castiellu de Gauzón, los trunfos deportivos de mayor sonadía, les fiestes y certámenes o la meyora del entornu. La primer edición d’esta obra foi en 1985, con una segunda en 1992, hasta llegar a esta tercera que se presenta agora na ciudá que protagoniza la hestoria de les sos páxines.

El conceyu Ribeseya entama unes xornaes de solidaridá col pueblu colombianu que se van desenrrollar los díes 12 y 14 d’avientu xunto con una esposición al rodiu la realidá de Colombia que se pue visitar dende’l día 15 na casa de cultura.

El sábadu 12 va tener llugar un conciertu solidariu, a las 21 hores, na Plaza d’Abastos. Ellí van participar Defectos Secundarios, Minoría Agresiva, Trueba, Almatrampa. Arma X y Escuela de Odio.

El llunes 14, a les 11, nel IES Avelina Cerra va celebrase la charra “Crisis de los drechos humanos en Colombia” a cargu de Javier Orozco Peñaranda, sindicalista de la CUT de Colombia y Coordinador del Programa Asturianu de Drechos Humanos.

La VII Xornada de la Fundación va sirvir p’acoyer al Rector de la Universidá d’Uviéu, Vicente Gotor, como patronu d’honor. Les pallabres d’acoyida va pronunciales José Suarez Arias-Cachero, na so doble condición de Conceyal de Cultura d’Uviéu y Patronu de la Fundación.

Amás, va proyectase un vidiu onde la Fundación amuesa lso sos argumentos a favor de la normalización del asturianu.

L’actu va pesllase con un discursu d’Inaciu Iglesias. Too ello va tener llugar na Fundación José Cardín, na cai Eloisa Fernández, 2, de Villaviciosa, el sábadu 28 de payares, a les 12 hores. Entamando na cai del Agua onde va celebrase la tradicional ufierta floral a Xosé Caveda y Nava.

La Sala d’Ámbito Cultural d’El Corte Inglés de Xixón acueye la presentación de los llibros “Con la vida a cuestas” de Francisco J. Picón, vicepresidente de la Asoaciación d’Escritores Noveles; y “Voces de otra tumba” de Javier Abelardo, Delegáu de la AEN en Valladolid.

L’actu va celebrase a les 19:30 hores cola presencia de los autores.

L’eventu, que se va celebrar los díes 18, 19 y 20 de payares, nel CMAE (El Arbolón) tien esti añu como tema la rexeneración de los espacios portuarios en ciudaes como París, Tenerife, Xixón o Avilés. Daráse diploma d’asistencia. Pa inscribise ha mandase un corréu a: estayallingua@ayto-aviles.es, llamar al númberu de la Estaya de la Llingua d’Avilés 663820132 o pasar a la oficina de la Estaya de la Llingua que ta na Casa Municipal de Cultura del Conceyu d’Avilés, primer pisu.

El Conceyu L.lena convoca un concursu de cuentos dotáu con tres mil cinco euros, pal trabayu que resulte gallardonáu, que pue presentase en castellán o n’asturianu, con una estensión máxima d’ocho fueyes.

El tema ye de llibre escoyeta del autor y el plazu de presentación termina’l tres de febreru 2010. Recíbense los cuentos na Casa Municipal de Cultura, 33630-L.lena.

Bases completes

L’Academia de la Llingua Asturiana va presentar les XXVIII Xornaes Internacionales d’Estudiu esti vienres 30 d’ochobre, a les 12 hores nel Hotel NH Principado, asitiáu nel númberu 6 de la cai San Francisco d’Uviéu.

Estes Xornaes que l’Academia de la Llingua Asturiana entama tolos años na Facultá de Filoloxía de la Universidá d’Uviéu van celebrase la selmana que vien, los díes 3, 4 y 5 de payares y nelles participarán un bon númberu de profesores ya investigadores asturianos xunto con otros de distintes universidaes españoles y europees.

Nel actu de presentación intervendrán la Presidenta de l’Academia de la Llingua Asturiana, Ana María Cano González, y los miembros del Conseyu entamador Miguel Ramos Corrada y Carlos Lastra.

L’Academia de la Llingua Asturiana celebra les XVIII Xornaes Internacionales d’Estudiu

Furmientu, organización zamorana favoratible al asturlleonés, convoca esti certame col envís de recoyer “toes aquelles palabres y espresiones característiques de los nuesos pueblos y comarques”, que recuerden “tópense en grave peligru de desapaición, polo que’l so caltenimientu precisa de la collaboración de toos”. Nel concursu pue participar cualesquier persona con un vocabulariu recoyíu en dalguna zona xeográfica de la provincia de Zamora.

El vocabulariu ha tar inéditu dafechu y con polo menos 60 vocablos, definíos con una pallabra o frase. Ha constar la fecha, aproximada, de recoyida del material. Los vocabularios participantes nes ediciones anteriores pueden concurrir de nuevo n’esti, siempres que’l material apurríu contenga dalguna aportación nueva.

Xunto a cada vocablu ha indicase la llocalidá na que se recoyó, nel casu de que non tolos vocablos o topónimos procedan d’un mesmu pueblu o conceyu.

El xuráu va valorar el númberu de vocablos recoyíos (xunto a otres cuestiones), y tendrá en cuenta estyi númberu en rellación a la zona o zones nes que se recoyó’l material. Tamién se va valorar positivamente que’l vocabulariu contenega información complementaria de los vocablos o del fala llocal en xeneral, como por exemplu frases qu’exemplifiquen l’usu de los vocablos, o información sobro la so vixencia, según la descripción d’estructures llingüísticu propies de la fala llocal.

Otru tipu d’información complementaria de gran interés son les recopilaciones toponímiques, siempres y cuando los nomes de los pueblos seyan tomaos directamente de la tradición oral. Igualmente va valorase positivamente l’aportación d’otros datos complementarios, como tou tipu d’información etnográfica rellacionada colos vocablos.

Los vocabulario pueden ser apurríos escritos a mano, n’archivu informáticu de testu (preferiblemente) o impresu en papel. Los materiales presentaos han contener el nome y apellíos del autor de la recopilación, según el so llugar de residencia y un teléfonu de contautu. Pa concursar bastar con ponese en contautu cola asociación cultural Furmientu a través de los nos de teléfono 669 322 834 o 695 515 386, o unviar per corréu ordinariu los vocabulario a la viniente dirección: Asociación Cultural Zamorana Furmientu, na cai Grijalva 6 2uA. 49021 Zamora. El período de recepción de material d’esta cuarta convocatoria termina’l 31d’avientu de 2009

El ganador recibirá un premiu consistente nun llote de llibros. Tolos concursantes recibirán un pequeñu regalu.

Ganadores d’otres ediciones del concursu