Salman Rushdie recibe la Medaya d’Oru del Círculu de Belles Artes

Salman Rushdie incorporóse ayeri a la nómina d’escritores y artistes que tien la Medaya d’Oru del Círculu de Belles Artes de Madrid.

Nel actu d’entrega, el so presidente Juan Miguel Hernández Llión, destacó la capacidá del escritor anglu-indiu p’aplicar el realismu máxicu a la ficción histórica, daqué que ye una especifidad de la so obra y que ta tamién na so novela más recién, Dos años, ocho meses y veintiocho noche (Seix Barral).

Hernández Llión fixo un percorríu pola obra del homenaxáu y recordó delles declaraciones lliteraries sos, como la referida a la fonda buelga que dexa la medradera escuchando les hestories de Simbad, Aladino y Alí Babá, y cómo esi posu llevólu a entender que’l realismu nun ye l’únicu recursu pa cuntar hestories. Nun alloñase nunca del so camín d’escritor, entá nes circunstancies más estremes, y el so defensa de la llibertá d’espresión fueron dalgunes de les razones que llevaron al Círculu a concede-y la so medaya.