Cine

Devon Terrell, un mozu desconocíu, va ser l’encargáu d’interpretar mientres la so mocedá al presidente d’Estaos Xuníos, Barack Obama, nuna película independiente dirixida por Vikram Gandhi.

Los Premios Yago celebren esti martes la so segunda edición na que van reconocer a los grandes escaecíos de l’Academia de Cine Español nos Goya. Imanol Arias, Leticia Dolera, Pablo Berger o David Ilundain van ser los encargaos de presentar dalgunos de los premios.

L’Academia de Cine inauguró esti miércoles 24 de febreru un ciclu dedicáu a los guionistes españoles nel que va esibir películes escrites polos guionistes más reconocíos del cine español. Precisamente, dellos guionistes criticaron apocayá a la institución, tres la gala de los Premios Goya 2016 celebrada’l pasáu 6 de febreru porque guionistes nomaos nesta edición nun pudieron desfilar pola alfombra colorada.

Una nueva edición del Certame Nacional de Cortometraxe Avilés Acción, que se va celebrar del 21 al 28 de Mayu ufre participar nesta XV edición, pa les secciones Oficial y Asturies, a tolos interesaos al traviés de les plataformes habituales que vieno utilizando’l festival: Movibeta o Festhome.

Tres la publicación d’un teaser qu’apenes amosaba unos pocos segundos del filme, Pedro Almodóvar y la so productora, El deséu, llanzaron esta selmana’l tráiler oficial del so nuevu filme, “Julieta” onde apaecen dellos de los sos protagonistes . La película va llegar a les sales el 8 d’abril.

Pal mes de Febreru va siguir na Casa de la Cultura d’Avilés, cada martes, la programación de proyecciones cinematográfiques entamando esti 2 de febreru.

Movierecord Cine y la Filmoteca Española roblaron un alcuerdu de depósitu del material publicitario, qu’hasta la fecha salvaguardaba la empresa, y garantizase con esta cesión la preservación d’esti patrimoniu publicitario y cultural, según informó la compañía.