Portada Conceyos Santa María conviértese en Pueblu Exemplar de Grau

Santa María conviértese en Pueblu Exemplar de Grau

by asturnet

El miércoles 6 de xunu fallóse’l V Premiu al Pueblu Exemplar de Grau (añu 2012), convocáu pola Conceyalía de Cultura del Conceyu de Grau. Nesta ocasión presentáronse cinco candidatures (Panicera, Parroquia de Báscones, Santa María Grau, Santa María Villandás y Rañeces).

Tres el correspondiente alderique’l xuráu alcordó por unanimidá conceder el premiu a la candidatura de la localidá de Santa María Grau, presentada pola Asociación “El Gueyo”.

El Xuráu “valoró l’ampliu cumplimientu de tolos criterios a valorar, el so espíritu cooperativu y collaboración con entidaes benéfiques ya instituciones, amás de les sos obres y llogros na recuperación y revitalización del so patrimoniu, recuperación de les sos tradiciones como les filanderes, gastronomía y fiestes, destacando finalmente’l so sobresaliente esposición documentada y el proyectu al que pretenden destinar el premiu: los materiales pa la construcción d’un centru social fechu en sestaferia polos vecinos”.

Tamién te podria gustar