Cine

Esta fin de selmana diéronse a conocer tolos ganadores de los Premios Feroz 2020 con  ‘Dolor y gloria’ de Pedro Almodóvar afarando estos Premios, que concede la prensa cinematográfica, con seis galardones de los diez a los qu’optaba.

Hai yá diez años que James Cameron revolucionó la industria del cine cola superproducción Avatar, una película que llevaba al cume’l 3D con unos efectos especiales allucinantes y claru mensaxe ecoloxista que s’alzó como’l filme más taquilleru de la hestoria y agora apaecen na cuenta  oficial d’Avatar en Twitter les imáxenes de la nueva entrega que se prepara.

La inclusión d’Antonio Banderes como unu de los pocos nomaos “de color” a los Óscar per parte de medios estadounidenses desamarró la inmediata reacción en redes sociales. Fueron munchos los usuarios que s’entainaron a esclariar que l’actor español ye “européu y blancu”.

Joker, con once nominaciones y Érase una vegada en…Holywood, L’irlandés y 1917, con diez caúna, lideren les nominaciones a los premios Oscar, según la llectura que dieron a conocer esti llunes los actores John Cho y Issa Rai. Dolor y Gloria foi escoyida como meyor película internacional y el so protagonista, Antonio Banderes, ta ente los cinco aspirantes al Oscar al meyor actor.

“Joker” y “The Irishman” tan ente les nomaes a los BAFTA del cine británicu“1917 ”, como “Once upon a Time… in Hollywood ” y “Parasite ” que son otres de les cintes que van competir pol premiu.

‘Cats’ va meyorar los sos efectos especiales tres les brutales crítiques recibíes, tres de la decisión d’Universal Pictures de redistribuir una nueva versión de la película colos efectos especiales retocaos, según unvió nuna nota a miles de cines estadounidenses.